LE MIROIR DES FRANCS TAVLPINS, AVTREMENT DICTZ ANTECHRISTS. AVQVEL EST CONTENV LE DEFFENSOIRE DE LA FOY CHRESTIENNE.
Author: Artus Désiré
Date:
Publisher: Du Gort frères
Place: Rouen
LE MIROIR
Des francs tavlpins, avtrement dictz
Antechrists. Avqvel est contenv
le deffensoire de la foy
Chrestienne.
Avec plvsievrs figvres novvellement
avgmentees.
[Image]
A ROVEN
Av portail des libraires, en la prochaine
Bovtiqve de la rve par Iehan
dv Gort.
L'Imprimevr av Lectevr.
Lectevr qvi volvntairemẽt
Regardez ceste impressiõ
Ie vovs pry amy ablement
Svpporter l'incorrection
Et si qvelqve imperfection
Il y a en ce present livre
A l'œil des avtres ne la livre,
Et ne prenez garde a ma defavte
Car il nest homme si delivre
Qvi bien sovvent ne face favte.
Av Lectevr.
A toy chrestien enfant de Iesvs christ,
Confvtatevr dv mavdit Antechrist,
Conservatevr de la foy catholiqve,
Povr le salvt dv grege plebeiqve
Svr les transgrez, ce Livre ay composé
Sans longs propos, mais en brief exposé
Contre l'errevr des favlx pernicievx,
Qvi de levrs doigts pollvz et vicievx
Ont le miroir des sainctz fractionné,
Dont maint homme est fort svspecionné,
Av temps qvi covrt, par l'abbvs respandv,
Et povr raison, svbiect me svis rendv
A ce labevr, sans en pretendre gloire
De vanite ne de loz transitoire:
Mais a cell' fin de donner resistence
A lair infect remply de fetvlence,
Qvi fait la gent de saincte eglise extraire,
Et qve qvelqv'vn se pvisse a bien retraire
Par le moyen de ce petit traicté,
Dont te svpply, qve l'incongrvité
Soit pardonné et l'imperfection,
D'avssi bon cvevr et bonne affection
Qv'ay composé ladicte œvvre presente,
Qve devant toy hvmblement ie presente.
Le miroir des francs tavpins,
O vovs hvmains qvi passez par la voye,
Arrestez vovs, afin qve chascvn voye
Comme se sied l'eglise popvlevse
Pleine est de plevrs et melencolievse,
Plorant la nvict sa desolation,
Qvasi vevfve est sans domination,
Et ses amys sont faictz ses ennemys
Qvi par favevr ont contre elle asnes mis,
Vilipendant sa beavte facialle
Fvrtivement à l'hevre noxialle
Se sont campez, rompans mvrs et rampars,
Gensdarmes sont de tovtes pars espars
A l'entovr d'elle, et ont destrvict la porte
Les fondemens, la pierre dvre et forte
Est assallie a grans covps de canon
Qvi ont rompv son decret et canon
Povr et afin qve son ordre soit teve
Mavdicte errevr ses enfans navre et tve
Devant ses yevx dont sans fin se desole
Comblee de dveil, et na qvi la console
En son grand mal et triste amaritvde
Elle a perdv sa force et valitvde,
Enclose elle est des malhevrevx soldats
Qvi par mensonge et sophisticqves arcz
Ont mis levr camp par folle ambition
Av val pvant de tribvlation,
Sovbs le conseil de langve serpentine.
A.iii
Le miroir
O malhevrevse inhvmaine doctrine
Mavdict lvter, anathematisé
Corps infernal av centre intronisé,
Comme as tv tant ta mere nvtritive
A contre cvevr? la mere lactative
Qvi a lave la tace originelle,
Et ta recev en chambre maternelle
Hvmainement comme son propre enfant
Homme heretiqve, as tv point cognoissance
Dv premier iovr qv'av monde prins naissãce
Dont ton cvré declare et verifie
Qve de lvngvent, ov grace florifie
Osta lordvre en ton ame imprimee,
Et fvt alors dv cresme confirmee
Povr la redvire en chemin salvtaire?
Mievx te vavdroit povr ton salvt te taire
Qve de prescher la loy dv proditevr
Esprit damné, gvidon dv tentatevr
Par ta doctrine et variation
Le genre hvmain, sovbz favce paction
Viens debeller, svbivger et defaire,
Contre raison et propos temeraire
Les sainctz de diev tv ne vevx venerer
Ne iesvchrist en son temple adorer
Tant as le cvevr svperbe et orgveillevx
Et tes consortz avx desertz sablonnevx
des francs Tavpins.
S'en vont fvyant sovbs rochiers aqvaticqves
Comme serpens et dracons venenicqves
Cloz et privez des rayons de phebvs.
Cognois tv point maintenant ton abvs
Cognois tv point ta grand deception,
Et penses tv depvis la passion
De iesvchrist, qve sa mort pitoyable
Ivsqve a present n'ayt este profitable
Vev qv'il ya mil cinq cens ans et plvs
Qve noz parens, de macvle absolvs
Novs ont donné ceste foy catholiqve
Et qve la grace et bonté deifiqve
Dv trespvissant, ne soit point descendve
En son eglise, et svr elle espandve
Povr novs donner de sa loy certitvde
Penseroys tv, pavvre homme, sot et rvde
Pavvre desprit, homme mal entendv
Qve iesvs tevst si long temps attendv
Povr exposer son œvvre evangelicqve.
Dire favdroit par raison avtenticqve,
Qve nostre diev misericordievx
Evst donc esté immisericordievx
Par cy devant, est qve le sainct esprit
Avroit regy leglise de iesvchrist
Tovt endormy, sans novs donner a entendre
La verite, qva present vevx reprendre.
Dont ie conclvds, si le cas est ainsi,
A.iiii
Le miroir
Qve tovt le plevple est damné sans mercy,
Et qve le sang de Iesvs respandv
Povr tovs deffvnctz, est vainement perdv
Ha non est non: mais povr ta liberte
En tes sermons tv dis qve verite
Est de par toy presentement cogneve.
C'est grand orgveil, dire qv'a ta venve
Le sainct esprit en ses terrestres lievx
T'en lvmine dv soleil radievx
Et qve de depvis l'hevre et commencement
Qve diev donna le novveav testament
La verite ne sestoit demonstree
Ivsqva present, ov las tv rencontree
Ie dis qve cest verite mensongere
Qvi dantechrist est propre messagere
Et dont tv es le malin precvrsevr.
Premieremẽt sovbs sainte de dovcevr
Par trahison et perillevx obice,
Povr demolir dv temple ledifice;
Et les statvz de nostre antiqvite
Lordre divin de leglise as qvité,
Fvyvant lerrevr des favx deffectvevx,
Et qvi plvs est, dvn cvevr a ectvevx,
Povr extirper lordonnance des sages
Tv contredictz avx statvz des ymages
Des bien hevrez en la gloire celiqve,
Mais tv nest pas le premier hereticqve
des francs Tavlpins.
En ce proces dargvmentation.
Car ia cest faict la congregation
Povr ceste errevr contre les pilistins
Qvi convaincvz fvrent par les latins,
Et condamnez av concile de Reims.
Gens avevglez, malhevrevx chrestiens
Favx libertins qvi navez de diev crainte
Navez vovs point en lescritvre saincte
Vne figvre a ce propos escrite
Comme Moyse av pevple israelite,
Fist elever vn grand serpent darain
Povr preserver ses enfans et son train
Dv mords infect des serpens pestiferes
Qvi les mordoient de levrs dens mortiferes
Par les desers et espinevx fossez
Et avssi tost qvilz se sentoient blecez
Svbitement a l'hevre, et sans tarder
Ledit serpent ilz alloient regarder
Et par cela recevoient gvarison
Mais en apres povr la cavse et raison
Qv'en abvsoient par idolaterie
Ezechias contre evx print facherie,
Et par despit le feit rompre et destrvire.
Semblablement ie vovs vevx avssi dire
Novs qvi avons dymages visions
Avcvnement si novs en abvsions
Diev permetroit qvilz seroient to' destrvicts
Le miroir
Mais par les sainctz fvrẽt et son costrvicts
Sovbz le vovloir dv tressainct esperit,
Comme trovvons par exemple et escript
Bien amplement av livre des conciles
Ov tovs les poinctz des errevrs difficilles
De par l'eglise ont este condemnez.
Et povr ce vovs qvi les sainctz contemnez
Si vovs lisez la lettre sevre et saine,
Vovs trovverrez qv'av concile Nycene
Fvt en ce liev l'ymage presentee
De nostre Dame: et par acte arrestee
Il fvt conclvd sans contradiction
Qva son honnevr et colavdation
Elle seroit honorablement mise
Par les chrestiens en nostre mere eglise
Comme on la voit maintenant de present
Ie vovs demande, est ce point le present
Dv sainct esprit, qve novs lavons receve.
L'eglise de diev a elle este deceve
Depvis ce temps, en voz errevrs difformes
Respodez novs, qvi dictes qve les hommes
Ont faict cela, sans qve diev le commande.
A vostre advis, svr ce point ie demande
Si vovs tenez vn concille novveav
Sera il sainct sera il bon et beav
En le tenant serez vovs dievx ov dyables.
Allez asniers manger chardons et yebles
des francs Tavlpins.
Pvis qve dv pain de Iesvs navez cvre.
Navez vovs pas en la saincte escritvre
Avtre figvre a ce propos reqvise,
Qv'vn iovr diev dict av prophete Moyse
Qv'il evst a mettre av meilliev de son temple
Des chervbins, povr figvre et exemple
Qve les chrestiens, apres sa passion
Des sainctz avroient representation
Par les statvz, ymages et figvres.
Estimez vovs brvtives creatvres
Qvav monde y ait si pavvre esprit chrestien
Qvi ne cognoisse: et qvi nentende bien
Qve limage est de boys, pierre ov de plastre,
Sil la salve, est il povrce idolatre
Sil la salve, estimez vovs qvil erre
La salve il povr lhonnevr de la pierre
Dictes meschans, derrevrs lyez et seins,
Dit pas david, lovons diev en ses sains,
Qv'est ce lover sinon qve lhonorer
Av nom des sainctz, et de cvevr adorer
Recognoissant nostre creation,
Afin qve par levr intercession
Pvissons comme evx vivre eternellement.
Et qvi plvs est, navons point pas comment
Le bon Moyse a prie le savvevr
Povr ses enfans hvmblement de bon cvevr
Av nom disaac, dAbraham et Iacob
Le miroir
Leqvel fvt lors exavce tovt a covp
Divinement a la fvrevr dicevx
Or donc meschans, et mavdictz vicievx.
Qvi le serment avez ainsi favce:
Si ainsi est qve diev layt exavce
Av nom des trois qvi estoient en prison
Les sainctz de diev par plvs forte raison
Ovi sont lassvs rassasiez de gloire,
Sont ilz point plvs av sainct repositoire
De iesvchrist en grace confirmez.
Respondez novs, qvi pev les estimez
Qve vovs ensemble en vostre ivgement.
[IMAGE]
Navez vovs pas en sainct Iean plainement
Ov il est dict qve diev honorera
Sainctes et sainctz et les glorifiera
Lassvs avx cievx en son reconditoire
Et donc meschans, si Iesvs les honore
des francs Tavlpins.
Par dignite lassvs en son sainct liev
Qve ferez vovs, estes vovs plvs qve diev
Repvgnez vovs la genvflection,
Impvtez vovs par incorrection
Envie a diev svr lhonnevr des savvez.
Lvteriens, malhevrevx reprovvez
Imposez vovs en vostre orde heresie
Av diev vivant peche de ialovsie,
Estimez vovs qve lhonnevr lvy desplaise,
Ha nenny non, riens nest qvi plvs lvy plaise
Qve sainctement on les prie et decore,
A celle fin qven ayant devx memoire
L'honnevr en soit en la gloire des cievx.
Et vovs voyez qvil les appelle dievx,
Et silz sont dievx, nõt ilz poĩt qvelqve grace
Par vision de la tressaincte face
De levr grand diev, tant fort et tant pvissant
Si ont vrayement, et tovt bien cognoissant
Ilz sont dovez des dons prestantievx,
Et consolez dv frvict svbstantievx
A levr honnevr et benediction,
Dont povr la grand' reverberation
De lvstre exqvis de la divinite,
Si remplys sont de la claire clarte
Qvilz ont parfaicte et pleine cognoissance
De levrs servans, et povr recognoissance
De levr loyer, sans qve diev les refvse
Le miroir
Par la vertv de la grace diffvse
Facilement obtiennent levr demande.
Ainsi ie dy qve levr pvissance est grande,
Et qve devons par bonne affection
Faire devlx tovs commemoration,
Et les prier de bon cvevr gracievx,
povr et afin qv'avx sainctz precievx cievx,
Soient procvrevrs vers ladvocat Iesvs
Et qvavec evlx pvissions monter la svs
En bon repos, sainct et contemplatif:
Car lhomme estant par son peche actif
Entrelace dv lien sataniqve
Povr reqverir la grace deifiqve
En ses pechez ne i'ose presenter
Devant son diev: mais povr le svpporter
A son salvt, layde des sainctz invoqve,
Et par ce point leglise novs provoqve
Les collavder en grand solennité.
Las ne svffit à lincredvlite
De ton favlx cvevr, par tache incsiievse
Contre la vierge et mere glorievse
Qve novs devons hvmblement reclamer.
Lhonnevr dicelle as vovlv diffamer,
Et opprimer dvne peste incvrable,
Cest ladvocate avx pechevrs pitoyable
Qvi novs procvre vne gloire infinie.
Ha detractevr, feras tv vilennie
des francs Tavlpins.
A Marie pleine de sapience,
Qvi fvt iadis par digne providence
Cree en diev sovbz divin pensement
Povr prevenir lindv transgressement
De noz parens dinnocence defaictz.
Ne voy tv point tes malhevrevx forfaictz,
De plvs en plvs ton cvevr sedicievx
Cest efforce desprit avdacievx
Deraciner lancienne doctrine:
Mais elle a prins si tresferme racine
En Iesvschrist par amovr vernacvle,
Qve ta froidevr glaciale macvle
Ne gelera lodorante armarie
Dv beav rosier de la vierge Marie
Pleine de grace et de misericorde.
Estimes tv par ta misere et corde
Exterminer lancienne ordonnance
De noz parens, qvi ont mis levr pvissance
A congreger les sainctz religievx
Dv temps passe, povr lerrevr stigievx,
Dont à present la verite vacile.
Est il besoing faire vn novveav concile,
Est il besoing laisser loppinion
De tovs les sainctz, qvi par bonne vnion
Ont discvte tovt probleme dovbtable,
Povr adherer a ton abvs damnable,
Plein de peche et venin corrvptif.
le miroir
Ha nenny non: car diev preservatif
Et privatif de tache corrvptive
Novs gardera nostre loy primitive,
Ivsqves av iovr de derniere action,
Sans qve venin ne macvlation
Pvisse grever celle qvi novs domine.
O prodvctevr dinfernalle vermine,
Monstre crvel, et rage tyranniqve,
Ne svffit il a ta main plvtoniqve
Avoir descrit actes inivrievses
Contre les sainctz, et vierges glorievses,
Sans debeller le sainct verbe divin,
[IMAGE]
Qvi dignement sovbz le pain et le vin
Est incarné povr vn bien profitable,
Comme par foy et par loy veritable
Novs croyons tovs de cvevr parfaictement.
N'as tv point lev la figvre et comment
des francs Tavlpins.
Dedans la bible il est faict mention,
Qv'av temps passé les enfans de Sion
Qvand de laigneav vovloyẽt mãger la chair
Sovdainement lavalloyent sans mascher
Par les statvtz de lancienne loy.
Et qvest ce a dire en cecy, respons moy,
Ceste figvre est le vray fondement
Dv venerable et digne sacrement
Dv corps Iesvs, qva pasqves recevons
Devotement, qvand ce paschal prenons
Sovbs ferme foy, il novs est convenable
De lavaler, confes, et lamentable,
Sans le mascher, cest a dire, sans dovbte,
Sans varier, sans errevr, somme tovte
Le croire ainsi comme leglise croit.
Navons novs pas figvre en avtre endroit
Svr ce propos, par cas demonstratif,
Qve le serpent povr son preservatif
Qvand il a soif, premier qve boire en leav
Prvdentement il vomit bien et beav
Tovt son venin, remply de fetvlence.
Signifiant qventre novs pleins doffence,
Si novs vovlons recevoir dignement
Le trespvr sang il favlt premierement
Vomir peché par vraye confession,
De cvevr contrit, et satisfaction
Sovbz charité, qvi tovt acte precelle,
B
Le miroir
Ainsi comme l'eglise vniverselle
A commandé povr noz biens salvtaires.
Or donc pervers et favlx sacramentaires,
Qvi argvez par folle qvestion
Comme se faict la transmvation
Dv pain et vin av corps de Iesvchrist.
Provver vovs vevx par exemple et escrit
Vostre errevr favlce, abominable, ville.
[IMAGE]
Ie vovs demande, est il plvs difficile
A nostre diev, de transmver le pain
En son sainct corps precievx et hvmain,
Qv'avoir mvé par grace complective
La coste Adam a vne femme vive.
Comme lisons av livre de Genese.
Responds icy madame la bovrgeoise,
Si ton savvevr t'a prodvicte de rien.
Raison povrqvoy ne pevt il avssi bien
des francs tavlpins.
En la vertv de consecration
Faire dv pain la commvtation
En son sainct corps povr novs svbstancier.
Oses tv bien de ce te sovcier,
Oses tv bien ovvrir ta bovche impvre
Povr dispvter de la saincte escriptvre,
Vev qve sainct Pavl av femmes le defend.
Ie mesbahys qve la terre ne fend.
Ie mesbahys comme ell' te pevt porter.
Ne crains tv point ton savvevr irriter.
Et de tomber sovbz ta pesante charge.
Et si Moyse a converty sa verge
En vn serpent, et transmvé en sang
Les flevves grans: povrqvoy le diev pvissant
Ne pevt il donc le pain et vin mver
En son sainct corps, et sainct sang transmver
Tovt avssi bien qv'avx nopces transmva
L'eave pvre en vin, et avssi qvil mva
La femme Loth en statve de sel.
Lvy qvi est diev, sainct, et sempiternel.
Ne pevt il pas faire ce qvil lvy plaist,
Ie croy qv'ovy. qvi te faict errer, c'est,
Qv'en ton salvt as perdv l'appetit,
En demandant comme en liev si petit
Le corps, le sang povrroit estre incarne.
O le meschant, o le mavdict damne,
malhevrevx homme sacramentaire,
B ii
Le miroir
Estimes tv qve ce corps salvtaire
Qve les Chrestiens adorent povr levr diev
Entre les mains dv prebstre, occvpe liev,
Ainsi comme favlcement tv lexposes?
[IMAGE]
Qvand Iesvchrist entra les portes closes
Dedans la chambre ov estoyent ses brebis,
Ientens ses sainctz, avsqvelz dict, pax vobis,
Ne craignez point, cest moy, iay chair et os.
* Ie vovs demande, entre vovs idiotz
Qvõ devst brvser a beavx fagotz de paille.
Si Iesvchrist par sa porte ov mvraille
En y entrant: non veritablement:
Mais povr monstrer miracvlevsement
A ta pensee heretiqve et dovbtevse.
Qve vne chair saincte, et si tresprecievse
Qven liev ov soit nempesche avcvne place,
Et donc si diev par sa divine grace
des francs Tavlpins.
Cest apparv en resvrrection
A ses amys, sans faire fraction
A la mvraille, est ce point povr congnoistre
Qve son saĩct corps entre les maĩs dv prestre
Divinement nempesche liev dv monde.
O heretiqve, homme errant, et immvnde,
Qvi avx abvs as mis ton estvdie:
Las as tv bien la langve si hardie
Dire et prescher qve nest qve illvsion
Dv corps de diev, et tovte abvsion,
Et qvav sacrere il ne pevt en chair estre.
Favx libertin, celvy qvi ta faict naistre,
Faict, et formé, le vevlx tv contredire.
Oses tv bien de ton salvt mesdire.
Estimes tv qve diev soit impvissant,
Ne voy tv point le soleil trespersant
Qvil a creé par pvissance divine
Povr esclairer a tovte la machine.
Il est en France, en Tvrqvie, en Espaigne,
En portgval, en Escosse, en Bretaigne,
Qvi est vn cas entre avtres nompareil:
Car par tovt est, et si nest qve vn soleil,
Et tovt ainsi qvil ne pevt empescher
Place ne liev, semblablement la chair
De Iesvchrist nempesche nvllemment
Les mains dv prestre av tressaĩct sacrement,
Comme tv vois par vraye similitvde.
B iii
Le miroir
As tv l'esprit si heretiqve et rvde,
Qve tv ne pevx ton salvt recongnoistre.
Monsievr sainct Pavl faict il pas a cõgnoistre.
Qve la chose est de grande conseqvence,
Et de tressaincte et divine excellence,
Qvand il novs dict, si lhomme indignement
Mange ce pain, il prend son ivgement,
Son corps son ame à la mort il expose.
Dire favt bien dõcqves qve cest grand chose
Pvis qvil y a tel danger a le prendre,
Avssi a il, et povr tovt bien comprendre
Ie pense av vray, prevoyant ceste errevr,
Qve briefvement nostre diev et seignevr
Le vengera de ton favlx argvment.
L'effect voyons par le transgressment
De ta foy favlce ov tovt abvs abonde,
Et le droit poinct svr leqvel ie me fonde.
Cest en la bible, on le propos est tel,
Qvi bien recite dv pevple d'Israel,
Tant qv'icelvy dedans le desert fvt
Manne dv ciel à manger tovsiovrs evt,
Et avssi tost qve dv desert saillit
Incontinent la manne lvy faillit,
Et note bien, car ce point te condemne.
Semblablement novs qvi prenons la manne
De iesvchrist, qvi est son digne corps,
Qvant dv desert novs sortions dehors.
des francs Tavlpins.
I'entens sortir de ce desert mondain:
La manne alors novs favdra tovt sovdain,
Qvi est l'ostie honorable, hvmble, et digne.
Et povrce donc note et entens ce signe,
Recognoissant ton errevr et malice.
Tovt avssi tost qve le sainct sacrifice
Dv corps de diev, et messe cessera
Tovt avssi tost le monde finera,
Et nonobstant tes argvmens et mais
Le sacrement ne cessera iamais,
Qve tovt le monde a l'hevre ne define.
Monsievr saicnt pavl de grace predistine
A bien rescrit tovt le temps et le covrs
Qve no' voyõs, disant qv'avx derniers iovrs
Plvsievrs Chrestiens delaisseront levr foy.
Lvteriens, ie vovs pry dictes moy,
Qvi sont cevx la de qvi sainct pavl rescrit,
Ne sont ce point des svppostz d'antechrist,
Qvi de la foy sont dv tovt destovrnez:
Ovy vrayement, car les predestinez
Et bons chrestiẽs n'ont point levr foy favce
Comme entre vovs, qvi l'avez delaissee
Prestans lavreille avx errevrs dheresie,
Dont vovs avez par folle fantasie
La foy favlsee, ainsi qva dit lApostre
Novs navons point fractionne la nostre,
Ne delaisse celle de noz parens.
B iiii
Le miroir
Povrce ie dis par signes apparens
Qve cest de vovs de qvi saĩct Pavl novs parle,
Car vovs avez a vostre grand scandalle
Contrarie a la foy de voz peres,
Et delaisse voz catholiqves freres
Povr vne folle et ville liberte.
* Gens malhevrevx pleins dincredvlite,
Martyrs denfer, plongez en pvante hvyle,
Nest il pas dict en la saincte evangile,
Qve nostre diev tresgracievx et mvnde
Est la lanterne et lvmiere dv monde
[IMAGE]
Povr esclairer a ses enfans vniqves.
Penseriez vovs malhevrevx heretiqves
Qve Iesvchrist evst pose la lanterne,
Et enfermee en obscvre caverne
Mil cinq cens ans, et qvevst este brvslante
Sans esclairer leglise militante,
des francs Tavlpins.
Ivsqve à present qve Lvther est venv:
Povre hereticqve en errevr detenv,
Ne voys tv point ta svperbe folie,
Ne voys tv point par ceste foy faillie,
Qve diev est fort contre toy irrité,
Vovldrois tv bien par cvriosité
Novs faire tovs avx enfers condescendre,
Vovldrois tv bien contre diev entreprendre,
Vovldrois tv bien sovstenir les propos
Damnez dovbtevx et havlt reconditoire,
Vevlx tv dovbter qven ce bas territoire
Diev ait permis qve son eglise saincte
Ait abvsé par fallace et par fainte
Ivsqves icy, a povre homme incense,
Homme follet, las ov as tv pensé,
Ov as tv mis ton esprit deceptif
Cvy des tv pas qve le premier motif
Des grands errevrs nayt esté condamné,
Mil ans y a premier qvefvsses né
Dont maintenant favcement tv devises:
Avons novs mis les cloches avx eglises,
Avons novs mis avx temple les ymages,
Presvmez qve novs soyons plvs sages
Qve noz parens et amys trespassez:
Ces beavx convents avons novs commence
Avons novs fait le premier fondement
Le miroir
Des lievx sacrez, Respond a largvment
Qve ie te faits, cest chose assez facile.
Or ascavoir d'ov vient nostre evangille
Et qvi ta dit, Sainct Iean a fait cecy,
Sainct lvc, sainct marc, et sainct matheiv avssi,
Sinon leglise, et doncqves malhevrevx
Si ainsi est qve povr les bien hevrevx
Leglise ayt fait ces statvts de vertv,
Raison povrqvoy à ce contredis tv
Vev qve le tovt est a lhonnevr de diev:
Par ton moyen ce iovrdhvy en maint liev
ont cesse chants, et ioyevses mvsiqves,
Hymnes, respons, les proses et cantiqves
Tant melliflvs, tant dovlx, tant savovrevx.
Et tovt ainsi qve povres gents paovrevx
Tant adherans en signe de tristesse
Ont svspendv levrs orgves de lyesse
Avx boys tortvs en grand perplexité
Comme mvetz, pleins de timidité,
Et ont levr langve av palais attachee,
Si bien qv'errevr et mensonge cachee
Nose sortir de levr impvre bovche:
Car av iovrdhvy levr cecité, levr bovche,
Loeil et l'organe en tel point et maniere
Qv'ils ont perdv cognoissance et lvmiere
Dv diev des dievx, par pechez infinis.
Et comme gents dv temple forbanis
des francs Tavlpins.
S'en vont fvyant d'avec les catholiqves
Par les sentiers loingtains Babilonicqves
En plevrs et plains, en regrets dovlovrevx,
Plorans sans fin en sovspirs langovrevx
La perte grande, et la possession
De tovs levrs biens, par l'obstination
Et grief deffavlt encontre evlx approvve.
O (donc lvther) malhevrevx approvve
Avx lievx deserts et govffres violens.
Combien a il de povres gents dolens
Clos et perdvs en chartre tenebrevse
Car le conseil de ta langve paovrevse
Qvi ont svivy ta doctrine moderne.
Le tentatevr de la basse sisterne
Q'avevgle bien en la saincte escriptvre,
De sovstenir contrediev et natvre
Mille propos engendrez de Megere,
Dont ta science est si folle et legere
Qve plvsievrs sont de la loy decordez.
Et qvi plvs est, les biens as retardez
Avx trespassez, n'yans pvrgation,
Povr extoller tovte devotion,
As fait cesser oraisons et svffrages,
Non sevlement av pevple des vilages:
Mais avx plvs grands des villes et citez,
Lesqvelz tv as favcement incitez
A mal parler contre le pvrgatoire,
Le miroir
Qvi est vn liev et vray preparatoire
Povr cevx qvi sont envers diev redevables.
Las vovldrois tv qve cevx qvi sont devables.
Povr levrs pechez a larticle de mort
Fvssent damnez, sans qvil evst devlx remort,
Et qvavx enfers fit les ames descendre:
Ha nenny non, car il te favlt entendre
Qve nostre diev est si hvmain et dovlx
Qvencor il vevlt prendre pitie de novs
Et novs qvitter par ce fev pvrgatif
Povr posseder le grand bien svbstantif
Qvil a promis a tovs les bien vivans.
* Il y a ia plvs de dovze cents ans
Qve saincte eglise a ce cas approvve,
Pvis tv tenqviers et ov il est trovve,
Ov sont cevx la qvi en sont revenvs:
Ha pavvre sot, sommes novs point tenvs
Croire avtre cas qve la saincte evangile:
Tv vevlx bien croire a vn novveav concile.
Tv vevlx bien croire a vn fol preschement.
Tv vevlx biẽ croire hõme qvi presche et mẽt
Av detriment de mainte creatvre,
Et les doctevrs de la saincte lectvre
Vevlx mespriser par contradictions
Povr estre exempt des constitvtions
De saincte eglise, ov tovt biens sont compris
De qvi tv as le sain baptesme pris.
des francs Tavlpins.
De qvi tiens tv la foy et loy chrestienne:
De qvi tiens tv la covstvme ancienne,
Est ce des tvrcs, sarrazins, ov payens,
Ie croy qve non, ha favlx lvtheriens
Favlx escorchevrs de francoys et latin
Ne novs dit, pas monsievr sainct avgvstin
Qvi ne croiroit levangille vllement
Si ce nestoit par le commandement
De la sacree et mere saincte eglise.
Et donc mechans qvi avez la dent mise
Avx livres sainctz, povr les dilacerer.
De croire icevlx vovlez differer,
Vev qve leglise y a contrainct voz peres.
[IMAGE]
Vovs ressemblez avx petites viperes
Qvi de levrs dents en grand dovlevr amere
Mengent le ventre et le cvevr de levr mere,
Le miroir
Povr preceder le iovr de levr naissance.
Semblablement, vovs remplis dignorance
Qvi resistez avx sainctes loix divines,
Vovlez manger de voz dents viperines
Le ventre sainct de l'eglise de diev,
En mesprisant le sainct et sacre liev
Dict d'oraison, qve noz peres antiqves
Novs ont basty, comme bons catholicqves,
En novs monstrant la maniere de vivre
Dont av iovrdhvy, par vostre damne livre
Vovz avez plvs de credence et de foy
Avx gros asniers qvavx d'octevrs de la loy
Qvi en l'eglise ont este inspirez
Si qve voz cvevrs sont tant fort inspirez
Et endvrcis, qve si avcvn vovs parle
Prier les sainctz, ce vons est vn scandale,
Et mesprisez la veneration
Disant qve cest la constitvtion
De lhomme hvmain, et non Iesvschrist.
Ha mal-hevrevx, precvrsevr dantechrist,
Ton favlx prescher qvi tant offence et erre,
Est il plvs docte et venerable à croire
Qve tovs les sainctz dv predict temps passe
Qvi iovr et nvict, sans repos, nont cesse
D'estvdier, et exposer la lettre
Qve maintenant sovs le pied tv vevlx mettre
Par govrmandise et franche liberte.
Ie te demande, est il point recite
des francs tavlpin.
En sainct thomas doctevr evangeliqve
Des trespassez, o responds heretiqve
[IMAGE]
N'as tv point lev ce doctevr venerable
Parlant dv fev de la peine execrable
Qve l'ame scvffre av fev de pvrgatoire,
Semblablemẽt dit mõseignevr saĩct gregoire
Sainct avgvstin, et plvsievrs avtres saincts
Qvi ont rescript tant de bons propos sains
Et tant de poinctz par inspiration,
S'estoient il point gents de devotion:
S'estimes tv plvs homme de bien qv'evx
Es tv plvs sainct plvs scavant et hevrevx
Qve ces gents la pleins de si bonne vie.
Qva povre avevgle, hõme glovton denvie,
A tovt le moins si tv ne vevlx ayder
Avx trespassez, ne faits point retarder
Les bons chrestiens la deprecation,
Le miroir
Ny empescher ceste proiection
D'eav beniste av tovr des sepvltvres.
Gens ignorans des sainctes escriptvres
Qvi demandez deqvoy sert leav beniste,
Ie vovs declare et dis povr introite
Qve cela n'est ainsi fait sans raison,
Et qv'il soit vray, voyez en la saison
Dv temps d'esté par grande diligence
Vovs arrovsez la greine et la semence
De voz iardins, povr en avoir des biens.
Semblablement entre novs tovs chrestiens
Qvand novs allons svr la fosse des morts
Et qve de l'eav novs aspergeons les corps,
Novs confessons par ceste ablvtion
Des trespassez la resvrrection,
En esperant qve la greine semée
De iesvschrist, en ce sainct liev germee
Vn certain iovr de terre sortira
Et devant diev elle florifiera
Lassvs avx cievlx ov tovt bien frvctifie.
Et qvi plvs est, ceste eav novs signifie
Mystere grand, car qvand novs la iettons
Svr les deffvnctz, alors novs protestons
Qv'ils sont chrestiens, par l'eav regenerez
Dessvs les fonts, et de diev honorez,
En l'efficace et vertv dv baptesme
Qvils ont recev, et l'vnction dv cresme
des francs Tavlpins.
Par foy prestée en ce terrestre liev
Dont povr raison qv'ils sont enfans de diev
Oingts et lavez de la covlpe origine,
Novs arrovsons levr semence et racine
Deav beniste, et en devotion
Priant iesvs qve par sa passion
Et par son sang dont ilz sont arrovsez
Il ayt pitié des povres trespassez
Lesqvelz sont morts povr devãt lvy revivre.
Et povrce vovs qvi ne vovlez ensvivre
La loy de cevx qvi estoient devant vovs,
De mvrmvrer povr diev deportez vovs
Et congnoissez vostre grand forfaitvre.
Tripes d'enfer pleins de favce natvre,
Gens desvoyez par favlx preschevrs sedvis
Voz vievx parens la vovs ont il indvis
Et introdvits à ceste loy meschante,
Qvi favlcement empesche qvon ne chante
Messes matines et avtres oraisons,
Dont les deffvncts sevffrent bas avx prisons
De pvrgatoire, en fev chavld et crvel,
Et tovt ainsi qve le pvr sang d'Abel
Qveroit à diev par semblable vengeance,
Semblablement les deffvnctz en sovffrance
Crient a diev vengeance de vovs tovs.
Povres hvmains (helas) ov pensez vovs
Ov songez vovs? respondez à cecy?
G
Le miroir
Vovs plaignez vovs de ce mort temps icy,
Vovs plaignez vovs qve vo' avez des mavx,
Ha malhevrevx antichristiens novveavx,
Considerez et regardez comment
Depvis le temps et le commencement
Qv'avx grans errevrs dheresie avez crev,
Qvel bien, qvel ioye, et qvel temps avez ev,
Sinon tristesse, oppression, et gverre.
Qvel bled, qvel vin a prodvict vostre terre,
Qvel grand sovlas en avez vovs recev.
Pavvres damnez, mavdict pevple decev,
Gens ignorans, endvrcis de cerveav,
Vovs demandez vn concille novveav,
Povr estre exemptz de vivre comme novs.
Or dictes moy, comment le tiendrez vovs,
Impossible est, trop estes difficiles:
Vev et congnev qv'avx avtres saĩctz cõciles
Qve noz parens ont faict par cy devant.
Ne vovlez croire a ce propos svyvant.
Qve reste il plvs faire fev de voz os,
Et vovs brvsler, comme gens idiotz,
Qvi vevlent faire vne loy sarrazine,
Povr et afin qve linfecte racine
De voz errevrs soit morte et consommee.
Nestimez vovs qve la foy confirmee
en Iesvchrist pvissiez faire faillir,
Ha nenny non, beav l'avez assaillir,
des francs Tavlpins.
Dessvs la pierre a si bon fondement,
Qve ivsqv'av iovr dv ivgement
Des bons chrestiens elle sera gardee:
Car nostre diev la si tresbien fondee,
Qve de ce faict ne novs favt plvs dovbter,
Mais hvmblement de ce novs contenter,
Ainsi qv'ont faict tovs noz predecessevrs,
Car de la loy novs sommes si tressevrs,
Qve des bons cvevrs la foy ne varira
Tant qve l'eglise av monde regnera
Des morts fera commemoration,
Mavgré lorgveil et folle ambition
Des reprovvez et mavdictz detractevrs.
O favx Lvther pere et chef des mentevrs,
Regarde et voy tes malhevrevx ovvrages.
Premierement tv t'es prins avx ymages,
et pvis avx sainctz et des sainctz a la vierge,
et de la vierge a la racine et verge
De ton salvt, nyant le sacrement,
Dont novs voyons par l'errevr clairement
La prophetie accomplie et parfaicte
de daniel parlant de la defaicte
dv sainct sacre et de la digne hostie,
dont mainte femme est ce iovr divertie
de ceste foy par incredvlité.
En prevoyant levr basse hvmilite,
de levr esprit de fragile covrage.
C ii
Le miroir
Tv les redvys en ton mortel servage,
Tant qv'aviovrdhvy mainte femme sestime
Estre scavante en cest infame crime,
Avtant ov plvs qv'vn doctevr de Sorbonne,
Qvi maintiendra cest errevr estre bonne,
Ivsqves av fev qvoy qvon en vveille dire.
Ie vovs demande, amys, est ce povr rire,
Est ce povr bien soy resiovyr a l'ame
De veoir porter sovbz les bras de ma dame
De ce Lvther la novvelle alliance.
Qvi par orgveil et damnable ignorance
Pensent scavoir plvs q̃ na faict sainct Pierre,
Qvand sont ensemble, et ont le cvl a terre,
L'vne viendra contre lhonnevr de diev
Prendre av rebovrs le livre sainct Matthiev.
Lavtre dira, ma commere et amye,
Pardonnez moy, ie ne vovs demens niye,
Mais av regard de ce propos icy
Monsievr sainct Lvc et sainct Marc dit ainsi
Av premier point de son Apocalypse.
Cest bien rentré, ov la lvne est eclypse,
Qvi par son covrs rend femmes lvnatiqves.
Ha cvevrs infects, femmes diaboliqves,
Espritz damnez par favx sy logiser,
Craignez vovs pas qve anathematiser
Diev vo' povrroit par trop havt entreprẽdre
Bien mievx vavdroit vne qve noille prendre,
des francs Tavlpins.
Qve de tovcher avx livres consacrez:
Car dexposer les divins motz sacrez.
La matiere est vn petit par trop havte,
Et qvelqve iovr congnoistrez la grandfavte
Dv sang fragil, trop plein dambition.
Favx cvevrs fichez en contradition.
Favx cvevrs privez de grace lvminevse,
Voyez vovs point ceste heresie vmbrevse,
Qvi dessvs vovs fait poyson svblimer
Povr vovs destrvire, et av fev consommer
Infamement avecq les forvoyevx.
Ie ne scay moy ov vovs avez les yevx,
Ne dois provient ceste sovrce maligne.
Dire favt bien qve ceste le propre signe
De lantechrist, detestable et immvnde,
Vev qva present la plvs grãd part dv monde
Loreille a sovrde, et la langve orde et begve.
Si aviovrdhvy qvelqve doctevr allegve
Vn bon propos de la saincte escriptvre.
Il sortira dinfernalle clostvre
Vne ydiotte, vne sotte, vne infame,
Qvi ivrera, par la foy de mon ame
Il a failly av qvatriesme chapitre:
Car sainct Marc dit en sa premiere epistre
Tovt le contraire, ha le meschant cagot.
Helas mon diev, qve nay-ie le fagot,
Et le flambeav, povr brvsler ceste ordvre.
C iii
Le miroir
O advltaire, orde progenitvre,
Las est-ce a toy d'allegver les chapitres
De l'evangile, et de lire avx epistres
Mises en prose, ov en rithme Francoise.
Av temps qvi covrt ma dame la bovrgeoise
Me respondra si mon pere et ma mere
y ont erré pas ne vevx ainsi faire,
De mon salvt ie seray cvrievse.
Av fev, av fev, brvslez la malhevrevse,
Brvslez cela qve iamais on n'en parle.
Vev qv'elles sont attaintes dv scandale,
Et qv'a lerrevr on les voit condescendre,
Ne doit on pas de levrs corps faire cendre,
Sans les pvgnir par amende honnorable.
Ceste sentence envers diev n'est lovable,
Ceste sentence est plein d'inivstice,
Depvis qvell' sont reprinses de ce vice,
La mort sensvyt, ov bien on levr fait tort.
Av temps present n'y a bossv ne tort,
Qvi ne se force a dovbler le recveil
De ces errevrs, sovbz le greffier dorgveil.
Vn nombre sont par mille millions,
Plvs endvrcys qve rvgeans lyons,
Pretendans tovs de vivre en liberte,
Sans reprimer l'orde fragilite
De levrs cvevrs pleins d'immortell' malice,
Povr la police, il favt qve sainct pavl ysse.
des francs Tavlpins
De paradis a levr interpreter
La verité, qvi vevlent contester
Contre le droict de lordre evangeliqve.
Ha gens damnez mavdict pevple heretiqve
Gens divisez ingrate nation
Voyez vovs point la pertvrbation
De vostre esprit par peche tribvtaire
Craignez vovs point qv'a linfect sagitaire.
Av fond denfer ne vovs tombe par terre
Craignez vovs point qve le fvlgvr tonnerre
Ne vovs confonde avx obscvres latebres,
Et qve sathan ne chante les fvnebres.
De vostre mort triste et sangvinolente
Ha nation pestifere et dolente
Qvi mvrmvrez contre loblation
Qvon faict a diev par bonne afection,
Ha ses sainctz, sovbz hvmble sacrifice
Ne craignez vovs qve le diev de ivstice
Vn certain iovr nen face la vengence
Et qve le roy vostre prince de france
Ne sen covrovce a vostre grand dommage.
Mais pensez vovs qve vostre parentage
Evst prins la peine a bastir tant de temples
Si nevst esté povr vovs donner exemples
Qvil favt servir diev, et ses sainctz avssi
Ha nenny non mais qvant a ce point cy
Voyons av monde vn tas d'evangelistes.
Le miroir
De novveavx clercs, de femmes ypocrites
Qvi vovs diront deqvoy servent ces chappes,
Ces aornemens, ces calices et nappes,
Tovt ce bien la n'est qve perdition.
Bien mievlx vavldroit par grand compassiõ
Le disperser avx povres indigens.
Ha favx mastins et miserables gens,
Favlx ennemys des divins concordas,
Vovs ressemblez av malhevrevx Ivdas
Qvi mvrmvroit svr l'vngvent precievx:
Respondez moy hommes ambicievx,
Respondez moy, par vostre conscience
Si la pitié et tres grande indigence
Des povres diev, vovs cavse cela dire:
Qv'en dictes vovs gẽts pleins d'envie et d'ire:
Respondez moy à cestvy mot dv gvet
Si ainsi est mon seignevr le mvgvet
Qve charité soit en toy si tres-grande
Qve ne fais tv ce qve ton diev commande
Donner les biens qve perds av iev des flvs,
De tes habits laisser les svperflvs,
Vendre l'enseigne et les fers dv bonnet,
Et le plvmal qve portes de cornet.
Qve ne dis tv, voila dv bien perdv:
Ha favx ivdas en errevr svspendv,
Mavdit ivdas, regarde ta cavtelle.
Et toy avssi paillarde damoyselle,
des francs Tavlpins.
Qve ne vends tv ta robbe rovge ov bleve,
Tes anneavx dor, tes dorvres, ta qveve,
Qvi traisne bas plvs de six pieds en terre:
Respõds pvtain qvi fais avx saincts la gverre
Contre tes faicts qve ne mvrmvres tv:
Dy glorievse et vvide de vertv,
Deqvoy te sert ceste brave et ces pompes,
Penses y bien, car toymesme te trompes
Par laccident obscvr d'iniqvité.
Si av povre as si grande charité
Comme tv dis, qve ne vends tv les biens
Des svperflvs, lesqvelz ne sont pas tiens,
Sans mvrmvrer contre vn sainct offertoire.
Danger y a qv'vn arrest frvstratoire
A ton grand dam ne te soit prononcé,
Davoir ton diev favcement renoncé.
Ientens leglise ov Iesvs-christ repose
De tes errevrs nest pas petite chose,
Car d'heresie es si tres-covstvmiere
Qve par orgveil ta creance prèmiere
A renoncé avx peres et covstenges
De ton salvt, povr avoir les lovenges
Dvn tas de sots ennemys de la foy
Qvi vont disant par cy, par la, de toy
Av commvn pevple et mignons de la ville.
Congnoissiez vovs ma dame et sa grand fille,
Celle qvi porte vn novveav testament,
Le miroir
Ovy dit lavtre et à mon ivgement
Ie la congnois. Nest ce pas lamovrevse
Qvi tant se farde, vn petit glorievse,
Demy bovrgeoise et demy damoiselle,
Qvi tovsiovrs porte vn livre sovs lesselle
Avec la robbe et la pantovfle av bvst,
Cest celle la, vovs frappez droict a bvt
Elle sans avtre (o mon amy) certe.
Elle entend bien. Et qvoy: La verite.
Elle tirvmphe en la theologie,
Et si a bien sa grand fille regie
Qvel approvve en dispvtation
Contre vn doctevr, qve la confession
Est abvsive, et de nvlle valevr.
Cest le miroir, cest la perle et la flevr,
Povr sa ievnesse elle est docte et savante.
Ha nation malhevrevse et mechante
Qvi deniez dv prebstre le povvoir.
Monsievr sainct iean vovs fait il pas savoir
En vn passage, avqvel il est escript
Qve nostre diev et savvevr iesvs-christ
Lors qvil estoit avecqves ses apostres
Levr dist a tovs povr les grãds proffits nostres
Qve les pechez qvils novs pardonneront
Seront remis, et cevx qvi retiendront
Seront retenvs, sans avtrement penser.
Il sensvyt donc qvil les favlt confesser
des francs Tavlpins.
Qvi vevlt avoir la grace deffensible
Raison povrqvoy car il est impossible
De pardonner vn peché sevlement
Tant petit soit sil n'est premierement
De cvevr contrict franchement confesse.
Et certain est qviconqve a offence
Av paravant qve peche le delaisse,
Il favt qvav prestre hvmblement de confesse
Ov ses pechez lvy seront retenvz.
Qv'en dictes vovs pavvres gens decognvz
Ne sont ce pas les propres motz dv texte
De point en point qve sainct iehan manifeste
Dont la vertv de grace hereditalle
A svccede l'ordre sacerdotalle
Devesqve av prestre, ainsi qve lon doit croire
Ne dict pas diev a son vicaire pierre,
Pierre, tovt ce qv'en la terre lyeras
Sera lye, et ce qve deslieras
Ainsi sera, en la terre et avx cievx
Or ie demande, entre vovs vicievx
Contrarians av sainct pape de Romme
Si l'vn de vovs avoit occis vn homme
Avroit il bien dv roy tresmagnanime
Grace et pardon, sans confesser son crime
Et son delict non veritablement:
Car il favdroit svr tovt expressement
Qv'il saccvsast en reqverant mercy.
Le miroir
Svr ce propos, ie te declare avssi,
Et note bien tovs ces motz qve iescriptz
Svyvant saint Iean, si par les dignes christs
Qvi sont les oingts et prestres de leglise,
Nes deslié, iamais navras franchise
De tes pechez damnables et difformes:
Car diev a mis grans vertvs en ses hommes,
Combien qven evx ayt imperfection,
Comme voyons par approbation
Dv roy Francoys noble prince de France,
Qvi de Iesvs a povvoir et pvissance
Mvndifier le mal des escroelles.
Or notez bien bovregoises, damoyselles,
Pose le cas qve devx malades sont,
Qvi vers le Roy en diligence vont,
Tendans avx fins de sante recevoir,
Dont chascvn devx fait tresbien son devoir:
Et povr avoir gvarison et sante
A devx genovx sovbz grande hvmilite
Devant le Roy se presentent la face,
Povr et afin qve levr grief mal efface
Sovbz ferme espoir destre gvaris avssi.
Or il advient qve de ces devx icy
Nen tovche qv'vn, qvi veritablement
Sera gvary par son attovchement,
Et lavtre infect qvi ne sera tovche
Comme devant sera tovsiovrs tache
des francs Tavlpins.
De ce grief mal sans y trovver remede.
Or ie demande, a scavoir dov procede
Qvil nest gvary, vev qven devoir cest mis
Ainsi qve lavtre, et qve diev na permis
Qvil ayt recev parfaicte gvarison.
Mon amy, cest, entens tv, povr raison
Qve sa chair nest comme lavtre tovchee.
Semblablement qvand nostre ame est tachee
De vil peche, favt necessairement
Qve la tovche ayt sacramentellement
Pvis desplaisance, et par contrition,
De ses pechez faire confession,
Povr et a fin qve la main novs soit mise
Dessvs le chef par le roy de leglise,
Qvi est le pape, ov par les siens commis,
Ov noz pechez ne seront point remis,
Ne pardonnez, vev la chose ordonnee,
Povrce qve diev grand pvissance a donnee
Avx gens deglise, et qvil soit vray semblable
De iovr en iovr le prebstre venerable
Dv corps de diev est refectionne,
Combien qvil soit mal conditionne,
En prononceant cinq parolles sans faincte,
Le pain transmve en chair sacree et saincte,
Et de sa langve ovtre la porte close.
Estimons novs estre petite chose
De lvnction tressaincte et specialle.
Le miroir
Qvand par pvissance et vertv magistralle
Le prestre sacre en tovtes regions
Descendre fait cent mille legions
Danges des cievx, entre ses bras et mains.
Et qvi plvs est, le savvevr des hvmains
Divinement incarnatienne,
En chair et sang bien proportionne
Avtant qv'en evt en larbre de la croix.
O pevple errant, si cela tv ne croys
Ie men raporte a ta folle incredence:
Car croire favlt qvil est en son essence
Bien vniforme avec lhvmanité.
et svr ce on veoit la grand divinité
et le povvoir qv'ont tovs les gents d'eglise
En escovtant par lavctorité mise
Dv texte sainct sovs lordre evangeliqve
Qvi n'est donnée a natvre angeliqve,
Ne à la vierge et mere tres clemente.
et svr ce dy qv'vn pape represente
en ce bas val la personne de diev
Constitvé grand vicaire en ce liev
Povr le salvt dhvmaine nation,
et qvi en ce met contradiction
Heretiqve est, interdit et damné:
Car tovtes-foys qve le pape a donné
Grace et pardon a qvelqve penitent,
Cest tovt avtant qve si le diev potent
des francs tavlpins.
Lvy avoit dit et prononcé de bovche
Notez ces mots, car ce cas fort vovs tovche,
en terre il est le propre lievtenant
De Iesvschrist, et a son liev tenant,
et le povvoir d'absovldre et de mavdire.
Homme ne doit à cela contradire
Qvavoir novs favlt evesqves et prelats.
Si avons novs, mais ils sont si tres-las
Destvdier en la sa saincte escriptvre
Qv'ils nont sovcy de cercher la pastvre
A levrs tropeavlx, tãt sont pleins d ignorãce
et mesmement novs voyons par la France
petits enfans endormis av berceav
crochez mistrez d'vne bvle et d'vn seav,
Qvi parfavevr et mavdite folie
Iovrnellement destrempent levr bovillye,
et levr farine, av sang de levrs brebis
Qvi bien sovvent nont pain, ne blanc ov bis,
et lont gros et gras
tenans levrs corps beavlx:
Chantans tovsiovrs (cras)
Somme les corbeavx.
Par ainsi donc esbair ne se favt
Si la brebis dv tropeav erre et favlt
Av temps present, cela vient dv berger
Qvi na sovcy qve de boire et menger,
Et av svrplvs savve soy qvi povrra.
Le miroir
Le grand pastevr diev sache qvil fera
Qvand viendra comme terrible et fort:
Qvil trovvera dessovbs l'ombre de mort
Ses pastovreavx endormys et sovillez.
Si rvdement lors seront reveillez
Qve grand pitié ce sera de levr vie:
Car en levr cvevr nest qv'orgveil et envie
Cavtelle, abvs folle mondanite,
Dont povr raison de l'infidelité
Des grands prelatz et svppostz de l'eglise,
Diev a permis qve lerrevr se soit mise
Av cvevr des vns povr pvnir lavarice:
Et croy de vray qv'a cavse de ce vice
Le mal adviens, ainsi qve presvppose.
Nest ce pas grande et merveillevse chose
Qve maintenant leglise est si chargee
Qve ivsqv avx os est destrvicte et mangee:
Et par vn tas de gros lovps ravissans,
Qvi de ses biens sont riches et pvissans
Sans faire en elle avcvn service.
Veit on iamais si pavvre ordre en ivstice
Comme voyons av regne de present,
Ov est levesqve, il est on covrt exent
De servir diev dv pape est dispense,
Il a le ventre enfle gros et pense,
Biens ne lvy favlt, il nest point despovrvev
Graces a diev il est tresbien povrvev.
des francs Tavlpins.
Cest mõ, mais qvoy leglise mal povrveve
Car de sa face elle n'evt onc la veve,
Et par ce point on le pevlt bien cognoistre
Et si ne scait s'il est gendarme ov prestre
Ie men rapporte a tovs cevx qvi le font.
Ie mesbahys qve la terre ne fond
Dessovz noz pieds, vev ceste griefve offence
Combien voit on ce iovrdhvy par dispence
Dasnes bediers encollez dvne estolle
Lesqvelz iamais ne fvrent à lescolle
Et son rectevrs, des plvs avant fovrrez,
Combien voit on de ces rabis fovrrez
Grans, gras, fort remplys de pastvre,
Qvi av moyen de qvelqve signatvre
Evesqves sont, et ont les yevx bendez,
Combien voit on de riches prebendez
Trainant lavmvce en grande gravite
Evx povrmenant par cvriosite
Av temple sainct, qvand on faict le service,
Qvi bien sovvent par pvtace malice
Tiennent propos de qvelqve orde divise.
Combien voit on de pavvres gens deglise
Parmy le monde infamement vestvs
Sans foy, sans loy, sans honnevr, sans vertvs
Pleins de reproche et cavilation
Sans reverence et sans devotion
Evx presenter av divin sacre liev
D
Le miroir
Povr recevoir le digne corps de diev
Daffection qvils ont a lavarice:
Et bien sovvent qvand ilz font levr office
Lvn se povrmaine, et lavtre dort ov rit,
Des vngs chantans par maniere daqvit,
Les avtres sont a gvetter l'offertoire,
Lavtre en son chant appete vaine gloire,
Et estre ovy des grans ov des petits:
Les avtres sont a chanter si hatifs,
Qve de grand haste ils ne scavent qvils disent,
Et av liev sainct lvn a lavtre devisent
De levrs pechez, par vne orde iactance
Et son si pleins de mondaine plaisance
Qve dv service il mengent la moitie,
Et lvn a l'avtre ont telle inimitie
Qve loraison en est scandalisee
Impossible est qvelle soit exavcee
Impossible est qve diev lait acceptable.
Et qvi plvs est, est chose honorable,
Est ce monstre av pevple bon exemple
Les voir covrir de temple en avtre temple
Povr espier qvelqve corps mortvaire?
Ha cvevrs infaictz. cvevrs ov venin repaire,
privez de grace et benediction
A vostre perte et grand damnation
Vendez le corps comme le favx Ivdas.
Gents hebetez, ce nest pas petit cas.
des francs Tavlpins.
En voz meffaictz avares, inhvmains,
Voz doigts polvts sales, indignes, mains,
De iovr en iovr lavez av sainct calice
En vostre faict y a povre police.
Considerez qve par vostre orde vie
Ce favx lvther pleins derrevr et d'envie
A prins svr vovs son premier fondement,
En regardant vostre govvernement
Enraciné de parente mechante,
Si qv'aviovrdhvy par acte repvgnante,
Avx sainct statvts mvrmvre et contredict.
Mais nonobstant comme vovs ay ia dit,
Cela nenpesche a rien la pvissance,
Dont mesbahis de l'inconstance
De ces dovtevrs remplis dingratitvde,
A trop scavoir conforment levr estvde:
C'est grand pitie de levr instrvction,
Et sont si pleins de pvtrefaction
Et de poison, qvilz ont falcifie
Le livre sainct, dv nom sanctifie
De iesvschrist, en maniere et en forme
Qve par lerrevr nial-hevrevse et difforme:
Qv'en saincte eglise ils vevlent mettre svs
Ont en orrevr le sainct nom de iesvs
Comme le dyable, qvi est maling esprit.
Avssi tovsiovrs, sans Iesvs diront christ.
Qvi est le mot tresdigne et salvtaire.
D. ii
Le miroir
Comme sainct pierre apostre et secretaire
Tesmoigne a tovs, et dit qve sovz les cievx
Il n y a nom qve ce mot precievx
Nommé iesvs, en la vertv dvqvel
Soyons savvez, car il a povvoir tel
Qvav nom de lvy miracvlevsement
Le ciel, la terre, enfer semblablement
Senclinant lors povr sa grand reverence.
Et en ces gens cy par vne irreverence
Ont en ce mot tant petit de savevr
Qvil sẽble a veoir qvil nest point le savvevr
Ne redemptevr, car iamais ne le nomment,
Mais si avx clercs et gens scavans sinformẽt
Il cognoistront mavgré levr favx mesdire
Qve iesvs est, et vavt avtant a dire
Comme savvevr, dont conclvds svr ce point
Qve salvatevr, ne le confessent point,
Vev et cognev qvilz ont brvict et renom
Qve de Iesvs n'invocqvent point le nom,
Car svr tovs noms ilz lont a contre cvevr.
Semblablement lappellent le seignevr,
Sans dire nostre, novs donnant a entendre
Qve povr seignevr ne le vevlẽt point prendre
Et qve son temple et eglise renoncent
Donc favcement no' preschent et annoncent
Ladvement dv mavdict Antechrist,
En dispvtant tovs cevx qvi ont escrit
des francs Tavpins.
Des droictz canons de son eglise saincte,
Nõmans les saints sans honevr et sans crainte
Pierre, Pavl, iean, iacqves, sans dire sainctz
Et portent tant dheresie en levrs sains
Qvencore ilz ont ceste errevr sale et vile
Qvilz ne croiront qve lasaincte evangile
Mal exposee en contradictions,
Nyant les loix et les traditions
De nostre mere eglise militante,
A celle fin qven ceste errevr meschante
Pvissent avoir levr franche liberté.
Brief, tant y a de contrariete
Qve cest pitie de levr meschante vie
Gens mal vivans, orgveillevx, pleins denvie
Blasphematevr et avaricievx,
Lvtevrs, govrmandz, paillards, lvxvrievx
Et pleins dinfecte abomination
Avsqvelz y a si grand division
Qven levrs errevrs sont qvasi tovs contraires
Lvn tient et dit, sovbz propos temeraires
Qve noz parens fvrent opiniastres
Et qvilz novs ont tovs rendvz ydolatres
Ivsqva present, lavtre dit svr cecy
Qvil a menty, et qvil nest pas ainsi
Qvant a leffaict dv tressainct sacrement,
Mais qvon abvse en vn poinct voirement
En depriant les sainctz de paradis.
D. iii
Le miroir
Brief il y a cent mille contredictz,
Comme voyons, cest chose assez notoire
Et qvi plvs est novs proposent encore
Qve noz biensfaictz et œvvres meritoires
Devant iesvs novs sont immeritoires
Si qve la vierge et mere florissante
Ne fvt iamais en grace prevenante
Par son merite, ainsi comme il proposent.
Cela est favx: car si bien ilz exposent
Monsievr sainct lvc, de la vierge advocat
Ilz trovveront,et av Magnificat
qve povr lamovr de son hvmilite
Nostre savvevr y print hvmanite
En regardant la grand' vertv dicelle
Et lors fvt dit de la sacree ancelle
qv'ineternvm, par tovtes regions
Tovs les hvmains des generations
La beniroient, comme saincte et parfaicte.
Or donc meschante et malhevrevse secte
qvi as lesprit tant rvde et endvrcy,
Ne voy tv point en ce passage icy
Qve ton errevr est de diev reprovvee
Et de sathan inventee et trovvee
Av fond denfer a ton grand preivdice
Gens obstinez, cavrelevx en malice,
Dit pas sainct iean en sa rescription
qve le salaire et retribvtion
des francs tavpins.
De noz biensfaictz est grand en paradis.
Estimez vovs estre des benedicts
Par sevle foy, sans œvvre ne merite
Estimez vovs qve vostre loy mavdicte
Pvisse excvser vostre abvs descovvert
Raison povrqvoy fvt ce qvav figvier vert
Iesvs donna sa malediction,
Ce fvt av vray povr ceste occasion
qvil ne portoit avcvn frvict svr la terre.
Et povr monstrer la pvissance sainct pierre
Et des pastevrs et prelatz de leglise
qvi ont povvoir par dignite exqvise
Svr tovs chrestiens qvi commettent offence
Dont vovs dovbtevrs mesprisez la sentence
Et la vertv qve diev levr a donnee
Si qve leglise est tant fort contemnee
Et democqvee en vostre infame secte
Qve lon nen fait ne mise ne recepte
Tant lestimez estre petite chose.
Ie mesbahis comme vostre langve ose
Dire et prescher telz abvz devant tovs,
Excommvniez, qve sera ce de vovs
Qve ferez vovs av pris de ce figvier
Qvi oncqves pvis ne scevt frvctifier
Povr la sentence, o qvel merveillevx cas,
Estimez vovs qve celle des prelatz,
Comme dv pape et des pastevrs soit moindre
Le miroir
Estimez vovs qv'elle ne soit a craindre?
Estimez vovs qve diev soit mensonger
Craignez vovs point le terrible danger
Estimez vovs levr pvissance estre nvlle
Estimez vovs le pardon et la bvlle
Estre vn abvs qv'on impetre av sainct pere
Ha regniez remplys de vitvperes
Qvi des enfers sentez les chavx brandons
Il n'y a point voirement de pardons
Povr telz meschans comme vovs heretiqves
Qvi deniez les loix evangelicqves
Et l'vnction et sacerdotalle
Mais mavgre vovs lordre pontificalle
Et la vertv de diev pardonnera,
Et comme errans vovs excommvniera
Et bannira d'avec les bons chrestiens
Car contre vovs ie vevx dire et maintiens
Qve si le pape interdict femme ov homme
Povr son malfait, cest tovt avtant si comme
Le diev vivant l'avoit sentencié,
Et toy Lvther tv tes tant sovcyé
De plvsievrs cas, dont tv navois qve faire
Qvi possible est avx grans mavx satisfaire
Ny tes errevrs confvter ny destrvire
Car povr le pevple a tes abvs instrvire
Nas scev trovver ne prendre avtre moyen
Sinon prescher qvvn prebstre ne vavt rien
des francs Tavpins
Et qvilz sont tovs malhevrevx et meschans
En mesprisant les cantiqves et chantz
Et les devotz et tressainctz sacremens,
Dont plvsievrs gens, par tes favx argvmens
Sont tresbvchez en ton ord dedalvs,
Si qvav iovrdhvy font la gverre avx eslevz
Tant qve voyons le filz contre le pere,
Sevr contre frere, et fille contre mere,
Et si de diev navons permission
De faire bien ie dy conclvsion
Qve le deffavt dv createvr previent
Et qve peche de lhomme hvmain ne vient
Mais bien plvstost favdroit qvil vint de diev
Et la raison, car si novs navons liev
De novs donner par grace defensible
Doffenser diev, ie dy qvest impossible
Qve novs pvissions iamais estre savvez
Vev et cognev par voz motz reprovvez
Qve point navons pvissance de bien faire.
Menty avez dont vovs dy et profere
Svr ce propos qve vovs trovvez estrange
Qve novs avons vn bon et mavvais ange
Novs incitans lvn a mal lavtre bien
Dont si ie fais lœvvre dvn bon chrestien
Cest dv bon ange, avssi ie fais mal
Le mal previent de lesprit infernal
Qvi de bien faire a lhevre me retarde
Le miroir
Parqvoy cõclvz qve diev point ne me garde
De faire bien ov peche si ie vevx
Et est en moy deslire lvn des devx,
Car en cela iay franche liberte.
Il sensvit donc povr sevre verite
Selon mon œvvre avray ivste sa laire,
Combien qve diev en sa clarte solaire
Nait bien prevev par destination
Point na donne de reprobation
En ivgement contre mon esperance
Mais bien vray est qvil a la cognoissance
Comme vray diev glorievx et divin
qvel frvict feray, qvelle sera ma fin,
Et qvel arrest avray povr sa ivstice,
A ce propos ie dis qve la notice
qvil a de novs nest cavse nvllement
De novs damner, mais cest tant sevlement
Nostre peche, qvi novs ivge et condamne,
Et ny a diev ne grant diable qvi damne
De qvi condamne vn homme estre damne
Qve son malfaict car diev na point donne
Le ivgement a nostre preivdice.
Parqvoy ie dy qvi vevt, dv benefice
De iesvchrist estre estre participant,
Et de la gloire et grace qvil respand
Avx preeslevz, il est necessite
De le servir en tovte hvmilite
des francs tavpins.
Ainsi comme leglise novs instrvict
Ov avtrement en fin sera destrvict
Lhomme mortel, en ce monde invtile
car ie vovs dy qvil est fort difficile
De parvenir av sainct repositoire
Car sevle, foy, san oevvre meritoire
Combien qve diev ait merite povr tovs
Il a prins mort tant povr moy qve povr vo'
Et respandv son sainct sang par merite
Mais dv le pvis, povr le grand demerite
De noz meffaictz ce merite pardons
qve recovvrons par prieres et par dons
Sovbz ferme espoir de sa misericorde
Novs devons donc par amovr et concorde
Benignement de cvevr de corps et d'ame
Le svpplier, et prier nostre dame
Qv'a sa reqveste il exavce noz dictz
Sans ovblier les sainctz de paradis
Qvi procvrevrs sont devant Iesvschrist,
Qve novs devons tovs adorer d'esprit
Incessamment sans avtre pensement
Et iovr et nvict veiller devotement
En oraison, en priere et avlmosnes
Povr et afin qve lassvs en son trosne
Soyons novrris et refectionez
Et dv thesor circvnflactionnez
Avec les sainctz environnez de gloire
Le miroir
En lvy faisant de noz cvevrs offertoire
Par hvmble ievsne et deprecations,
Lvy svppliant en exclamations
Avoir pitié de tovt son popvlaire
Qvi mevrt de faim, et ne scait plvs qve faire
Tant est chargé de famine et de gverre.
Et qvil lvy plaise engresser ceste terre
Qvi sterille est povr noz mavldictz pechez,
Par ce moyen, novs serons deffachez
Et le bon temps novs rendra trivmphant.
Ie vovs pry donc, faisons comme lenfant
Lenfant petit, si tost qvil est levé
Dire on lvy fait pater noster, Avé,
Semblablement le Credo des apostres,
Et en apres qv'a dict ses patenostres,
Ledict enfant par forme covstvmiere
Dv pain demande a qvelqve chambriere
Qvi bien sovvent est aillevrs empescheé,
La sovrde fait, de lenfant est faschee.
Qve fait lenfant de crier il l'alovrde,
Mais qvand il voit q̃lle est mvette et sovrde,
Qva lvy donner dv pain elle differe
Benignement se retire a son pere,
Leqvel alors blasme fort la servante,
En lvy disant, va laisse tovt mechante,
Donne a mon fils son pain qvotidian,
Adonc lenfant par ce point et moyen,
des fancs Tavpins.
A tovt cela qvi lvy est necessaire.
A ce propos il novs favt ainsi faire
Si novs vovlons avoir le desievner
Ov avtrement il novs favdra ievsner
Et endvrer: car la fervente aisnee
La terre entens, qve diev novs a donnee
Povr novs novrrir, est si fort detenve
Par noz pechez, qv'elle est sterile et nve
Tant qvaviovrdhvy ne no' pevt pl' novrrir
qve favt il faire, il novs favt reqverir
Le pere sainct, qvi tovt amendera
En ce faisant deslors commandera
A la servante apreste vin et pain
Povr novs novrrir, et avx bestes dv foin
Tant qve navrons iamais necessite.
Navez vovs lev ce qvi est recite
Dedans Ioel, avssi vray qv'evangile
Comme la terre vn temps fvt si sterile
Qv'elle navoit flevr ne frvict ny herbettes
Si qve les gens semblablement les bestes
Movroient de fain, povr les pechez mechãs
Il est dict la qve les bestes des champs
En vn grande cerne ensemble les rengerent
Tovtes daccord, et la se congregerent
Povr recognoistre en ce terrestre liev
Le createvr levant les yevx a diev
En grands clamevrs terribles et difformes
Le miroir
Or donc favtevrs et miserable hommes
Sovrds, avevglez lãgves dovbtevses mvttes
Si ainsi est qve povres bestes brvtes
Ayent avx champs faict congregations
Et recognev diev par processions
Qve ferons novs par plvs forte raison
Devons novs point en devote oraison
Te svpplier par dovx chantz et canticqves
Respondez cy malhevrevx heretiqves,
Vovs qvi devez estre gens raisonnables
Feres vovs pis qve boevfz irresonnables
Denirez vovs povr vne liberte
L'hommage dev av diev de verite
Denirez vovs la salvtation
Deve a la vierge et fille de syon
Estimez vovs qve l'homme par merite
Ne pvises avoir la grace benedicte
De Iesvchrist, ainsi qvil a promis
Nest il pas dict en levangille et mis
Qvvn iovr les saĩctz apostres dv savlvevr
Tovs dvne voys senqvirent av seignevr
Qvel grand profit et retribvtion
Levr donneroit de levr possession
Et de levrs biens qvavoient abandonnez
A lors levr dist qventrevx predestinez
Seroient assis svr dovze sieges dignes
Et ivgeroient par les vertvs divines
des francs tavlpins
Disrael les dovze grands lignees
Et preferez avx sainctes compagnees
Les bienhevrez dv sainct reclinatoire
Nest ce point donc pov loevvre meritoire
Qve Iesvschrist levr promect ce grand bien
ovy vrayement Ha favlx lvtherien
Ne voy tv point maintenant par ce point,
Qve levangille en son sens nentens point
Vev qve vevlx estre exempt de bien faire
Estimes tv la loy des bon deffaire
Estimes tv qve la loy ancienne
Destrvicte soit povr ta lvtherienne,
Et qvon delaisse a faire oblation
Le lvminaire, et par devotion
Avx sainctz de diev presẽter des chandelles,
En reqverant les graces paternelles
Devotement par tres ivste eqvite
Ha nenny non, et si par favlcete
Tenqviers povrqvoy la chandelle on presẽte
Ie te declare et dy qvel represente
De iesvchrist la lvmiere divine.
Semblablement novs signifie et signe
Vraye clarte, doctrine apostolicqve
Qvi est le fev de la mere angelicqve
Illvminans les cvevrs des bons fidelles.
Mais aviovrdhvy vn tas de damoyselles.
et de barbetz en la foy desriglez
Le miroir
Sont par errevr si tresfort avevglez,
Et si bendez qve la clarte des cievx
Levr faict ennvy, et levr trovble les yevx,
En regardant par grand ire et fvrevr
Femmes de bien, qvi presentent de cvevr
Av sainctz de diev levr petite lvmiere,
Povr impetrer la clarte singvliere
Dv claire soleil, par le moyen dicevx.
Ha meschans gens, avevglez, vicievx,
Desraisonnez, qvi demandez a tovs,
Qve sert cela, plvs gens de bien qve vovs
Lont ordonne: mais vostre infamete
Est si svbiecte a ceste liberte,
Qve vovs taschez totallement destrvire
La loy de diev, par vostre favx mesdire,
Povr et afin destre exemptz de tovt bien,
Et de manger chair grasse comme vn chien
Avx maigres iovrs mavgre la covrt de Rõe
Disans, qve cest lordonnance de lhomme,
Et non de diev, Ha mavdict reprovve
En qvel passage as tv lev ne trovve
qve le Karesme ayt este faict des papes,
Tyrans mavdictz, de Lvcifer satrapes,
Favx tentatevrs de pavvres creatvres,
Si bien govstez les sainctes escriptvres
Vovs trovverez sans nvlle fiction
Qve le Karesme est la tradiction
des francs Tavpins.
Des sainctz de diev apostres glorievx
Selon qvil est escript en plvsievrs lievx
De point en point, sans fravlde ne falace.
Et qvil soit vray, av livre sainct Ignace
en vne epistre il est fait mention
De lordonnance et constitvtion
Comme sainct iean apostre evangeliste
vint à rescripre en l'epistre predicte
Dvdict ignace, evesqve sainct et sage,
Qv'av nom de diev introdvit par vsage
Son popvlaire a ievsner le karesme,
Leqvel gardoit expressement lvy mesme,
et qve cela tenoit de Iesvschrist.
Semblablement novs trovvons par escrit
Av droit canon, qvarte distinction,
Telesphorvs qvi sovffrit passion,
Sixiesme pape, apres monsievr sainct pierre
Comme ministre et vicaire en la terre
Soy confirmant la rescription
Dv bon sainct Iean, par linspiration
Dv sainct esprit il vovlvt, ordonner
Ledict karesme le commanda ievsner
Sans menger chair, sept sepmaines entieres,
Dont par ces loix antiqves et premieres
Leglise saincte est en pocession
De ceste ievsne et institvtion
Par si long temps qvil non est plvs memoire.
E
Le miroir
Et est escript av mesme repertoire
Bien amplement, sans dovtable proesme
Dv droict canon, distinction troisiesme,
Sovs martin pape, il se fit vn concile
Dedans Nycene, et en ladicte ville
Derechef fvt confirme par leglise
Et commandé par la pvissance exqvise
A tovs chrestiens evlx abstenir de chair.
Et si tv vevlx allegver ov prescher
De sainct mathiev vn passage qvil covche
Disant qve tovt ce qvon met par la bovche
Ne pevlt soviller ne faire mal a l'ame.
Tv as menty, comme hereticqve infame:
Car sainct mathiev ne lentend pas ainsi.
Mais bien vray est svr ce passage icy
Qve qvand il dit ce qvi par la bovche entre
Et qvi distille av plvs profond dv ventre,
Entendre vevlt qv'vn venin pestifere
Combien qvil soit ardant et mortifere
Ne pevlt occir l'ame spiritvelle,
Mais sevlement la vie corporelle.
Il pevlt destrvire, et non pas lesperit,
Et ainsi donc sentend par cest escrit
Qve tovt ainsi qve venin le corps tve,
Peché mortel l'ame destrvit et tve
Av fond d'enfer, avecqves les mavldictz.
Et povr respondre à tovs les contredictz
des franc tavlpins.
Et à labvs de ton errevr govrmande,
Ie te declare et dis qve la viande
Qve bien sovvent entre les dents tv mords
Pevlt soviller lame avssi bien qve le corps,
Si tv en prens av sainct temps de caresme
Raison povrqvoy; car la loy dv baptesme
Qve receve as par la foy de tes peres
Ie te deffend, dont si par improperes
Tv menges chair caresme et vendredy
Sans nvlle excvse, en cela ie te dy
Qve tv corromps non sevlement ta foy:
Mais diev avssi offences et sa loy
D'avtant qv'icelle a ievsner te commande.
Qvand ton ventre est plein de grasse viande
Le vendredy et le caresme avssi,
Et qve tv l'as de vievx lard bien farcy
Le sainct dimẽche, en est ton corps plvs gras
Nas tv point pevr qve les sovris et rats
Dv fond denfer ne lechent tes babines:
Nas tv point paovr des sentences divines
Et qve de diev tv ne sois condamne.
Et si iesvs a svr terre ievsné
Qvarante iovrs, povr a salvt novs rendre,
Nest ce point bien povr novs donner entẽdre
Qve la ievsne est à son pere agreable
Lvy qvi estoit diev et homme impecable
Ievsna il la povr son corps macerer:
Le miroir.
Nestoit ce point povr pardon conferer
A tovs chrestiens, qvi sont de son sainct temple
Semblablement povr novs donner exemple
Qve la ievsne est de tresgrande efficace
et qve devons en ce sainct temps de grace
Ievsner de cvevr, sans volonté charnelle.
Ie te demande, est ce chose novvelle
Qve de ievsner: non veritablement,
Car comme dit lancien testament,
Ils ont ievsne par penitence vive
en la cité et ville de ninive
Trois iovrs entiers, et les bestes dv liev
Povr appaiser la grand'ire de diev
Qvi lors estoit fort covrroncé contre evlx
Ha povres gents, entre avtres malhevrevx
Govrmans, glovtons, remplys de glovtõnie,
Craignez vovs point qve pvissance infinie
Face ievsner voz favlces dents govrmandes,
et qve le poil de voz lippes friandes
Ne soit brvslé par sentence divine:
Voyez vovs point à vostre hvys la famine
Qvi vovs menace à ievsner fort et ferme,
Voyez vovs point qve le iovr et le terme
Dv creditevr est se liev long temps:
Voyez vovs point comme la mort sen va
De iovr en iovr a lhvys ce voz voisins,
et qvil ny a respit ny medecins
des frans tavlpins.
Qvi a cela pvissent donner confort.
Povres dãnez, craignez vovs point la mort
Qvi est assise avpres de vostre porte,
Voyez vovs point comme tovt se comporte,
Voyez vovs point le povre temps qvi covrt,
Voyez vovs point le pain et vin si covrt
Qve la plvspart dv monde mevrt de faim,
Voyez vovs point le pevple si tres-vain
Qve plvs ne pevlt sovstenir sa grand charge,
Sentez vovs point le fovet et la verge
De diev pvissant dvqvel vovs eslongnez
Par voz errevrs, dont vovs le contraignez
Rendre la terre avssi seiche qve roch
Iay bien grand paovr q̃ vovs ne ievsnez trop
et qve les bons nen ayent a sovffrir
povrce il novs favlt de bon coevr reqverir
Le diev pvissant, et prier sainctz et sainctes
De presenter noz petites complaintes
A iesvs-christ, qvi est nostre refvge
Povr et afin devant le grand ivge
Il novs exavce en sa covrt sovveraine.
Ie vovs svpply qve chascvn mette peine
De bien svyvir le texte evangeliqve
En reprenant covrage seraphin
Povr debeller ces mavldictz envievx
Qvi ont mesdit de noz grands peres vievx
Av destriment de nostre mere eglise.
Le miroir
Ses ennemys lont de si pres assise,
Qvelle a perdv tovte sa liberté,
Iovrnellement en grande pavvreté
Cherche l'espovx povr la garder d'oppresse,
Povrce qvelle est entre gens a la presse
D'affliction, av miliev des svppostz,
Et la ne pevt trovver liev de repos:
Mais av contraire, est faicte tribvtaire.
Qvi se povrroit de ce grand tribvt taire?
Qvi se povrroit garder de mvrmvrer?
Ce regne icy ne pevt long temps dvrer,
Vev les pechez, et signes apparens.
Considerez qve noz premiers parens
Avoyent en diev grand amovr perfective,
Le cvevr l'assvs, par foy contemplative
Mievx qve n'avons, si bien novs y pensons.
Ilz ont basty, et novs debatissons,
Diev ont congnev, novs le descõgnoissons,
Diev ilz ont craint, sans fin novs l'offensons,
Bien ont vescv, apres evx novs movrons,
Ilz ont chanté, maintenant novs plorons,
Novs plorons, qvoy? la covlpe rigorevse
De nostre vie, avare, et malhevrevse
Qvi novs condvict av fev abominable.
En liev de paix, vne gverre execrable
Regne ce iovr entre le pere et filz.
Le genre hvmaiv cherche tant ses profitz,
des francs Tavlpins.
Qve mere en vend sa fille natvrelle,
Qvi cavse mort a l'amovr paternelle,
Le riche homme est tant avaricievx,
Qvil laisse diev, et vievx lvxvrievx
Est si svbiect a sa lvbricité,
Qve tovt son cvevr est d'ordvre incité
A offencer la divine clemence.
Corps engendre de leprevse semence.
Corps venenevx, plein de polvtion,
Qve Sathan tient en sa svbiection,
Fais vvider hors de ton favx cvevr bovillãt
Lhvmevr d'orgveil: car l'infect malveillant
Provocatif de soif insatiable,
Attend la fin de ta mort miserable
Povr consvmmer l'ame seditievse,
Ha pavvres gens, mondains religievx,
Qvi svr le dos portez noir ov blanc froc,
Ne craignez vovs le cerberiqve croc,
Qvi pend av pres de vostre sovrde oreille
La cloche sonne, av salvt vovs resveille,
Debovt, debovt, voicy voz ennemys,
Qvi ont levr camp a vostre porte mis
Povr vovs livrer trescriminel assavlt.
Si a ce covp la pvissance vovs favt
Tovt est perdv, povrce defendez vovs,
Et priez diev qve ces ravissans lovps
Soyent dechassez de vostre territoire.
E iiii
Le miroir
Secrettement rentrez en oratoire
L'vn avec l'avtre, et sans qvon se desreigle
Vivez en paix, et selon vostre reigle,
Ov avtrement avrez beavcovp daffaires.
Commvnement lvn lavtre appellez freres,
Freres clavstriers, freres par confrarie.
Et vivez donc en freres ie vovs prie,
Par bon accord, religievsement,
Sovbz charite tres fraternellement,
Ainsi comme vostre reigle commande.
Or svr ce poinct vn mot ie vovs demande.
Qvi est la cavse, et lacte principalle,
Qve ce iovrdhvy abvsion clavstralle
Regne et domine en voz infames cvevrs,
Cest povr raison qvestes trop gros seignevrs
Et av moyen de voz grands benefices:
Car de largent de voz riches offices
Entretenez vne vie orde et sale,
Si tresmondaine, et pleine de scandalle:
Qve tovt le pevple en est scandalize,
Et vostre estat tant vil et desgvise,
Qvon vovs en porte vne mortelle hayne.
Est-ce lestat, est-ce le train dyn moyne
Aller, venir, soy provmener par ville,
Dire bon iovr, diev gard la belle fille,
Comme vovs va. Ha moynes renyez,
Moynes clavstriers, gens excommvniez,
des francs tavlpins.
Craignez vo' point q̃ diev ne vovs cõfonde,
Navez vovs pas tovs renonce le monde,
Et faict le vev de vivre en pavvrete.
Besoing seroit, et de necessite
Qve vovs nevssiez en maniment deniers,
Et qvon vovs tint comme gens prisonniers,
Dessovz les clefz, sãs sortir hors dv cloistre.
Vovs nestes pas comme vovs devssiez estre,
De voz pechez le monde est estonne.
Tovt est perdv tovt est abandonne,
La pavvre eglise est deserte et destrvicte,
Comme iay dict, vevsve elle est sans cõdvite,
En plevrs et plains se complaict dv pastevr,
Qvi de ses biens est grand dissipatevr,
Et passe temps a iover des havltz boys,
Gros chiens novrrit, le pavvre est avx aboys
Qvi plovre et crie, et de froid resve, nv,
Ce temps pendant qve dv gros revenv
Monsievr labbe se fait frotter leschine
Av pres dv fev, qvi mvrmvre et rechigne
Cõme vn porceav, gros et gras, mis en mve.
De cest abvs le cvevr et sang me mve.
De cest abvs ie mesbahis qve diev
Ne les confond, tant labbe qve le liev,
Vev qvil ny a ivstice ne raison
Qv'vn simple enfant dvne pavvre maison,
Sage et discret y pvisse estre recev.
Le miroir
Iamais, iamais, fil nest de liev yssv,
ov ayt favevr par compere ov commere.
De par labbe ne tenv frere,
Cest tovt abvs, et ne sy favlt attendre:
Povres enfans novs ne voyons point rsdre
Ne recevoir a telle dignite
Dov vient cela favte de charite,
Favte de bien, et qvil na pas deqvoy.
commvnement a present voyez moy
Ces gros seignevrs, riches et trivmphans,
Silz ont vn, devx, trois, qvatre, cinq enfãs
Avx trois feront le froc dabvs porter
De paovr qvils ont de levr desheriter
Des biens terriens, abvsiz et damnables.
Dont pvis apres les covrages mvables
De ces moyneavx, sentent le fev denfer
Tant qvilz sont pires qve lvcifer,
Et plvs mondains qve paillards dv bordeav
Lvn est pigne, lavtre faict le beavbeav,
Portant la chavlce et braye decovppee
Povr demonstrer qvil est homme despee,
Ne et novrry, extraict de noble race:
Ivre mort diev et sang diev par menace,
Tovt vevlt tenir en sa svbiection.
Ne voyla pas belle profession
Ne voyla pas beav present faict a diev
Dvn sathanas, qvi sovbz lvmbre dv liev
des francs tavpins
Dont est sorty: vevlt vser de main forte,
De nvict covrir, vestv destrange sorte
comme vn galland et bragard compagnon
Portant par ville vn petit froc mignon,
Trovce, nove, av bras des braceletz,
Des anneavx dor, des povx, fy qvils sõt laidz
Fy qvilz sont ords, et a diev detestables
Gens desreiglez, moynes irraisonnables
Trop corrvmpez le vev de pavvrete,
Bien mievx vavdroit qve la grand liberté
Qve vovs avez fvst fondve en abisme,
Sil y avoit av cloistre bon regime
Tovt yroit mievx, selon ma fantasie.
Cest mal vescv, vovs voyez lheresie
De tovs costez, qvi de plvs en plvs ne sovrrd
Il n'est plvs temps destre mvet ne sovrd
Levez voz yevx par contemplation.
En rendant grace et ivbilation.
Av diev de gloire, afin qv'avx profons lievx
Pvisse opprimer ses mavdictz envievx
Qvi ont vovlv son eglise destrvire,
Or qvant av faict ie ne scay plvs qve dire
Ne qve penser, sinon par coniectvre,
Qve cil qvi a svr les cievx prelatvre
Tiendra de brief sa covrt de parlement,
l'effaict voyons, par le transgressement
De ces glovtons et govrmans friplopins
Le miroir
Lvteriens, svrnommez francs tavpins,
Qvi vvellent vivre en levrs meschans abvs
Et estre francs des rentes et tribvtz
De saincte eglise, et en la foy errans.
Des francs tavpins ont este tovsiovrs francs
Francz detailles et dimpositions,
Av cas pareil, par favces actions
Ces gens icy avevglez dignorance
Povrce qvilz sont de la grande ordonnance
Et enrovlez avx gaiges de limmvnde
Ilz disent estre affranchis en ce monde
De prier diev, de ievsne, doraisons,
et qvilz sont francs dont par vive raisons
Qve cela font povr manger fras lopins
Ie les baptise, et nomme francs tavpins.
Francs afranchis de gvet et passeporte
Tant qve le dyable en enfer les emporte
Et qve iamais nen pvisse revenir
Pvis qvavtrement ilz ne vevlent tenir
La foy et loy de levrs peres antiqves
Dont ie svpply a tovs bons catholicqves
De ne laisser levr covstvme premiere
Et napprocher de lordre tavpiniere
Qvi gaste avx champs et avx prez la verdvre
Ces francs tavpins ont la propre natvre
Et la covlevr de la tavpe orde et noire
La tavpe vit dvn estrange maniere
des francs tavpins.
Dedans la terre avx veines racinevses
Premierement de ses dentz venenevses
elle destrvit tovs les bons labovrages
Les beavx iardins, et plaisans pastvrages
Par ov elle passe, et gaste tovt avx champs.
Semblablement ces malhevrevx meschans
Qvi a leglise ont imortelle gverre
Terrestres sont comme la tavpe a terre
de levrs errevrs destrvisent les racines
des belles flevrs; et herbettes divines,
Et le labevr des doctevrs de leglise.
La tavlpe avssi depvis qvvn covp sest mise
Hors dv pertvis, il ny a point de dovbte
Qvelle movrra, car elle ne voit govtte,
Dont elle ne pevlt a son trov retovrner.
Av cas pareil vovs voirrez definer
Infamement tovs ces lvtheriens,
En levr vice ilz movrront comme chiens
Car avssi tost qvvn covp sont desvoyez
Hors de la foy, iamais ne les voyez
Cognoistre diev, ov cest covp daventvre
Avevglez sont en la saincte escritvre
Parqvoy novs pevlt de grans mavx advenir.
Donc prions diev qvil vveille maintenir
Tovs bons chrestiens en sa loy droictvrier
Et qve par voye, et forme covstvmiere
Pvissent de lvi obtenir grace et gloire
Lassvs avx cievx povr avoir la memoire
Dv diev des dievx continvellement.
Et povr la fin, mes amys hvmblement
Ie me svis mis a composer ce livre
Qve de bon cvevr a tovs chrestiens ie livre
En conclvant povr resolvtion
Qvil vavt mievx prendre la bonne instrvctiõ
Et le conseil de noz anciens peres
qve de svyvir le sentier des viperes
et le chemin de reprobation
Faschevx et ords, pleins de deception.
Moralivm cvriositas, nebvla ante solem.
Veritas, tvrris inexpvgnabilis.
Sermo veritas est.
Balade svr le temps qvi covrt.
DEpvis qve diev crea la terre,
on ne veit temps si merveillevx
Il a regne famine et gverre
Et grosse peste en divers lievx
Les riches avaricievx,
Tant plvs en ont moins sont contens
est il bien possible a noz yevx
De voir vn plvs terrible temps
Le filz voyons contre le pere
Dispvter par favx argvment:
La fille avssi contre la mere,
Denier le sainct Sacrement
Le favx preschevr pvbliqvement
prescher mille abvs tovs patens
Est il possible avcvnement
De voir vn plvs terrible temps
Le sang de diev covrt par la rve
Si fort qve cest chose terrible
Contre la croix pierres on rve
Dispvtant iesvs impassible
Lon ivre mort vertv sensible
Et sans en estre penitens:
ie vovs demande est il possible
De voir vn plvs terrible temps
La gent est si fort corrompve
qvelle ne tient ne droit ne loy
Les marchans novs voyons sans foy,
Et fovller pavvres impotens
Est il posssble dictes moy
De voir vn plvs terrible temps,
manger voyons en sainct caresme
La chair a gens destrange gvise
Remplis derrevr et de blaspheme
En contenant [...]
Les sainctz et sainctes [...]
Et les bons chrestiens penitens,
Est il possible a [...]
De voir vn plvs [...]
Prince qvi t [...]
Svr novs [...]
Car impossible est avx [...]
De veoir vn plvs [...] temps.
Fin dv [...]
[...]
LE MIROIR
Des francs tavlpins, avtrement dictz
Antechrists. Avqvel est contenv
le deffensoire de la foy
Chrestienne.
Avec plvsievrs figvres novvellement
avgmentees.
[Image]
A ROVEN
Av portail des libraires, en la prochaine
Bovtiqve de la rve par Iehan
dv Gort.
L'Imprimevr av Lectevr.
Lectevr qvi volvntairemẽt
Regardez ceste impressiõ
Ie vovs pry amy ablement
Svpporter l'incorrection
Et si qvelqve imperfection
Il y a en ce present livre
A l'œil des avtres ne la livre,
Et ne prenez garde a ma defavte
Car il nest homme si delivre
Qvi bien sovvent ne face favte.
Av Lectevr.
A toy chrestien enfant de Iesvs christ,
Confvtatevr dv mavdit Antechrist,
Conservatevr de la foy catholiqve,
Povr le salvt dv grege plebeiqve
Svr les transgrez, ce Livre ay composé
Sans longs propos, mais en brief exposé
Contre l'errevr des favlx pernicievx,
Qvi de levrs doigts pollvz et vicievx
Ont le miroir des sainctz fractionné,
Dont maint homme est fort svspecionné,
Av temps qvi covrt, par l'abbvs respandv,
Et povr raison, svbiect me svis rendv
A ce labevr, sans en pretendre gloire
De vanite ne de loz transitoire:
Mais a cell' fin de donner resistence
A lair infect remply de fetvlence,
Qvi fait la gent de saincte eglise extraire,
Et qve qvelqv'vn se pvisse a bien retraire
Par le moyen de ce petit traicté,
Dont te svpply, qve l'incongrvité
Soit pardonné et l'imperfection,
D'avssi bon cvevr et bonne affection
Qv'ay composé ladicte œvvre presente,
Qve devant toy hvmblement ie presente.
Le miroir des francs tavpins,
O vovs hvmains qvi passez par la voye,
Arrestez vovs, afin qve chascvn voye
Comme se sied l'eglise popvlevse
Pleine est de plevrs et melencolievse,
Plorant la nvict sa desolation,
Qvasi vevfve est sans domination,
Et ses amys sont faictz ses ennemys
Qvi par favevr ont contre elle asnes mis,
Vilipendant sa beavte facialle
Fvrtivement à l'hevre noxialle
Se sont campez, rompans mvrs et rampars,
Gensdarmes sont de tovtes pars espars
A l'entovr d'elle, et ont destrvict la porte
Les fondemens, la pierre dvre et forte
Est assallie a grans covps de canon
Qvi ont rompv son decret et canon
Povr et afin qve son ordre soit teve
Mavdicte errevr ses enfans navre et tve
Devant ses yevx dont sans fin se desole
Comblee de dveil, et na qvi la console
En son grand mal et triste amaritvde
Elle a perdv sa force et valitvde,
Enclose elle est des malhevrevx soldats
Qvi par mensonge et sophisticqves arcz
Ont mis levr camp par folle ambition
Av val pvant de tribvlation,
Sovbs le conseil de langve serpentine.
A.iii
Le miroir
O malhevrevse inhvmaine doctrine
Mavdict lvter, anathematisé
Corps infernal av centre intronisé,
Comme as tv tant ta mere nvtritive
A contre cvevr? la mere lactative
Qvi a lave la tace originelle,
Et ta recev en chambre maternelle
Hvmainement comme son propre enfant
Homme heretiqve, as tv point cognoissance
Dv premier iovr qv'av monde prins naissãce
Dont ton cvré declare et verifie
Qve de lvngvent, ov grace florifie
Osta lordvre en ton ame imprimee,
Et fvt alors dv cresme confirmee
Povr la redvire en chemin salvtaire?
Mievx te vavdroit povr ton salvt te taire
Qve de prescher la loy dv proditevr
Esprit damné, gvidon dv tentatevr
Par ta doctrine et variation
Le genre hvmain, sovbz favce paction
Viens debeller, svbivger et defaire,
Contre raison et propos temeraire
Les sainctz de diev tv ne vevx venerer
Ne iesvchrist en son temple adorer
Tant as le cvevr svperbe et orgveillevx
Et tes consortz avx desertz sablonnevx
des francs Tavpins.
S'en vont fvyant sovbs rochiers aqvaticqves
Comme serpens et dracons venenicqves
Cloz et privez des rayons de phebvs.
Cognois tv point maintenant ton abvs
Cognois tv point ta grand deception,
Et penses tv depvis la passion
De iesvchrist, qve sa mort pitoyable
Ivsqve a present n'ayt este profitable
Vev qv'il ya mil cinq cens ans et plvs
Qve noz parens, de macvle absolvs
Novs ont donné ceste foy catholiqve
Et qve la grace et bonté deifiqve
Dv trespvissant, ne soit point descendve
En son eglise, et svr elle espandve
Povr novs donner de sa loy certitvde
Penseroys tv, pavvre homme, sot et rvde
Pavvre desprit, homme mal entendv
Qve iesvs tevst si long temps attendv
Povr exposer son œvvre evangelicqve.
Dire favdroit par raison avtenticqve,
Qve nostre diev misericordievx
Evst donc esté immisericordievx
Par cy devant, est qve le sainct esprit
Avroit regy leglise de iesvchrist
Tovt endormy, sans novs donner a entendre
La verite, qva present vevx reprendre.
Dont ie conclvds, si le cas est ainsi,
A.iiii
Le miroir
Qve tovt le plevple est damné sans mercy,
Et qve le sang de Iesvs respandv
Povr tovs deffvnctz, est vainement perdv
Ha non est non: mais povr ta liberte
En tes sermons tv dis qve verite
Est de par toy presentement cogneve.
C'est grand orgveil, dire qv'a ta venve
Le sainct esprit en ses terrestres lievx
T'en lvmine dv soleil radievx
Et qve de depvis l'hevre et commencement
Qve diev donna le novveav testament
La verite ne sestoit demonstree
Ivsqva present, ov las tv rencontree
Ie dis qve cest verite mensongere
Qvi dantechrist est propre messagere
Et dont tv es le malin precvrsevr.
Premieremẽt sovbs sainte de dovcevr
Par trahison et perillevx obice,
Povr demolir dv temple ledifice;
Et les statvz de nostre antiqvite
Lordre divin de leglise as qvité,
Fvyvant lerrevr des favx deffectvevx,
Et qvi plvs est, dvn cvevr a ectvevx,
Povr extirper lordonnance des sages
Tv contredictz avx statvz des ymages
Des bien hevrez en la gloire celiqve,
Mais tv nest pas le premier hereticqve
des francs Tavlpins.
En ce proces dargvmentation.
Car ia cest faict la congregation
Povr ceste errevr contre les pilistins
Qvi convaincvz fvrent par les latins,
Et condamnez av concile de Reims.
Gens avevglez, malhevrevx chrestiens
Favx libertins qvi navez de diev crainte
Navez vovs point en lescritvre saincte
Vne figvre a ce propos escrite
Comme Moyse av pevple israelite,
Fist elever vn grand serpent darain
Povr preserver ses enfans et son train
Dv mords infect des serpens pestiferes
Qvi les mordoient de levrs dens mortiferes
Par les desers et espinevx fossez
Et avssi tost qvilz se sentoient blecez
Svbitement a l'hevre, et sans tarder
Ledit serpent ilz alloient regarder
Et par cela recevoient gvarison
Mais en apres povr la cavse et raison
Qv'en abvsoient par idolaterie
Ezechias contre evx print facherie,
Et par despit le feit rompre et destrvire.
Semblablement ie vovs vevx avssi dire
Novs qvi avons dymages visions
Avcvnement si novs en abvsions
Diev permetroit qvilz seroient to' destrvicts
Le miroir
Mais par les sainctz fvrẽt et son costrvicts
Sovbz le vovloir dv tressainct esperit,
Comme trovvons par exemple et escript
Bien amplement av livre des conciles
Ov tovs les poinctz des errevrs difficilles
De par l'eglise ont este condemnez.
Et povr ce vovs qvi les sainctz contemnez
Si vovs lisez la lettre sevre et saine,
Vovs trovverrez qv'av concile Nycene
Fvt en ce liev l'ymage presentee
De nostre Dame: et par acte arrestee
Il fvt conclvd sans contradiction
Qva son honnevr et colavdation
Elle seroit honorablement mise
Par les chrestiens en nostre mere eglise
Comme on la voit maintenant de present
Ie vovs demande, est ce point le present
Dv sainct esprit, qve novs lavons receve.
L'eglise de diev a elle este deceve
Depvis ce temps, en voz errevrs difformes
Respodez novs, qvi dictes qve les hommes
Ont faict cela, sans qve diev le commande.
A vostre advis, svr ce point ie demande
Si vovs tenez vn concille novveav
Sera il sainct sera il bon et beav
En le tenant serez vovs dievx ov dyables.
Allez asniers manger chardons et yebles
des francs Tavlpins.
Pvis qve dv pain de Iesvs navez cvre.
Navez vovs pas en la saincte escritvre
Avtre figvre a ce propos reqvise,
Qv'vn iovr diev dict av prophete Moyse
Qv'il evst a mettre av meilliev de son temple
Des chervbins, povr figvre et exemple
Qve les chrestiens, apres sa passion
Des sainctz avroient representation
Par les statvz, ymages et figvres.
Estimez vovs brvtives creatvres
Qvav monde y ait si pavvre esprit chrestien
Qvi ne cognoisse: et qvi nentende bien
Qve limage est de boys, pierre ov de plastre,
Sil la salve, est il povrce idolatre
Sil la salve, estimez vovs qvil erre
La salve il povr lhonnevr de la pierre
Dictes meschans, derrevrs lyez et seins,
Dit pas david, lovons diev en ses sains,
Qv'est ce lover sinon qve lhonorer
Av nom des sainctz, et de cvevr adorer
Recognoissant nostre creation,
Afin qve par levr intercession
Pvissons comme evx vivre eternellement.
Et qvi plvs est, navons point pas comment
Le bon Moyse a prie le savvevr
Povr ses enfans hvmblement de bon cvevr
Av nom disaac, dAbraham et Iacob
Le miroir
Leqvel fvt lors exavce tovt a covp
Divinement a la fvrevr dicevx
Or donc meschans, et mavdictz vicievx.
Qvi le serment avez ainsi favce:
Si ainsi est qve diev layt exavce
Av nom des trois qvi estoient en prison
Les sainctz de diev par plvs forte raison
Ovi sont lassvs rassasiez de gloire,
Sont ilz point plvs av sainct repositoire
De iesvchrist en grace confirmez.
Respondez novs, qvi pev les estimez
Qve vovs ensemble en vostre ivgement.
[IMAGE]
Navez vovs pas en sainct Iean plainement
Ov il est dict qve diev honorera
Sainctes et sainctz et les glorifiera
Lassvs avx cievx en son reconditoire
Et donc meschans, si Iesvs les honore
des francs Tavlpins.
Par dignite lassvs en son sainct liev
Qve ferez vovs, estes vovs plvs qve diev
Repvgnez vovs la genvflection,
Impvtez vovs par incorrection
Envie a diev svr lhonnevr des savvez.
Lvteriens, malhevrevx reprovvez
Imposez vovs en vostre orde heresie
Av diev vivant peche de ialovsie,
Estimez vovs qve lhonnevr lvy desplaise,
Ha nenny non, riens nest qvi plvs lvy plaise
Qve sainctement on les prie et decore,
A celle fin qven ayant devx memoire
L'honnevr en soit en la gloire des cievx.
Et vovs voyez qvil les appelle dievx,
Et silz sont dievx, nõt ilz poĩt qvelqve grace
Par vision de la tressaincte face
De levr grand diev, tant fort et tant pvissant
Si ont vrayement, et tovt bien cognoissant
Ilz sont dovez des dons prestantievx,
Et consolez dv frvict svbstantievx
A levr honnevr et benediction,
Dont povr la grand' reverberation
De lvstre exqvis de la divinite,
Si remplys sont de la claire clarte
Qvilz ont parfaicte et pleine cognoissance
De levrs servans, et povr recognoissance
De levr loyer, sans qve diev les refvse
Le miroir
Par la vertv de la grace diffvse
Facilement obtiennent levr demande.
Ainsi ie dy qve levr pvissance est grande,
Et qve devons par bonne affection
Faire devlx tovs commemoration,
Et les prier de bon cvevr gracievx,
povr et afin qv'avx sainctz precievx cievx,
Soient procvrevrs vers ladvocat Iesvs
Et qvavec evlx pvissions monter la svs
En bon repos, sainct et contemplatif:
Car lhomme estant par son peche actif
Entrelace dv lien sataniqve
Povr reqverir la grace deifiqve
En ses pechez ne i'ose presenter
Devant son diev: mais povr le svpporter
A son salvt, layde des sainctz invoqve,
Et par ce point leglise novs provoqve
Les collavder en grand solennité.
Las ne svffit à lincredvlite
De ton favlx cvevr, par tache incsiievse
Contre la vierge et mere glorievse
Qve novs devons hvmblement reclamer.
Lhonnevr dicelle as vovlv diffamer,
Et opprimer dvne peste incvrable,
Cest ladvocate avx pechevrs pitoyable
Qvi novs procvre vne gloire infinie.
Ha detractevr, feras tv vilennie
des francs Tavlpins.
A Marie pleine de sapience,
Qvi fvt iadis par digne providence
Cree en diev sovbz divin pensement
Povr prevenir lindv transgressement
De noz parens dinnocence defaictz.
Ne voy tv point tes malhevrevx forfaictz,
De plvs en plvs ton cvevr sedicievx
Cest efforce desprit avdacievx
Deraciner lancienne doctrine:
Mais elle a prins si tresferme racine
En Iesvschrist par amovr vernacvle,
Qve ta froidevr glaciale macvle
Ne gelera lodorante armarie
Dv beav rosier de la vierge Marie
Pleine de grace et de misericorde.
Estimes tv par ta misere et corde
Exterminer lancienne ordonnance
De noz parens, qvi ont mis levr pvissance
A congreger les sainctz religievx
Dv temps passe, povr lerrevr stigievx,
Dont à present la verite vacile.
Est il besoing faire vn novveav concile,
Est il besoing laisser loppinion
De tovs les sainctz, qvi par bonne vnion
Ont discvte tovt probleme dovbtable,
Povr adherer a ton abvs damnable,
Plein de peche et venin corrvptif.
le miroir
Ha nenny non: car diev preservatif
Et privatif de tache corrvptive
Novs gardera nostre loy primitive,
Ivsqves av iovr de derniere action,
Sans qve venin ne macvlation
Pvisse grever celle qvi novs domine.
O prodvctevr dinfernalle vermine,
Monstre crvel, et rage tyranniqve,
Ne svffit il a ta main plvtoniqve
Avoir descrit actes inivrievses
Contre les sainctz, et vierges glorievses,
Sans debeller le sainct verbe divin,
[IMAGE]
Qvi dignement sovbz le pain et le vin
Est incarné povr vn bien profitable,
Comme par foy et par loy veritable
Novs croyons tovs de cvevr parfaictement.
N'as tv point lev la figvre et comment
des francs Tavlpins.
Dedans la bible il est faict mention,
Qv'av temps passé les enfans de Sion
Qvand de laigneav vovloyẽt mãger la chair
Sovdainement lavalloyent sans mascher
Par les statvtz de lancienne loy.
Et qvest ce a dire en cecy, respons moy,
Ceste figvre est le vray fondement
Dv venerable et digne sacrement
Dv corps Iesvs, qva pasqves recevons
Devotement, qvand ce paschal prenons
Sovbs ferme foy, il novs est convenable
De lavaler, confes, et lamentable,
Sans le mascher, cest a dire, sans dovbte,
Sans varier, sans errevr, somme tovte
Le croire ainsi comme leglise croit.
Navons novs pas figvre en avtre endroit
Svr ce propos, par cas demonstratif,
Qve le serpent povr son preservatif
Qvand il a soif, premier qve boire en leav
Prvdentement il vomit bien et beav
Tovt son venin, remply de fetvlence.
Signifiant qventre novs pleins doffence,
Si novs vovlons recevoir dignement
Le trespvr sang il favlt premierement
Vomir peché par vraye confession,
De cvevr contrit, et satisfaction
Sovbz charité, qvi tovt acte precelle,
B
Le miroir
Ainsi comme l'eglise vniverselle
A commandé povr noz biens salvtaires.
Or donc pervers et favlx sacramentaires,
Qvi argvez par folle qvestion
Comme se faict la transmvation
Dv pain et vin av corps de Iesvchrist.
Provver vovs vevx par exemple et escrit
Vostre errevr favlce, abominable, ville.
[IMAGE]
Ie vovs demande, est il plvs difficile
A nostre diev, de transmver le pain
En son sainct corps precievx et hvmain,
Qv'avoir mvé par grace complective
La coste Adam a vne femme vive.
Comme lisons av livre de Genese.
Responds icy madame la bovrgeoise,
Si ton savvevr t'a prodvicte de rien.
Raison povrqvoy ne pevt il avssi bien
des francs tavlpins.
En la vertv de consecration
Faire dv pain la commvtation
En son sainct corps povr novs svbstancier.
Oses tv bien de ce te sovcier,
Oses tv bien ovvrir ta bovche impvre
Povr dispvter de la saincte escriptvre,
Vev qve sainct Pavl av femmes le defend.
Ie mesbahys qve la terre ne fend.
Ie mesbahys comme ell' te pevt porter.
Ne crains tv point ton savvevr irriter.
Et de tomber sovbz ta pesante charge.
Et si Moyse a converty sa verge
En vn serpent, et transmvé en sang
Les flevves grans: povrqvoy le diev pvissant
Ne pevt il donc le pain et vin mver
En son sainct corps, et sainct sang transmver
Tovt avssi bien qv'avx nopces transmva
L'eave pvre en vin, et avssi qvil mva
La femme Loth en statve de sel.
Lvy qvi est diev, sainct, et sempiternel.
Ne pevt il pas faire ce qvil lvy plaist,
Ie croy qv'ovy. qvi te faict errer, c'est,
Qv'en ton salvt as perdv l'appetit,
En demandant comme en liev si petit
Le corps, le sang povrroit estre incarne.
O le meschant, o le mavdict damne,
malhevrevx homme sacramentaire,
B ii
Le miroir
Estimes tv qve ce corps salvtaire
Qve les Chrestiens adorent povr levr diev
Entre les mains dv prebstre, occvpe liev,
Ainsi comme favlcement tv lexposes?
[IMAGE]
Qvand Iesvchrist entra les portes closes
Dedans la chambre ov estoyent ses brebis,
Ientens ses sainctz, avsqvelz dict, pax vobis,
Ne craignez point, cest moy, iay chair et os.
* Ie vovs demande, entre vovs idiotz
Qvõ devst brvser a beavx fagotz de paille.
Si Iesvchrist par sa porte ov mvraille
En y entrant: non veritablement:
Mais povr monstrer miracvlevsement
A ta pensee heretiqve et dovbtevse.
Qve vne chair saincte, et si tresprecievse
Qven liev ov soit nempesche avcvne place,
Et donc si diev par sa divine grace
des francs Tavlpins.
Cest apparv en resvrrection
A ses amys, sans faire fraction
A la mvraille, est ce point povr congnoistre
Qve son saĩct corps entre les maĩs dv prestre
Divinement nempesche liev dv monde.
O heretiqve, homme errant, et immvnde,
Qvi avx abvs as mis ton estvdie:
Las as tv bien la langve si hardie
Dire et prescher qve nest qve illvsion
Dv corps de diev, et tovte abvsion,
Et qvav sacrere il ne pevt en chair estre.
Favx libertin, celvy qvi ta faict naistre,
Faict, et formé, le vevlx tv contredire.
Oses tv bien de ton salvt mesdire.
Estimes tv qve diev soit impvissant,
Ne voy tv point le soleil trespersant
Qvil a creé par pvissance divine
Povr esclairer a tovte la machine.
Il est en France, en Tvrqvie, en Espaigne,
En portgval, en Escosse, en Bretaigne,
Qvi est vn cas entre avtres nompareil:
Car par tovt est, et si nest qve vn soleil,
Et tovt ainsi qvil ne pevt empescher
Place ne liev, semblablement la chair
De Iesvchrist nempesche nvllemment
Les mains dv prestre av tressaĩct sacrement,
Comme tv vois par vraye similitvde.
B iii
Le miroir
As tv l'esprit si heretiqve et rvde,
Qve tv ne pevx ton salvt recongnoistre.
Monsievr sainct Pavl faict il pas a cõgnoistre.
Qve la chose est de grande conseqvence,
Et de tressaincte et divine excellence,
Qvand il novs dict, si lhomme indignement
Mange ce pain, il prend son ivgement,
Son corps son ame à la mort il expose.
Dire favt bien dõcqves qve cest grand chose
Pvis qvil y a tel danger a le prendre,
Avssi a il, et povr tovt bien comprendre
Ie pense av vray, prevoyant ceste errevr,
Qve briefvement nostre diev et seignevr
Le vengera de ton favlx argvment.
L'effect voyons par le transgressment
De ta foy favlce ov tovt abvs abonde,
Et le droit poinct svr leqvel ie me fonde.
Cest en la bible, on le propos est tel,
Qvi bien recite dv pevple d'Israel,
Tant qv'icelvy dedans le desert fvt
Manne dv ciel à manger tovsiovrs evt,
Et avssi tost qve dv desert saillit
Incontinent la manne lvy faillit,
Et note bien, car ce point te condemne.
Semblablement novs qvi prenons la manne
De iesvchrist, qvi est son digne corps,
Qvant dv desert novs sortions dehors.
des francs Tavlpins.
I'entens sortir de ce desert mondain:
La manne alors novs favdra tovt sovdain,
Qvi est l'ostie honorable, hvmble, et digne.
Et povrce donc note et entens ce signe,
Recognoissant ton errevr et malice.
Tovt avssi tost qve le sainct sacrifice
Dv corps de diev, et messe cessera
Tovt avssi tost le monde finera,
Et nonobstant tes argvmens et mais
Le sacrement ne cessera iamais,
Qve tovt le monde a l'hevre ne define.
Monsievr saicnt pavl de grace predistine
A bien rescrit tovt le temps et le covrs
Qve no' voyõs, disant qv'avx derniers iovrs
Plvsievrs Chrestiens delaisseront levr foy.
Lvteriens, ie vovs pry dictes moy,
Qvi sont cevx la de qvi sainct pavl rescrit,
Ne sont ce point des svppostz d'antechrist,
Qvi de la foy sont dv tovt destovrnez:
Ovy vrayement, car les predestinez
Et bons chrestiẽs n'ont point levr foy favce
Comme entre vovs, qvi l'avez delaissee
Prestans lavreille avx errevrs dheresie,
Dont vovs avez par folle fantasie
La foy favlsee, ainsi qva dit lApostre
Novs navons point fractionne la nostre,
Ne delaisse celle de noz parens.
B iiii
Le miroir
Povrce ie dis par signes apparens
Qve cest de vovs de qvi saĩct Pavl novs parle,
Car vovs avez a vostre grand scandalle
Contrarie a la foy de voz peres,
Et delaisse voz catholiqves freres
Povr vne folle et ville liberte.
* Gens malhevrevx pleins dincredvlite,
Martyrs denfer, plongez en pvante hvyle,
Nest il pas dict en la saincte evangile,
Qve nostre diev tresgracievx et mvnde
Est la lanterne et lvmiere dv monde
[IMAGE]
Povr esclairer a ses enfans vniqves.
Penseriez vovs malhevrevx heretiqves
Qve Iesvchrist evst pose la lanterne,
Et enfermee en obscvre caverne
Mil cinq cens ans, et qvevst este brvslante
Sans esclairer leglise militante,
des francs Tavlpins.
Ivsqve à present qve Lvther est venv:
Povre hereticqve en errevr detenv,
Ne voys tv point ta svperbe folie,
Ne voys tv point par ceste foy faillie,
Qve diev est fort contre toy irrité,
Vovldrois tv bien par cvriosité
Novs faire tovs avx enfers condescendre,
Vovldrois tv bien contre diev entreprendre,
Vovldrois tv bien sovstenir les propos
Damnez dovbtevx et havlt reconditoire,
Vevlx tv dovbter qven ce bas territoire
Diev ait permis qve son eglise saincte
Ait abvsé par fallace et par fainte
Ivsqves icy, a povre homme incense,
Homme follet, las ov as tv pensé,
Ov as tv mis ton esprit deceptif
Cvy des tv pas qve le premier motif
Des grands errevrs nayt esté condamné,
Mil ans y a premier qvefvsses né
Dont maintenant favcement tv devises:
Avons novs mis les cloches avx eglises,
Avons novs mis avx temple les ymages,
Presvmez qve novs soyons plvs sages
Qve noz parens et amys trespassez:
Ces beavx convents avons novs commence
Avons novs fait le premier fondement
Le miroir
Des lievx sacrez, Respond a largvment
Qve ie te faits, cest chose assez facile.
Or ascavoir d'ov vient nostre evangille
Et qvi ta dit, Sainct Iean a fait cecy,
Sainct lvc, sainct marc, et sainct matheiv avssi,
Sinon leglise, et doncqves malhevrevx
Si ainsi est qve povr les bien hevrevx
Leglise ayt fait ces statvts de vertv,
Raison povrqvoy à ce contredis tv
Vev qve le tovt est a lhonnevr de diev:
Par ton moyen ce iovrdhvy en maint liev
ont cesse chants, et ioyevses mvsiqves,
Hymnes, respons, les proses et cantiqves
Tant melliflvs, tant dovlx, tant savovrevx.
Et tovt ainsi qve povres gents paovrevx
Tant adherans en signe de tristesse
Ont svspendv levrs orgves de lyesse
Avx boys tortvs en grand perplexité
Comme mvetz, pleins de timidité,
Et ont levr langve av palais attachee,
Si bien qv'errevr et mensonge cachee
Nose sortir de levr impvre bovche:
Car av iovrdhvy levr cecité, levr bovche,
Loeil et l'organe en tel point et maniere
Qv'ils ont perdv cognoissance et lvmiere
Dv diev des dievx, par pechez infinis.
Et comme gents dv temple forbanis
des francs Tavlpins.
S'en vont fvyant d'avec les catholiqves
Par les sentiers loingtains Babilonicqves
En plevrs et plains, en regrets dovlovrevx,
Plorans sans fin en sovspirs langovrevx
La perte grande, et la possession
De tovs levrs biens, par l'obstination
Et grief deffavlt encontre evlx approvve.
O (donc lvther) malhevrevx approvve
Avx lievx deserts et govffres violens.
Combien a il de povres gents dolens
Clos et perdvs en chartre tenebrevse
Car le conseil de ta langve paovrevse
Qvi ont svivy ta doctrine moderne.
Le tentatevr de la basse sisterne
Q'avevgle bien en la saincte escriptvre,
De sovstenir contrediev et natvre
Mille propos engendrez de Megere,
Dont ta science est si folle et legere
Qve plvsievrs sont de la loy decordez.
Et qvi plvs est, les biens as retardez
Avx trespassez, n'yans pvrgation,
Povr extoller tovte devotion,
As fait cesser oraisons et svffrages,
Non sevlement av pevple des vilages:
Mais avx plvs grands des villes et citez,
Lesqvelz tv as favcement incitez
A mal parler contre le pvrgatoire,
Le miroir
Qvi est vn liev et vray preparatoire
Povr cevx qvi sont envers diev redevables.
Las vovldrois tv qve cevx qvi sont devables.
Povr levrs pechez a larticle de mort
Fvssent damnez, sans qvil evst devlx remort,
Et qvavx enfers fit les ames descendre:
Ha nenny non, car il te favlt entendre
Qve nostre diev est si hvmain et dovlx
Qvencor il vevlt prendre pitie de novs
Et novs qvitter par ce fev pvrgatif
Povr posseder le grand bien svbstantif
Qvil a promis a tovs les bien vivans.
* Il y a ia plvs de dovze cents ans
Qve saincte eglise a ce cas approvve,
Pvis tv tenqviers et ov il est trovve,
Ov sont cevx la qvi en sont revenvs:
Ha pavvre sot, sommes novs point tenvs
Croire avtre cas qve la saincte evangile:
Tv vevlx bien croire a vn novveav concile.
Tv vevlx bien croire a vn fol preschement.
Tv vevlx biẽ croire hõme qvi presche et mẽt
Av detriment de mainte creatvre,
Et les doctevrs de la saincte lectvre
Vevlx mespriser par contradictions
Povr estre exempt des constitvtions
De saincte eglise, ov tovt biens sont compris
De qvi tv as le sain baptesme pris.
des francs Tavlpins.
De qvi tiens tv la foy et loy chrestienne:
De qvi tiens tv la covstvme ancienne,
Est ce des tvrcs, sarrazins, ov payens,
Ie croy qve non, ha favlx lvtheriens
Favlx escorchevrs de francoys et latin
Ne novs dit, pas monsievr sainct avgvstin
Qvi ne croiroit levangille vllement
Si ce nestoit par le commandement
De la sacree et mere saincte eglise.
Et donc mechans qvi avez la dent mise
Avx livres sainctz, povr les dilacerer.
De croire icevlx vovlez differer,
Vev qve leglise y a contrainct voz peres.
[IMAGE]
Vovs ressemblez avx petites viperes
Qvi de levrs dents en grand dovlevr amere
Mengent le ventre et le cvevr de levr mere,
Le miroir
Povr preceder le iovr de levr naissance.
Semblablement, vovs remplis dignorance
Qvi resistez avx sainctes loix divines,
Vovlez manger de voz dents viperines
Le ventre sainct de l'eglise de diev,
En mesprisant le sainct et sacre liev
Dict d'oraison, qve noz peres antiqves
Novs ont basty, comme bons catholicqves,
En novs monstrant la maniere de vivre
Dont av iovrdhvy, par vostre damne livre
Vovz avez plvs de credence et de foy
Avx gros asniers qvavx d'octevrs de la loy
Qvi en l'eglise ont este inspirez
Si qve voz cvevrs sont tant fort inspirez
Et endvrcis, qve si avcvn vovs parle
Prier les sainctz, ce vons est vn scandale,
Et mesprisez la veneration
Disant qve cest la constitvtion
De lhomme hvmain, et non Iesvschrist.
Ha mal-hevrevx, precvrsevr dantechrist,
Ton favlx prescher qvi tant offence et erre,
Est il plvs docte et venerable à croire
Qve tovs les sainctz dv predict temps passe
Qvi iovr et nvict, sans repos, nont cesse
D'estvdier, et exposer la lettre
Qve maintenant sovs le pied tv vevlx mettre
Par govrmandise et franche liberte.
Ie te demande, est il point recite
des francs tavlpin.
En sainct thomas doctevr evangeliqve
Des trespassez, o responds heretiqve
[IMAGE]
N'as tv point lev ce doctevr venerable
Parlant dv fev de la peine execrable
Qve l'ame scvffre av fev de pvrgatoire,
Semblablemẽt dit mõseignevr saĩct gregoire
Sainct avgvstin, et plvsievrs avtres saincts
Qvi ont rescript tant de bons propos sains
Et tant de poinctz par inspiration,
S'estoient il point gents de devotion:
S'estimes tv plvs homme de bien qv'evx
Es tv plvs sainct plvs scavant et hevrevx
Qve ces gents la pleins de si bonne vie.
Qva povre avevgle, hõme glovton denvie,
A tovt le moins si tv ne vevlx ayder
Avx trespassez, ne faits point retarder
Les bons chrestiens la deprecation,
Le miroir
Ny empescher ceste proiection
D'eav beniste av tovr des sepvltvres.
Gens ignorans des sainctes escriptvres
Qvi demandez deqvoy sert leav beniste,
Ie vovs declare et dis povr introite
Qve cela n'est ainsi fait sans raison,
Et qv'il soit vray, voyez en la saison
Dv temps d'esté par grande diligence
Vovs arrovsez la greine et la semence
De voz iardins, povr en avoir des biens.
Semblablement entre novs tovs chrestiens
Qvand novs allons svr la fosse des morts
Et qve de l'eav novs aspergeons les corps,
Novs confessons par ceste ablvtion
Des trespassez la resvrrection,
En esperant qve la greine semée
De iesvschrist, en ce sainct liev germee
Vn certain iovr de terre sortira
Et devant diev elle florifiera
Lassvs avx cievlx ov tovt bien frvctifie.
Et qvi plvs est, ceste eav novs signifie
Mystere grand, car qvand novs la iettons
Svr les deffvnctz, alors novs protestons
Qv'ils sont chrestiens, par l'eav regenerez
Dessvs les fonts, et de diev honorez,
En l'efficace et vertv dv baptesme
Qvils ont recev, et l'vnction dv cresme
des francs Tavlpins.
Par foy prestée en ce terrestre liev
Dont povr raison qv'ils sont enfans de diev
Oingts et lavez de la covlpe origine,
Novs arrovsons levr semence et racine
Deav beniste, et en devotion
Priant iesvs qve par sa passion
Et par son sang dont ilz sont arrovsez
Il ayt pitié des povres trespassez
Lesqvelz sont morts povr devãt lvy revivre.
Et povrce vovs qvi ne vovlez ensvivre
La loy de cevx qvi estoient devant vovs,
De mvrmvrer povr diev deportez vovs
Et congnoissez vostre grand forfaitvre.
Tripes d'enfer pleins de favce natvre,
Gens desvoyez par favlx preschevrs sedvis
Voz vievx parens la vovs ont il indvis
Et introdvits à ceste loy meschante,
Qvi favlcement empesche qvon ne chante
Messes matines et avtres oraisons,
Dont les deffvncts sevffrent bas avx prisons
De pvrgatoire, en fev chavld et crvel,
Et tovt ainsi qve le pvr sang d'Abel
Qveroit à diev par semblable vengeance,
Semblablement les deffvnctz en sovffrance
Crient a diev vengeance de vovs tovs.
Povres hvmains (helas) ov pensez vovs
Ov songez vovs? respondez à cecy?
G
Le miroir
Vovs plaignez vovs de ce mort temps icy,
Vovs plaignez vovs qve vo' avez des mavx,
Ha malhevrevx antichristiens novveavx,
Considerez et regardez comment
Depvis le temps et le commencement
Qv'avx grans errevrs dheresie avez crev,
Qvel bien, qvel ioye, et qvel temps avez ev,
Sinon tristesse, oppression, et gverre.
Qvel bled, qvel vin a prodvict vostre terre,
Qvel grand sovlas en avez vovs recev.
Pavvres damnez, mavdict pevple decev,
Gens ignorans, endvrcis de cerveav,
Vovs demandez vn concille novveav,
Povr estre exemptz de vivre comme novs.
Or dictes moy, comment le tiendrez vovs,
Impossible est, trop estes difficiles:
Vev et congnev qv'avx avtres saĩctz cõciles
Qve noz parens ont faict par cy devant.
Ne vovlez croire a ce propos svyvant.
Qve reste il plvs faire fev de voz os,
Et vovs brvsler, comme gens idiotz,
Qvi vevlent faire vne loy sarrazine,
Povr et afin qve linfecte racine
De voz errevrs soit morte et consommee.
Nestimez vovs qve la foy confirmee
en Iesvchrist pvissiez faire faillir,
Ha nenny non, beav l'avez assaillir,
des francs Tavlpins.
Dessvs la pierre a si bon fondement,
Qve ivsqv'av iovr dv ivgement
Des bons chrestiens elle sera gardee:
Car nostre diev la si tresbien fondee,
Qve de ce faict ne novs favt plvs dovbter,
Mais hvmblement de ce novs contenter,
Ainsi qv'ont faict tovs noz predecessevrs,
Car de la loy novs sommes si tressevrs,
Qve des bons cvevrs la foy ne varira
Tant qve l'eglise av monde regnera
Des morts fera commemoration,
Mavgré lorgveil et folle ambition
Des reprovvez et mavdictz detractevrs.
O favx Lvther pere et chef des mentevrs,
Regarde et voy tes malhevrevx ovvrages.
Premierement tv t'es prins avx ymages,
et pvis avx sainctz et des sainctz a la vierge,
et de la vierge a la racine et verge
De ton salvt, nyant le sacrement,
Dont novs voyons par l'errevr clairement
La prophetie accomplie et parfaicte
de daniel parlant de la defaicte
dv sainct sacre et de la digne hostie,
dont mainte femme est ce iovr divertie
de ceste foy par incredvlité.
En prevoyant levr basse hvmilite,
de levr esprit de fragile covrage.
C ii
Le miroir
Tv les redvys en ton mortel servage,
Tant qv'aviovrdhvy mainte femme sestime
Estre scavante en cest infame crime,
Avtant ov plvs qv'vn doctevr de Sorbonne,
Qvi maintiendra cest errevr estre bonne,
Ivsqves av fev qvoy qvon en vveille dire.
Ie vovs demande, amys, est ce povr rire,
Est ce povr bien soy resiovyr a l'ame
De veoir porter sovbz les bras de ma dame
De ce Lvther la novvelle alliance.
Qvi par orgveil et damnable ignorance
Pensent scavoir plvs q̃ na faict sainct Pierre,
Qvand sont ensemble, et ont le cvl a terre,
L'vne viendra contre lhonnevr de diev
Prendre av rebovrs le livre sainct Matthiev.
Lavtre dira, ma commere et amye,
Pardonnez moy, ie ne vovs demens niye,
Mais av regard de ce propos icy
Monsievr sainct Lvc et sainct Marc dit ainsi
Av premier point de son Apocalypse.
Cest bien rentré, ov la lvne est eclypse,
Qvi par son covrs rend femmes lvnatiqves.
Ha cvevrs infects, femmes diaboliqves,
Espritz damnez par favx sy logiser,
Craignez vovs pas qve anathematiser
Diev vo' povrroit par trop havt entreprẽdre
Bien mievx vavdroit vne qve noille prendre,
des francs Tavlpins.
Qve de tovcher avx livres consacrez:
Car dexposer les divins motz sacrez.
La matiere est vn petit par trop havte,
Et qvelqve iovr congnoistrez la grandfavte
Dv sang fragil, trop plein dambition.
Favx cvevrs fichez en contradition.
Favx cvevrs privez de grace lvminevse,
Voyez vovs point ceste heresie vmbrevse,
Qvi dessvs vovs fait poyson svblimer
Povr vovs destrvire, et av fev consommer
Infamement avecq les forvoyevx.
Ie ne scay moy ov vovs avez les yevx,
Ne dois provient ceste sovrce maligne.
Dire favt bien qve ceste le propre signe
De lantechrist, detestable et immvnde,
Vev qva present la plvs grãd part dv monde
Loreille a sovrde, et la langve orde et begve.
Si aviovrdhvy qvelqve doctevr allegve
Vn bon propos de la saincte escriptvre.
Il sortira dinfernalle clostvre
Vne ydiotte, vne sotte, vne infame,
Qvi ivrera, par la foy de mon ame
Il a failly av qvatriesme chapitre:
Car sainct Marc dit en sa premiere epistre
Tovt le contraire, ha le meschant cagot.
Helas mon diev, qve nay-ie le fagot,
Et le flambeav, povr brvsler ceste ordvre.
C iii
Le miroir
O advltaire, orde progenitvre,
Las est-ce a toy d'allegver les chapitres
De l'evangile, et de lire avx epistres
Mises en prose, ov en rithme Francoise.
Av temps qvi covrt ma dame la bovrgeoise
Me respondra si mon pere et ma mere
y ont erré pas ne vevx ainsi faire,
De mon salvt ie seray cvrievse.
Av fev, av fev, brvslez la malhevrevse,
Brvslez cela qve iamais on n'en parle.
Vev qv'elles sont attaintes dv scandale,
Et qv'a lerrevr on les voit condescendre,
Ne doit on pas de levrs corps faire cendre,
Sans les pvgnir par amende honnorable.
Ceste sentence envers diev n'est lovable,
Ceste sentence est plein d'inivstice,
Depvis qvell' sont reprinses de ce vice,
La mort sensvyt, ov bien on levr fait tort.
Av temps present n'y a bossv ne tort,
Qvi ne se force a dovbler le recveil
De ces errevrs, sovbz le greffier dorgveil.
Vn nombre sont par mille millions,
Plvs endvrcys qve rvgeans lyons,
Pretendans tovs de vivre en liberte,
Sans reprimer l'orde fragilite
De levrs cvevrs pleins d'immortell' malice,
Povr la police, il favt qve sainct pavl ysse.
des francs Tavlpins
De paradis a levr interpreter
La verité, qvi vevlent contester
Contre le droict de lordre evangeliqve.
Ha gens damnez mavdict pevple heretiqve
Gens divisez ingrate nation
Voyez vovs point la pertvrbation
De vostre esprit par peche tribvtaire
Craignez vovs point qv'a linfect sagitaire.
Av fond denfer ne vovs tombe par terre
Craignez vovs point qve le fvlgvr tonnerre
Ne vovs confonde avx obscvres latebres,
Et qve sathan ne chante les fvnebres.
De vostre mort triste et sangvinolente
Ha nation pestifere et dolente
Qvi mvrmvrez contre loblation
Qvon faict a diev par bonne afection,
Ha ses sainctz, sovbz hvmble sacrifice
Ne craignez vovs qve le diev de ivstice
Vn certain iovr nen face la vengence
Et qve le roy vostre prince de france
Ne sen covrovce a vostre grand dommage.
Mais pensez vovs qve vostre parentage
Evst prins la peine a bastir tant de temples
Si nevst esté povr vovs donner exemples
Qvil favt servir diev, et ses sainctz avssi
Ha nenny non mais qvant a ce point cy
Voyons av monde vn tas d'evangelistes.
Le miroir
De novveavx clercs, de femmes ypocrites
Qvi vovs diront deqvoy servent ces chappes,
Ces aornemens, ces calices et nappes,
Tovt ce bien la n'est qve perdition.
Bien mievlx vavldroit par grand compassiõ
Le disperser avx povres indigens.
Ha favx mastins et miserables gens,
Favlx ennemys des divins concordas,
Vovs ressemblez av malhevrevx Ivdas
Qvi mvrmvroit svr l'vngvent precievx:
Respondez moy hommes ambicievx,
Respondez moy, par vostre conscience
Si la pitié et tres grande indigence
Des povres diev, vovs cavse cela dire:
Qv'en dictes vovs gẽts pleins d'envie et d'ire:
Respondez moy à cestvy mot dv gvet
Si ainsi est mon seignevr le mvgvet
Qve charité soit en toy si tres-grande
Qve ne fais tv ce qve ton diev commande
Donner les biens qve perds av iev des flvs,
De tes habits laisser les svperflvs,
Vendre l'enseigne et les fers dv bonnet,
Et le plvmal qve portes de cornet.
Qve ne dis tv, voila dv bien perdv:
Ha favx ivdas en errevr svspendv,
Mavdit ivdas, regarde ta cavtelle.
Et toy avssi paillarde damoyselle,
des francs Tavlpins.
Qve ne vends tv ta robbe rovge ov bleve,
Tes anneavx dor, tes dorvres, ta qveve,
Qvi traisne bas plvs de six pieds en terre:
Respõds pvtain qvi fais avx saincts la gverre
Contre tes faicts qve ne mvrmvres tv:
Dy glorievse et vvide de vertv,
Deqvoy te sert ceste brave et ces pompes,
Penses y bien, car toymesme te trompes
Par laccident obscvr d'iniqvité.
Si av povre as si grande charité
Comme tv dis, qve ne vends tv les biens
Des svperflvs, lesqvelz ne sont pas tiens,
Sans mvrmvrer contre vn sainct offertoire.
Danger y a qv'vn arrest frvstratoire
A ton grand dam ne te soit prononcé,
Davoir ton diev favcement renoncé.
Ientens leglise ov Iesvs-christ repose
De tes errevrs nest pas petite chose,
Car d'heresie es si tres-covstvmiere
Qve par orgveil ta creance prèmiere
A renoncé avx peres et covstenges
De ton salvt, povr avoir les lovenges
Dvn tas de sots ennemys de la foy
Qvi vont disant par cy, par la, de toy
Av commvn pevple et mignons de la ville.
Congnoissiez vovs ma dame et sa grand fille,
Celle qvi porte vn novveav testament,
Le miroir
Ovy dit lavtre et à mon ivgement
Ie la congnois. Nest ce pas lamovrevse
Qvi tant se farde, vn petit glorievse,
Demy bovrgeoise et demy damoiselle,
Qvi tovsiovrs porte vn livre sovs lesselle
Avec la robbe et la pantovfle av bvst,
Cest celle la, vovs frappez droict a bvt
Elle sans avtre (o mon amy) certe.
Elle entend bien. Et qvoy: La verite.
Elle tirvmphe en la theologie,
Et si a bien sa grand fille regie
Qvel approvve en dispvtation
Contre vn doctevr, qve la confession
Est abvsive, et de nvlle valevr.
Cest le miroir, cest la perle et la flevr,
Povr sa ievnesse elle est docte et savante.
Ha nation malhevrevse et mechante
Qvi deniez dv prebstre le povvoir.
Monsievr sainct iean vovs fait il pas savoir
En vn passage, avqvel il est escript
Qve nostre diev et savvevr iesvs-christ
Lors qvil estoit avecqves ses apostres
Levr dist a tovs povr les grãds proffits nostres
Qve les pechez qvils novs pardonneront
Seront remis, et cevx qvi retiendront
Seront retenvs, sans avtrement penser.
Il sensvyt donc qvil les favlt confesser
des francs Tavlpins.
Qvi vevlt avoir la grace deffensible
Raison povrqvoy car il est impossible
De pardonner vn peché sevlement
Tant petit soit sil n'est premierement
De cvevr contrict franchement confesse.
Et certain est qviconqve a offence
Av paravant qve peche le delaisse,
Il favt qvav prestre hvmblement de confesse
Ov ses pechez lvy seront retenvz.
Qv'en dictes vovs pavvres gens decognvz
Ne sont ce pas les propres motz dv texte
De point en point qve sainct iehan manifeste
Dont la vertv de grace hereditalle
A svccede l'ordre sacerdotalle
Devesqve av prestre, ainsi qve lon doit croire
Ne dict pas diev a son vicaire pierre,
Pierre, tovt ce qv'en la terre lyeras
Sera lye, et ce qve deslieras
Ainsi sera, en la terre et avx cievx
Or ie demande, entre vovs vicievx
Contrarians av sainct pape de Romme
Si l'vn de vovs avoit occis vn homme
Avroit il bien dv roy tresmagnanime
Grace et pardon, sans confesser son crime
Et son delict non veritablement:
Car il favdroit svr tovt expressement
Qv'il saccvsast en reqverant mercy.
Le miroir
Svr ce propos, ie te declare avssi,
Et note bien tovs ces motz qve iescriptz
Svyvant saint Iean, si par les dignes christs
Qvi sont les oingts et prestres de leglise,
Nes deslié, iamais navras franchise
De tes pechez damnables et difformes:
Car diev a mis grans vertvs en ses hommes,
Combien qven evx ayt imperfection,
Comme voyons par approbation
Dv roy Francoys noble prince de France,
Qvi de Iesvs a povvoir et pvissance
Mvndifier le mal des escroelles.
Or notez bien bovregoises, damoyselles,
Pose le cas qve devx malades sont,
Qvi vers le Roy en diligence vont,
Tendans avx fins de sante recevoir,
Dont chascvn devx fait tresbien son devoir:
Et povr avoir gvarison et sante
A devx genovx sovbz grande hvmilite
Devant le Roy se presentent la face,
Povr et afin qve levr grief mal efface
Sovbz ferme espoir destre gvaris avssi.
Or il advient qve de ces devx icy
Nen tovche qv'vn, qvi veritablement
Sera gvary par son attovchement,
Et lavtre infect qvi ne sera tovche
Comme devant sera tovsiovrs tache
des francs Tavlpins.
De ce grief mal sans y trovver remede.
Or ie demande, a scavoir dov procede
Qvil nest gvary, vev qven devoir cest mis
Ainsi qve lavtre, et qve diev na permis
Qvil ayt recev parfaicte gvarison.
Mon amy, cest, entens tv, povr raison
Qve sa chair nest comme lavtre tovchee.
Semblablement qvand nostre ame est tachee
De vil peche, favt necessairement
Qve la tovche ayt sacramentellement
Pvis desplaisance, et par contrition,
De ses pechez faire confession,
Povr et a fin qve la main novs soit mise
Dessvs le chef par le roy de leglise,
Qvi est le pape, ov par les siens commis,
Ov noz pechez ne seront point remis,
Ne pardonnez, vev la chose ordonnee,
Povrce qve diev grand pvissance a donnee
Avx gens deglise, et qvil soit vray semblable
De iovr en iovr le prebstre venerable
Dv corps de diev est refectionne,
Combien qvil soit mal conditionne,
En prononceant cinq parolles sans faincte,
Le pain transmve en chair sacree et saincte,
Et de sa langve ovtre la porte close.
Estimons novs estre petite chose
De lvnction tressaincte et specialle.
Le miroir
Qvand par pvissance et vertv magistralle
Le prestre sacre en tovtes regions
Descendre fait cent mille legions
Danges des cievx, entre ses bras et mains.
Et qvi plvs est, le savvevr des hvmains
Divinement incarnatienne,
En chair et sang bien proportionne
Avtant qv'en evt en larbre de la croix.
O pevple errant, si cela tv ne croys
Ie men raporte a ta folle incredence:
Car croire favlt qvil est en son essence
Bien vniforme avec lhvmanité.
et svr ce on veoit la grand divinité
et le povvoir qv'ont tovs les gents d'eglise
En escovtant par lavctorité mise
Dv texte sainct sovs lordre evangeliqve
Qvi n'est donnée a natvre angeliqve,
Ne à la vierge et mere tres clemente.
et svr ce dy qv'vn pape represente
en ce bas val la personne de diev
Constitvé grand vicaire en ce liev
Povr le salvt dhvmaine nation,
et qvi en ce met contradiction
Heretiqve est, interdit et damné:
Car tovtes-foys qve le pape a donné
Grace et pardon a qvelqve penitent,
Cest tovt avtant qve si le diev potent
des francs tavlpins.
Lvy avoit dit et prononcé de bovche
Notez ces mots, car ce cas fort vovs tovche,
en terre il est le propre lievtenant
De Iesvschrist, et a son liev tenant,
et le povvoir d'absovldre et de mavdire.
Homme ne doit à cela contradire
Qvavoir novs favlt evesqves et prelats.
Si avons novs, mais ils sont si tres-las
Destvdier en la sa saincte escriptvre
Qv'ils nont sovcy de cercher la pastvre
A levrs tropeavlx, tãt sont pleins d ignorãce
et mesmement novs voyons par la France
petits enfans endormis av berceav
crochez mistrez d'vne bvle et d'vn seav,
Qvi parfavevr et mavdite folie
Iovrnellement destrempent levr bovillye,
et levr farine, av sang de levrs brebis
Qvi bien sovvent nont pain, ne blanc ov bis,
et lont gros et gras
tenans levrs corps beavlx:
Chantans tovsiovrs (cras)
Somme les corbeavx.
Par ainsi donc esbair ne se favt
Si la brebis dv tropeav erre et favlt
Av temps present, cela vient dv berger
Qvi na sovcy qve de boire et menger,
Et av svrplvs savve soy qvi povrra.
Le miroir
Le grand pastevr diev sache qvil fera
Qvand viendra comme terrible et fort:
Qvil trovvera dessovbs l'ombre de mort
Ses pastovreavx endormys et sovillez.
Si rvdement lors seront reveillez
Qve grand pitié ce sera de levr vie:
Car en levr cvevr nest qv'orgveil et envie
Cavtelle, abvs folle mondanite,
Dont povr raison de l'infidelité
Des grands prelatz et svppostz de l'eglise,
Diev a permis qve lerrevr se soit mise
Av cvevr des vns povr pvnir lavarice:
Et croy de vray qv'a cavse de ce vice
Le mal adviens, ainsi qve presvppose.
Nest ce pas grande et merveillevse chose
Qve maintenant leglise est si chargee
Qve ivsqv avx os est destrvicte et mangee:
Et par vn tas de gros lovps ravissans,
Qvi de ses biens sont riches et pvissans
Sans faire en elle avcvn service.
Veit on iamais si pavvre ordre en ivstice
Comme voyons av regne de present,
Ov est levesqve, il est on covrt exent
De servir diev dv pape est dispense,
Il a le ventre enfle gros et pense,
Biens ne lvy favlt, il nest point despovrvev
Graces a diev il est tresbien povrvev.
des francs Tavlpins.
Cest mõ, mais qvoy leglise mal povrveve
Car de sa face elle n'evt onc la veve,
Et par ce point on le pevlt bien cognoistre
Et si ne scait s'il est gendarme ov prestre
Ie men rapporte a tovs cevx qvi le font.
Ie mesbahys qve la terre ne fond
Dessovz noz pieds, vev ceste griefve offence
Combien voit on ce iovrdhvy par dispence
Dasnes bediers encollez dvne estolle
Lesqvelz iamais ne fvrent à lescolle
Et son rectevrs, des plvs avant fovrrez,
Combien voit on de ces rabis fovrrez
Grans, gras, fort remplys de pastvre,
Qvi av moyen de qvelqve signatvre
Evesqves sont, et ont les yevx bendez,
Combien voit on de riches prebendez
Trainant lavmvce en grande gravite
Evx povrmenant par cvriosite
Av temple sainct, qvand on faict le service,
Qvi bien sovvent par pvtace malice
Tiennent propos de qvelqve orde divise.
Combien voit on de pavvres gens deglise
Parmy le monde infamement vestvs
Sans foy, sans loy, sans honnevr, sans vertvs
Pleins de reproche et cavilation
Sans reverence et sans devotion
Evx presenter av divin sacre liev
D
Le miroir
Povr recevoir le digne corps de diev
Daffection qvils ont a lavarice:
Et bien sovvent qvand ilz font levr office
Lvn se povrmaine, et lavtre dort ov rit,
Des vngs chantans par maniere daqvit,
Les avtres sont a gvetter l'offertoire,
Lavtre en son chant appete vaine gloire,
Et estre ovy des grans ov des petits:
Les avtres sont a chanter si hatifs,
Qve de grand haste ils ne scavent qvils disent,
Et av liev sainct lvn a lavtre devisent
De levrs pechez, par vne orde iactance
Et son si pleins de mondaine plaisance
Qve dv service il mengent la moitie,
Et lvn a l'avtre ont telle inimitie
Qve loraison en est scandalisee
Impossible est qvelle soit exavcee
Impossible est qve diev lait acceptable.
Et qvi plvs est, est chose honorable,
Est ce monstre av pevple bon exemple
Les voir covrir de temple en avtre temple
Povr espier qvelqve corps mortvaire?
Ha cvevrs infaictz. cvevrs ov venin repaire,
privez de grace et benediction
A vostre perte et grand damnation
Vendez le corps comme le favx Ivdas.
Gents hebetez, ce nest pas petit cas.
des francs Tavlpins.
En voz meffaictz avares, inhvmains,
Voz doigts polvts sales, indignes, mains,
De iovr en iovr lavez av sainct calice
En vostre faict y a povre police.
Considerez qve par vostre orde vie
Ce favx lvther pleins derrevr et d'envie
A prins svr vovs son premier fondement,
En regardant vostre govvernement
Enraciné de parente mechante,
Si qv'aviovrdhvy par acte repvgnante,
Avx sainct statvts mvrmvre et contredict.
Mais nonobstant comme vovs ay ia dit,
Cela nenpesche a rien la pvissance,
Dont mesbahis de l'inconstance
De ces dovtevrs remplis dingratitvde,
A trop scavoir conforment levr estvde:
C'est grand pitie de levr instrvction,
Et sont si pleins de pvtrefaction
Et de poison, qvilz ont falcifie
Le livre sainct, dv nom sanctifie
De iesvschrist, en maniere et en forme
Qve par lerrevr nial-hevrevse et difforme:
Qv'en saincte eglise ils vevlent mettre svs
Ont en orrevr le sainct nom de iesvs
Comme le dyable, qvi est maling esprit.
Avssi tovsiovrs, sans Iesvs diront christ.
Qvi est le mot tresdigne et salvtaire.
D. ii
Le miroir
Comme sainct pierre apostre et secretaire
Tesmoigne a tovs, et dit qve sovz les cievx
Il n y a nom qve ce mot precievx
Nommé iesvs, en la vertv dvqvel
Soyons savvez, car il a povvoir tel
Qvav nom de lvy miracvlevsement
Le ciel, la terre, enfer semblablement
Senclinant lors povr sa grand reverence.
Et en ces gens cy par vne irreverence
Ont en ce mot tant petit de savevr
Qvil sẽble a veoir qvil nest point le savvevr
Ne redemptevr, car iamais ne le nomment,
Mais si avx clercs et gens scavans sinformẽt
Il cognoistront mavgré levr favx mesdire
Qve iesvs est, et vavt avtant a dire
Comme savvevr, dont conclvds svr ce point
Qve salvatevr, ne le confessent point,
Vev et cognev qvilz ont brvict et renom
Qve de Iesvs n'invocqvent point le nom,
Car svr tovs noms ilz lont a contre cvevr.
Semblablement lappellent le seignevr,
Sans dire nostre, novs donnant a entendre
Qve povr seignevr ne le vevlẽt point prendre
Et qve son temple et eglise renoncent
Donc favcement no' preschent et annoncent
Ladvement dv mavdict Antechrist,
En dispvtant tovs cevx qvi ont escrit
des francs Tavpins.
Des droictz canons de son eglise saincte,
Nõmans les saints sans honevr et sans crainte
Pierre, Pavl, iean, iacqves, sans dire sainctz
Et portent tant dheresie en levrs sains
Qvencore ilz ont ceste errevr sale et vile
Qvilz ne croiront qve lasaincte evangile
Mal exposee en contradictions,
Nyant les loix et les traditions
De nostre mere eglise militante,
A celle fin qven ceste errevr meschante
Pvissent avoir levr franche liberté.
Brief, tant y a de contrariete
Qve cest pitie de levr meschante vie
Gens mal vivans, orgveillevx, pleins denvie
Blasphematevr et avaricievx,
Lvtevrs, govrmandz, paillards, lvxvrievx
Et pleins dinfecte abomination
Avsqvelz y a si grand division
Qven levrs errevrs sont qvasi tovs contraires
Lvn tient et dit, sovbz propos temeraires
Qve noz parens fvrent opiniastres
Et qvilz novs ont tovs rendvz ydolatres
Ivsqva present, lavtre dit svr cecy
Qvil a menty, et qvil nest pas ainsi
Qvant a leffaict dv tressainct sacrement,
Mais qvon abvse en vn poinct voirement
En depriant les sainctz de paradis.
D. iii
Le miroir
Brief il y a cent mille contredictz,
Comme voyons, cest chose assez notoire
Et qvi plvs est novs proposent encore
Qve noz biensfaictz et œvvres meritoires
Devant iesvs novs sont immeritoires
Si qve la vierge et mere florissante
Ne fvt iamais en grace prevenante
Par son merite, ainsi comme il proposent.
Cela est favx: car si bien ilz exposent
Monsievr sainct lvc, de la vierge advocat
Ilz trovveront,et av Magnificat
qve povr lamovr de son hvmilite
Nostre savvevr y print hvmanite
En regardant la grand' vertv dicelle
Et lors fvt dit de la sacree ancelle
qv'ineternvm, par tovtes regions
Tovs les hvmains des generations
La beniroient, comme saincte et parfaicte.
Or donc meschante et malhevrevse secte
qvi as lesprit tant rvde et endvrcy,
Ne voy tv point en ce passage icy
Qve ton errevr est de diev reprovvee
Et de sathan inventee et trovvee
Av fond denfer a ton grand preivdice
Gens obstinez, cavrelevx en malice,
Dit pas sainct iean en sa rescription
qve le salaire et retribvtion
des francs tavpins.
De noz biensfaictz est grand en paradis.
Estimez vovs estre des benedicts
Par sevle foy, sans œvvre ne merite
Estimez vovs qve vostre loy mavdicte
Pvisse excvser vostre abvs descovvert
Raison povrqvoy fvt ce qvav figvier vert
Iesvs donna sa malediction,
Ce fvt av vray povr ceste occasion
qvil ne portoit avcvn frvict svr la terre.
Et povr monstrer la pvissance sainct pierre
Et des pastevrs et prelatz de leglise
qvi ont povvoir par dignite exqvise
Svr tovs chrestiens qvi commettent offence
Dont vovs dovbtevrs mesprisez la sentence
Et la vertv qve diev levr a donnee
Si qve leglise est tant fort contemnee
Et democqvee en vostre infame secte
Qve lon nen fait ne mise ne recepte
Tant lestimez estre petite chose.
Ie mesbahis comme vostre langve ose
Dire et prescher telz abvz devant tovs,
Excommvniez, qve sera ce de vovs
Qve ferez vovs av pris de ce figvier
Qvi oncqves pvis ne scevt frvctifier
Povr la sentence, o qvel merveillevx cas,
Estimez vovs qve celle des prelatz,
Comme dv pape et des pastevrs soit moindre
Le miroir
Estimez vovs qv'elle ne soit a craindre?
Estimez vovs qve diev soit mensonger
Craignez vovs point le terrible danger
Estimez vovs levr pvissance estre nvlle
Estimez vovs le pardon et la bvlle
Estre vn abvs qv'on impetre av sainct pere
Ha regniez remplys de vitvperes
Qvi des enfers sentez les chavx brandons
Il n'y a point voirement de pardons
Povr telz meschans comme vovs heretiqves
Qvi deniez les loix evangelicqves
Et l'vnction et sacerdotalle
Mais mavgre vovs lordre pontificalle
Et la vertv de diev pardonnera,
Et comme errans vovs excommvniera
Et bannira d'avec les bons chrestiens
Car contre vovs ie vevx dire et maintiens
Qve si le pape interdict femme ov homme
Povr son malfait, cest tovt avtant si comme
Le diev vivant l'avoit sentencié,
Et toy Lvther tv tes tant sovcyé
De plvsievrs cas, dont tv navois qve faire
Qvi possible est avx grans mavx satisfaire
Ny tes errevrs confvter ny destrvire
Car povr le pevple a tes abvs instrvire
Nas scev trovver ne prendre avtre moyen
Sinon prescher qvvn prebstre ne vavt rien
des francs Tavpins
Et qvilz sont tovs malhevrevx et meschans
En mesprisant les cantiqves et chantz
Et les devotz et tressainctz sacremens,
Dont plvsievrs gens, par tes favx argvmens
Sont tresbvchez en ton ord dedalvs,
Si qvav iovrdhvy font la gverre avx eslevz
Tant qve voyons le filz contre le pere,
Sevr contre frere, et fille contre mere,
Et si de diev navons permission
De faire bien ie dy conclvsion
Qve le deffavt dv createvr previent
Et qve peche de lhomme hvmain ne vient
Mais bien plvstost favdroit qvil vint de diev
Et la raison, car si novs navons liev
De novs donner par grace defensible
Doffenser diev, ie dy qvest impossible
Qve novs pvissions iamais estre savvez
Vev et cognev par voz motz reprovvez
Qve point navons pvissance de bien faire.
Menty avez dont vovs dy et profere
Svr ce propos qve vovs trovvez estrange
Qve novs avons vn bon et mavvais ange
Novs incitans lvn a mal lavtre bien
Dont si ie fais lœvvre dvn bon chrestien
Cest dv bon ange, avssi ie fais mal
Le mal previent de lesprit infernal
Qvi de bien faire a lhevre me retarde
Le miroir
Parqvoy cõclvz qve diev point ne me garde
De faire bien ov peche si ie vevx
Et est en moy deslire lvn des devx,
Car en cela iay franche liberte.
Il sensvit donc povr sevre verite
Selon mon œvvre avray ivste sa laire,
Combien qve diev en sa clarte solaire
Nait bien prevev par destination
Point na donne de reprobation
En ivgement contre mon esperance
Mais bien vray est qvil a la cognoissance
Comme vray diev glorievx et divin
qvel frvict feray, qvelle sera ma fin,
Et qvel arrest avray povr sa ivstice,
A ce propos ie dis qve la notice
qvil a de novs nest cavse nvllement
De novs damner, mais cest tant sevlement
Nostre peche, qvi novs ivge et condamne,
Et ny a diev ne grant diable qvi damne
De qvi condamne vn homme estre damne
Qve son malfaict car diev na point donne
Le ivgement a nostre preivdice.
Parqvoy ie dy qvi vevt, dv benefice
De iesvchrist estre estre participant,
Et de la gloire et grace qvil respand
Avx preeslevz, il est necessite
De le servir en tovte hvmilite
des francs tavpins.
Ainsi comme leglise novs instrvict
Ov avtrement en fin sera destrvict
Lhomme mortel, en ce monde invtile
car ie vovs dy qvil est fort difficile
De parvenir av sainct repositoire
Car sevle, foy, san oevvre meritoire
Combien qve diev ait merite povr tovs
Il a prins mort tant povr moy qve povr vo'
Et respandv son sainct sang par merite
Mais dv le pvis, povr le grand demerite
De noz meffaictz ce merite pardons
qve recovvrons par prieres et par dons
Sovbz ferme espoir de sa misericorde
Novs devons donc par amovr et concorde
Benignement de cvevr de corps et d'ame
Le svpplier, et prier nostre dame
Qv'a sa reqveste il exavce noz dictz
Sans ovblier les sainctz de paradis
Qvi procvrevrs sont devant Iesvschrist,
Qve novs devons tovs adorer d'esprit
Incessamment sans avtre pensement
Et iovr et nvict veiller devotement
En oraison, en priere et avlmosnes
Povr et afin qve lassvs en son trosne
Soyons novrris et refectionez
Et dv thesor circvnflactionnez
Avec les sainctz environnez de gloire
Le miroir
En lvy faisant de noz cvevrs offertoire
Par hvmble ievsne et deprecations,
Lvy svppliant en exclamations
Avoir pitié de tovt son popvlaire
Qvi mevrt de faim, et ne scait plvs qve faire
Tant est chargé de famine et de gverre.
Et qvil lvy plaise engresser ceste terre
Qvi sterille est povr noz mavldictz pechez,
Par ce moyen, novs serons deffachez
Et le bon temps novs rendra trivmphant.
Ie vovs pry donc, faisons comme lenfant
Lenfant petit, si tost qvil est levé
Dire on lvy fait pater noster, Avé,
Semblablement le Credo des apostres,
Et en apres qv'a dict ses patenostres,
Ledict enfant par forme covstvmiere
Dv pain demande a qvelqve chambriere
Qvi bien sovvent est aillevrs empescheé,
La sovrde fait, de lenfant est faschee.
Qve fait lenfant de crier il l'alovrde,
Mais qvand il voit q̃lle est mvette et sovrde,
Qva lvy donner dv pain elle differe
Benignement se retire a son pere,
Leqvel alors blasme fort la servante,
En lvy disant, va laisse tovt mechante,
Donne a mon fils son pain qvotidian,
Adonc lenfant par ce point et moyen,
des fancs Tavpins.
A tovt cela qvi lvy est necessaire.
A ce propos il novs favt ainsi faire
Si novs vovlons avoir le desievner
Ov avtrement il novs favdra ievsner
Et endvrer: car la fervente aisnee
La terre entens, qve diev novs a donnee
Povr novs novrrir, est si fort detenve
Par noz pechez, qv'elle est sterile et nve
Tant qvaviovrdhvy ne no' pevt pl' novrrir
qve favt il faire, il novs favt reqverir
Le pere sainct, qvi tovt amendera
En ce faisant deslors commandera
A la servante apreste vin et pain
Povr novs novrrir, et avx bestes dv foin
Tant qve navrons iamais necessite.
Navez vovs lev ce qvi est recite
Dedans Ioel, avssi vray qv'evangile
Comme la terre vn temps fvt si sterile
Qv'elle navoit flevr ne frvict ny herbettes
Si qve les gens semblablement les bestes
Movroient de fain, povr les pechez mechãs
Il est dict la qve les bestes des champs
En vn grande cerne ensemble les rengerent
Tovtes daccord, et la se congregerent
Povr recognoistre en ce terrestre liev
Le createvr levant les yevx a diev
En grands clamevrs terribles et difformes
Le miroir
Or donc favtevrs et miserable hommes
Sovrds, avevglez lãgves dovbtevses mvttes
Si ainsi est qve povres bestes brvtes
Ayent avx champs faict congregations
Et recognev diev par processions
Qve ferons novs par plvs forte raison
Devons novs point en devote oraison
Te svpplier par dovx chantz et canticqves
Respondez cy malhevrevx heretiqves,
Vovs qvi devez estre gens raisonnables
Feres vovs pis qve boevfz irresonnables
Denirez vovs povr vne liberte
L'hommage dev av diev de verite
Denirez vovs la salvtation
Deve a la vierge et fille de syon
Estimez vovs qve l'homme par merite
Ne pvises avoir la grace benedicte
De Iesvchrist, ainsi qvil a promis
Nest il pas dict en levangille et mis
Qvvn iovr les saĩctz apostres dv savlvevr
Tovs dvne voys senqvirent av seignevr
Qvel grand profit et retribvtion
Levr donneroit de levr possession
Et de levrs biens qvavoient abandonnez
A lors levr dist qventrevx predestinez
Seroient assis svr dovze sieges dignes
Et ivgeroient par les vertvs divines
des francs tavlpins
Disrael les dovze grands lignees
Et preferez avx sainctes compagnees
Les bienhevrez dv sainct reclinatoire
Nest ce point donc pov loevvre meritoire
Qve Iesvschrist levr promect ce grand bien
ovy vrayement Ha favlx lvtherien
Ne voy tv point maintenant par ce point,
Qve levangille en son sens nentens point
Vev qve vevlx estre exempt de bien faire
Estimes tv la loy des bon deffaire
Estimes tv qve la loy ancienne
Destrvicte soit povr ta lvtherienne,
Et qvon delaisse a faire oblation
Le lvminaire, et par devotion
Avx sainctz de diev presẽter des chandelles,
En reqverant les graces paternelles
Devotement par tres ivste eqvite
Ha nenny non, et si par favlcete
Tenqviers povrqvoy la chandelle on presẽte
Ie te declare et dy qvel represente
De iesvchrist la lvmiere divine.
Semblablement novs signifie et signe
Vraye clarte, doctrine apostolicqve
Qvi est le fev de la mere angelicqve
Illvminans les cvevrs des bons fidelles.
Mais aviovrdhvy vn tas de damoyselles.
et de barbetz en la foy desriglez
Le miroir
Sont par errevr si tresfort avevglez,
Et si bendez qve la clarte des cievx
Levr faict ennvy, et levr trovble les yevx,
En regardant par grand ire et fvrevr
Femmes de bien, qvi presentent de cvevr
Av sainctz de diev levr petite lvmiere,
Povr impetrer la clarte singvliere
Dv claire soleil, par le moyen dicevx.
Ha meschans gens, avevglez, vicievx,
Desraisonnez, qvi demandez a tovs,
Qve sert cela, plvs gens de bien qve vovs
Lont ordonne: mais vostre infamete
Est si svbiecte a ceste liberte,
Qve vovs taschez totallement destrvire
La loy de diev, par vostre favx mesdire,
Povr et afin destre exemptz de tovt bien,
Et de manger chair grasse comme vn chien
Avx maigres iovrs mavgre la covrt de Rõe
Disans, qve cest lordonnance de lhomme,
Et non de diev, Ha mavdict reprovve
En qvel passage as tv lev ne trovve
qve le Karesme ayt este faict des papes,
Tyrans mavdictz, de Lvcifer satrapes,
Favx tentatevrs de pavvres creatvres,
Si bien govstez les sainctes escriptvres
Vovs trovverez sans nvlle fiction
Qve le Karesme est la tradiction
des francs Tavpins.
Des sainctz de diev apostres glorievx
Selon qvil est escript en plvsievrs lievx
De point en point, sans fravlde ne falace.
Et qvil soit vray, av livre sainct Ignace
en vne epistre il est fait mention
De lordonnance et constitvtion
Comme sainct iean apostre evangeliste
vint à rescripre en l'epistre predicte
Dvdict ignace, evesqve sainct et sage,
Qv'av nom de diev introdvit par vsage
Son popvlaire a ievsner le karesme,
Leqvel gardoit expressement lvy mesme,
et qve cela tenoit de Iesvschrist.
Semblablement novs trovvons par escrit
Av droit canon, qvarte distinction,
Telesphorvs qvi sovffrit passion,
Sixiesme pape, apres monsievr sainct pierre
Comme ministre et vicaire en la terre
Soy confirmant la rescription
Dv bon sainct Iean, par linspiration
Dv sainct esprit il vovlvt, ordonner
Ledict karesme le commanda ievsner
Sans menger chair, sept sepmaines entieres,
Dont par ces loix antiqves et premieres
Leglise saincte est en pocession
De ceste ievsne et institvtion
Par si long temps qvil non est plvs memoire.
E
Le miroir
Et est escript av mesme repertoire
Bien amplement, sans dovtable proesme
Dv droict canon, distinction troisiesme,
Sovs martin pape, il se fit vn concile
Dedans Nycene, et en ladicte ville
Derechef fvt confirme par leglise
Et commandé par la pvissance exqvise
A tovs chrestiens evlx abstenir de chair.
Et si tv vevlx allegver ov prescher
De sainct mathiev vn passage qvil covche
Disant qve tovt ce qvon met par la bovche
Ne pevlt soviller ne faire mal a l'ame.
Tv as menty, comme hereticqve infame:
Car sainct mathiev ne lentend pas ainsi.
Mais bien vray est svr ce passage icy
Qve qvand il dit ce qvi par la bovche entre
Et qvi distille av plvs profond dv ventre,
Entendre vevlt qv'vn venin pestifere
Combien qvil soit ardant et mortifere
Ne pevlt occir l'ame spiritvelle,
Mais sevlement la vie corporelle.
Il pevlt destrvire, et non pas lesperit,
Et ainsi donc sentend par cest escrit
Qve tovt ainsi qve venin le corps tve,
Peché mortel l'ame destrvit et tve
Av fond d'enfer, avecqves les mavldictz.
Et povr respondre à tovs les contredictz
des franc tavlpins.
Et à labvs de ton errevr govrmande,
Ie te declare et dis qve la viande
Qve bien sovvent entre les dents tv mords
Pevlt soviller lame avssi bien qve le corps,
Si tv en prens av sainct temps de caresme
Raison povrqvoy; car la loy dv baptesme
Qve receve as par la foy de tes peres
Ie te deffend, dont si par improperes
Tv menges chair caresme et vendredy
Sans nvlle excvse, en cela ie te dy
Qve tv corromps non sevlement ta foy:
Mais diev avssi offences et sa loy
D'avtant qv'icelle a ievsner te commande.
Qvand ton ventre est plein de grasse viande
Le vendredy et le caresme avssi,
Et qve tv l'as de vievx lard bien farcy
Le sainct dimẽche, en est ton corps plvs gras
Nas tv point pevr qve les sovris et rats
Dv fond denfer ne lechent tes babines:
Nas tv point paovr des sentences divines
Et qve de diev tv ne sois condamne.
Et si iesvs a svr terre ievsné
Qvarante iovrs, povr a salvt novs rendre,
Nest ce point bien povr novs donner entẽdre
Qve la ievsne est à son pere agreable
Lvy qvi estoit diev et homme impecable
Ievsna il la povr son corps macerer:
Le miroir.
Nestoit ce point povr pardon conferer
A tovs chrestiens, qvi sont de son sainct temple
Semblablement povr novs donner exemple
Qve la ievsne est de tresgrande efficace
et qve devons en ce sainct temps de grace
Ievsner de cvevr, sans volonté charnelle.
Ie te demande, est ce chose novvelle
Qve de ievsner: non veritablement,
Car comme dit lancien testament,
Ils ont ievsne par penitence vive
en la cité et ville de ninive
Trois iovrs entiers, et les bestes dv liev
Povr appaiser la grand'ire de diev
Qvi lors estoit fort covrroncé contre evlx
Ha povres gents, entre avtres malhevrevx
Govrmans, glovtons, remplys de glovtõnie,
Craignez vovs point qve pvissance infinie
Face ievsner voz favlces dents govrmandes,
et qve le poil de voz lippes friandes
Ne soit brvslé par sentence divine:
Voyez vovs point à vostre hvys la famine
Qvi vovs menace à ievsner fort et ferme,
Voyez vovs point qve le iovr et le terme
Dv creditevr est se liev long temps:
Voyez vovs point comme la mort sen va
De iovr en iovr a lhvys ce voz voisins,
et qvil ny a respit ny medecins
des frans tavlpins.
Qvi a cela pvissent donner confort.
Povres dãnez, craignez vovs point la mort
Qvi est assise avpres de vostre porte,
Voyez vovs point comme tovt se comporte,
Voyez vovs point le povre temps qvi covrt,
Voyez vovs point le pain et vin si covrt
Qve la plvspart dv monde mevrt de faim,
Voyez vovs point le pevple si tres-vain
Qve plvs ne pevlt sovstenir sa grand charge,
Sentez vovs point le fovet et la verge
De diev pvissant dvqvel vovs eslongnez
Par voz errevrs, dont vovs le contraignez
Rendre la terre avssi seiche qve roch
Iay bien grand paovr q̃ vovs ne ievsnez trop
et qve les bons nen ayent a sovffrir
povrce il novs favlt de bon coevr reqverir
Le diev pvissant, et prier sainctz et sainctes
De presenter noz petites complaintes
A iesvs-christ, qvi est nostre refvge
Povr et afin devant le grand ivge
Il novs exavce en sa covrt sovveraine.
Ie vovs svpply qve chascvn mette peine
De bien svyvir le texte evangeliqve
En reprenant covrage seraphin
Povr debeller ces mavldictz envievx
Qvi ont mesdit de noz grands peres vievx
Av destriment de nostre mere eglise.
Le miroir
Ses ennemys lont de si pres assise,
Qvelle a perdv tovte sa liberté,
Iovrnellement en grande pavvreté
Cherche l'espovx povr la garder d'oppresse,
Povrce qvelle est entre gens a la presse
D'affliction, av miliev des svppostz,
Et la ne pevt trovver liev de repos:
Mais av contraire, est faicte tribvtaire.
Qvi se povrroit de ce grand tribvt taire?
Qvi se povrroit garder de mvrmvrer?
Ce regne icy ne pevt long temps dvrer,
Vev les pechez, et signes apparens.
Considerez qve noz premiers parens
Avoyent en diev grand amovr perfective,
Le cvevr l'assvs, par foy contemplative
Mievx qve n'avons, si bien novs y pensons.
Ilz ont basty, et novs debatissons,
Diev ont congnev, novs le descõgnoissons,
Diev ilz ont craint, sans fin novs l'offensons,
Bien ont vescv, apres evx novs movrons,
Ilz ont chanté, maintenant novs plorons,
Novs plorons, qvoy? la covlpe rigorevse
De nostre vie, avare, et malhevrevse
Qvi novs condvict av fev abominable.
En liev de paix, vne gverre execrable
Regne ce iovr entre le pere et filz.
Le genre hvmaiv cherche tant ses profitz,
des francs Tavlpins.
Qve mere en vend sa fille natvrelle,
Qvi cavse mort a l'amovr paternelle,
Le riche homme est tant avaricievx,
Qvil laisse diev, et vievx lvxvrievx
Est si svbiect a sa lvbricité,
Qve tovt son cvevr est d'ordvre incité
A offencer la divine clemence.
Corps engendre de leprevse semence.
Corps venenevx, plein de polvtion,
Qve Sathan tient en sa svbiection,
Fais vvider hors de ton favx cvevr bovillãt
Lhvmevr d'orgveil: car l'infect malveillant
Provocatif de soif insatiable,
Attend la fin de ta mort miserable
Povr consvmmer l'ame seditievse,
Ha pavvres gens, mondains religievx,
Qvi svr le dos portez noir ov blanc froc,
Ne craignez vovs le cerberiqve croc,
Qvi pend av pres de vostre sovrde oreille
La cloche sonne, av salvt vovs resveille,
Debovt, debovt, voicy voz ennemys,
Qvi ont levr camp a vostre porte mis
Povr vovs livrer trescriminel assavlt.
Si a ce covp la pvissance vovs favt
Tovt est perdv, povrce defendez vovs,
Et priez diev qve ces ravissans lovps
Soyent dechassez de vostre territoire.
E iiii
Le miroir
Secrettement rentrez en oratoire
L'vn avec l'avtre, et sans qvon se desreigle
Vivez en paix, et selon vostre reigle,
Ov avtrement avrez beavcovp daffaires.
Commvnement lvn lavtre appellez freres,
Freres clavstriers, freres par confrarie.
Et vivez donc en freres ie vovs prie,
Par bon accord, religievsement,
Sovbz charite tres fraternellement,
Ainsi comme vostre reigle commande.
Or svr ce poinct vn mot ie vovs demande.
Qvi est la cavse, et lacte principalle,
Qve ce iovrdhvy abvsion clavstralle
Regne et domine en voz infames cvevrs,
Cest povr raison qvestes trop gros seignevrs
Et av moyen de voz grands benefices:
Car de largent de voz riches offices
Entretenez vne vie orde et sale,
Si tresmondaine, et pleine de scandalle:
Qve tovt le pevple en est scandalize,
Et vostre estat tant vil et desgvise,
Qvon vovs en porte vne mortelle hayne.
Est-ce lestat, est-ce le train dyn moyne
Aller, venir, soy provmener par ville,
Dire bon iovr, diev gard la belle fille,
Comme vovs va. Ha moynes renyez,
Moynes clavstriers, gens excommvniez,
des francs tavlpins.
Craignez vo' point q̃ diev ne vovs cõfonde,
Navez vovs pas tovs renonce le monde,
Et faict le vev de vivre en pavvrete.
Besoing seroit, et de necessite
Qve vovs nevssiez en maniment deniers,
Et qvon vovs tint comme gens prisonniers,
Dessovz les clefz, sãs sortir hors dv cloistre.
Vovs nestes pas comme vovs devssiez estre,
De voz pechez le monde est estonne.
Tovt est perdv tovt est abandonne,
La pavvre eglise est deserte et destrvicte,
Comme iay dict, vevsve elle est sans cõdvite,
En plevrs et plains se complaict dv pastevr,
Qvi de ses biens est grand dissipatevr,
Et passe temps a iover des havltz boys,
Gros chiens novrrit, le pavvre est avx aboys
Qvi plovre et crie, et de froid resve, nv,
Ce temps pendant qve dv gros revenv
Monsievr labbe se fait frotter leschine
Av pres dv fev, qvi mvrmvre et rechigne
Cõme vn porceav, gros et gras, mis en mve.
De cest abvs le cvevr et sang me mve.
De cest abvs ie mesbahis qve diev
Ne les confond, tant labbe qve le liev,
Vev qvil ny a ivstice ne raison
Qv'vn simple enfant dvne pavvre maison,
Sage et discret y pvisse estre recev.
Le miroir
Iamais, iamais, fil nest de liev yssv,
ov ayt favevr par compere ov commere.
De par labbe ne tenv frere,
Cest tovt abvs, et ne sy favlt attendre:
Povres enfans novs ne voyons point rsdre
Ne recevoir a telle dignite
Dov vient cela favte de charite,
Favte de bien, et qvil na pas deqvoy.
commvnement a present voyez moy
Ces gros seignevrs, riches et trivmphans,
Silz ont vn, devx, trois, qvatre, cinq enfãs
Avx trois feront le froc dabvs porter
De paovr qvils ont de levr desheriter
Des biens terriens, abvsiz et damnables.
Dont pvis apres les covrages mvables
De ces moyneavx, sentent le fev denfer
Tant qvilz sont pires qve lvcifer,
Et plvs mondains qve paillards dv bordeav
Lvn est pigne, lavtre faict le beavbeav,
Portant la chavlce et braye decovppee
Povr demonstrer qvil est homme despee,
Ne et novrry, extraict de noble race:
Ivre mort diev et sang diev par menace,
Tovt vevlt tenir en sa svbiection.
Ne voyla pas belle profession
Ne voyla pas beav present faict a diev
Dvn sathanas, qvi sovbz lvmbre dv liev
des francs tavpins
Dont est sorty: vevlt vser de main forte,
De nvict covrir, vestv destrange sorte
comme vn galland et bragard compagnon
Portant par ville vn petit froc mignon,
Trovce, nove, av bras des braceletz,
Des anneavx dor, des povx, fy qvils sõt laidz
Fy qvilz sont ords, et a diev detestables
Gens desreiglez, moynes irraisonnables
Trop corrvmpez le vev de pavvrete,
Bien mievx vavdroit qve la grand liberté
Qve vovs avez fvst fondve en abisme,
Sil y avoit av cloistre bon regime
Tovt yroit mievx, selon ma fantasie.
Cest mal vescv, vovs voyez lheresie
De tovs costez, qvi de plvs en plvs ne sovrrd
Il n'est plvs temps destre mvet ne sovrd
Levez voz yevx par contemplation.
En rendant grace et ivbilation.
Av diev de gloire, afin qv'avx profons lievx
Pvisse opprimer ses mavdictz envievx
Qvi ont vovlv son eglise destrvire,
Or qvant av faict ie ne scay plvs qve dire
Ne qve penser, sinon par coniectvre,
Qve cil qvi a svr les cievx prelatvre
Tiendra de brief sa covrt de parlement,
l'effaict voyons, par le transgressement
De ces glovtons et govrmans friplopins
Le miroir
Lvteriens, svrnommez francs tavpins,
Qvi vvellent vivre en levrs meschans abvs
Et estre francs des rentes et tribvtz
De saincte eglise, et en la foy errans.
Des francs tavpins ont este tovsiovrs francs
Francz detailles et dimpositions,
Av cas pareil, par favces actions
Ces gens icy avevglez dignorance
Povrce qvilz sont de la grande ordonnance
Et enrovlez avx gaiges de limmvnde
Ilz disent estre affranchis en ce monde
De prier diev, de ievsne, doraisons,
et qvilz sont francs dont par vive raisons
Qve cela font povr manger fras lopins
Ie les baptise, et nomme francs tavpins.
Francs afranchis de gvet et passeporte
Tant qve le dyable en enfer les emporte
Et qve iamais nen pvisse revenir
Pvis qvavtrement ilz ne vevlent tenir
La foy et loy de levrs peres antiqves
Dont ie svpply a tovs bons catholicqves
De ne laisser levr covstvme premiere
Et napprocher de lordre tavpiniere
Qvi gaste avx champs et avx prez la verdvre
Ces francs tavpins ont la propre natvre
Et la covlevr de la tavpe orde et noire
La tavpe vit dvn estrange maniere
des francs tavpins.
Dedans la terre avx veines racinevses
Premierement de ses dentz venenevses
elle destrvit tovs les bons labovrages
Les beavx iardins, et plaisans pastvrages
Par ov elle passe, et gaste tovt avx champs.
Semblablement ces malhevrevx meschans
Qvi a leglise ont imortelle gverre
Terrestres sont comme la tavpe a terre
de levrs errevrs destrvisent les racines
des belles flevrs; et herbettes divines,
Et le labevr des doctevrs de leglise.
La tavlpe avssi depvis qvvn covp sest mise
Hors dv pertvis, il ny a point de dovbte
Qvelle movrra, car elle ne voit govtte,
Dont elle ne pevlt a son trov retovrner.
Av cas pareil vovs voirrez definer
Infamement tovs ces lvtheriens,
En levr vice ilz movrront comme chiens
Car avssi tost qvvn covp sont desvoyez
Hors de la foy, iamais ne les voyez
Cognoistre diev, ov cest covp daventvre
Avevglez sont en la saincte escritvre
Parqvoy novs pevlt de grans mavx advenir.
Donc prions diev qvil vveille maintenir
Tovs bons chrestiens en sa loy droictvrier
Et qve par voye, et forme covstvmiere
Pvissent de lvi obtenir grace et gloire
Lassvs avx cievx povr avoir la memoire
Dv diev des dievx continvellement.
Et povr la fin, mes amys hvmblement
Ie me svis mis a composer ce livre
Qve de bon cvevr a tovs chrestiens ie livre
En conclvant povr resolvtion
Qvil vavt mievx prendre la bonne instrvctiõ
Et le conseil de noz anciens peres
qve de svyvir le sentier des viperes
et le chemin de reprobation
Faschevx et ords, pleins de deception.
Moralivm cvriositas, nebvla ante solem.
Veritas, tvrris inexpvgnabilis.
Sermo veritas est.
Balade svr le temps qvi covrt.
DEpvis qve diev crea la terre,
on ne veit temps si merveillevx
Il a regne famine et gverre
Et grosse peste en divers lievx
Les riches avaricievx,
Tant plvs en ont moins sont contens
est il bien possible a noz yevx
De voir vn plvs terrible temps
Le filz voyons contre le pere
Dispvter par favx argvment:
La fille avssi contre la mere,
Denier le sainct Sacrement
Le favx preschevr pvbliqvement
prescher mille abvs tovs patens
Est il possible avcvnement
De voir vn plvs terrible temps
Le sang de diev covrt par la rve
Si fort qve cest chose terrible
Contre la croix pierres on rve
Dispvtant iesvs impassible
Lon ivre mort vertv sensible
Et sans en estre penitens:
ie vovs demande est il possible
De voir vn plvs terrible temps
La gent est si fort corrompve
qvelle ne tient ne droit ne loy
Les marchans novs voyons sans foy,
Et fovller pavvres impotens
Est il posssble dictes moy
De voir vn plvs terrible temps,
manger voyons en sainct caresme
La chair a gens destrange gvise
Remplis derrevr et de blaspheme
En contenant [...]
Les sainctz et sainctes [...]
Et les bons chrestiens penitens,
Est il possible a [...]
De voir vn plvs [...]
Prince qvi t [...]
Svr novs [...]
Car impossible est avx [...]
De veoir vn plvs [...] temps.
Fin dv [...]
[...]