FIGVREÉ À NOSTRE MERE SAINCTE EGLISE ASSIEGÉE DES MALHEVREVX HERETIQVES QVI SE SONT LEVEZ CÕTRE ELLE DEVERS MIDI, ORIENT, OCCIDẼT, ET SEPTẼTRIÕ, AVEC L’ASSAVLT DES FIDELLES CHRESTIẼS APPELLEZ POVR DEFFENDRE LA DITE CITÉ. (1551)
Author: Artus Désiré
Date: 1551
Publisher: Du Gort frères
Place: Rouen
DESCRIPTION
DE LA CITE DE DIEV.
Figvreé à nostre mere saincte eglise
assiegée des malhevrevx here-
tiqves qvi se sont levez cõtre
elle devers Midi, Orient,
Occidẽt, et Septẽtriõ,
Avec l'assavlt des fi
delles Chrestiẽs
appellez povr
deffendre la
dite cité.
Ensemble avssi la complaincte de la svsdite
Eglise, contre lesdictz Heretiqves enne-
mys de la foy.
Povr Robert et Iehan dvgort freres.
1551.
Hieremie à tovs fidelles Chrestiens.
[IMAGE]
AProchez vovs tovs loyavx catholiqves
Approchez vovs doctevrs evẽgeliqves
Approchez vo' d'hvmaine amovr pitevse:
En contemplant la gverre merveillevse,
Qve les charnelz ennemys dv sainct liev
Ont faicte et font à la cité de Diev
Campez av tovr de sa saincte ceintvre.
Nobles seignevrs de havte prelatvre
Bovrgeoys, marchãs, et gens de tovs estas
Approchez vovs, amassez vovs à tas
Et extirpez tovte depravité,
Froissez vos cvevrs en ce iovr limité,
Ovvrez voz yevx eslevez vos palpebres
Et regardez les obscvres tenebres
De Boreas qvi rend tovt l'air eticqve
Par les brovillatz de Lvther l'heretiqve
Qvi de sont vent pestifere et immvnde
DESCRIPTION
A faict movrir la tierce part dv monde
D'vn esgvillon ferré de govrmandise.
Le chien mastin, prince de paillardise
C'est eslevé contre la cité saincte
I'entens l'eglise environnée et ceinte
Des malhevrevx svperbes et meschans,
Qvi sont svs chãps, et par villes marchans
Sonnans clairons, tabovrins, et trompetes.
[IMAGE]
Povr ramasser les malhevrevses sectes
Et les sovldardz dv filz d'iniqvité.
De tovs costez la predicte cité
Sovffre dovlevr de la gent ennemye
Ne plvs ne moins qv'a descript Hieremie
Prophetisant ses lamentations,
Sevlle sovstient ses dvres passions
De ses dovlx yevlx respãd l'armes et plevrs
Et en son cvevr se compliant des dovlevrs
T ii
DESCRIPTION.
Et des grefz tors qv'õ lvy faict to' les iovrs
Ses pavillons ses mvrailles et tovrs
L'on vevlt razer et renverser par terre
Chascvn l'assavlt, chascṽ lvy faict la gverre
Sans regarder à son afliction
Tovs les chemins et sentiers de Syon
Plorent de dveil de sa captivité
Et nvl ne vient à son adversité
La secovrir tant est abandonnee.
C'est la cité de Iesvs ordonnee
De biens mvnie ov l'hvmain esprit vit
C'est la cité de laqvelle David
Novs à rescript parolles merveillevses:
Disant povr vray qve choses glorievses
Les peres sainctz ont d'icelles predit
C'est la cité de gratievx credit.
C'est la cité de nostre savvevr Diev.
C'est la cité rescript sainct Matthiev.
Svs la montaigne eslevée havltement
Dont l'eternel est le vray fondement
Dvqvel ressort la fontaine ortvlaire
Qvi se respand av monde orbicvlaire
Par beavx rvisseavx ov l'eav point ne defavt
Cõstrvicte elle est en liev si clair et havlt:
Qv'elle ne pevlt cacher avx estrangers
La bonne odevr, de ses plaisans vergiers.
Et n'y a nvlz qvi ne sente sa gloire
DE LA CITE DE DIEV.
De ses vertvs, par tovt son territoire.
C'est la cité d'hvmaine amovr sondée
Qvi svs le roch est si tresbien fondée
Et cymentée, à chavlx vive et à sable
Qve l'antechrist vil et abominable.
Ne la povrra rvyner ne destrvire.
Son fondement à bien dire et escripre:
Est ferme foy, qv'avons en Iesvs christ,
Cõme sainct Pol novs declaire et rescript
Qvãd il novs dict, qv'on ne pevlt la fonder
Qv'en icelvy povr la contregarder.
Dont svs lvy mesme il à mise et constrvicte
A celle fin, qv'elle ne soit destrvite
Et qve Sathan ne la pvisse tenter.
Sainct Matthiev dict, qv'il la vovlv plãter
Dessvs le mont, povr la cavse et raison
De preserver sa royalle maison,
Des flotz bovillans et vagnes rigovrevses
En temps de plvye, et vndes fvrievses
Qvi lvy feront grand' pertvrbation.
Mais à raison de la fondation
De ceste foy, svr laqvelle est plantée:
Tovsiovrs sera si tresbien avgmentée
Qv'il n'y avra vent, gresle, ne tonnerre,
Qvi pvisse abatre et demolir sa Pierre.
Des fondemens de la Cité de
Diev, figvrez à vive foy.
T iii
DESCRIPTION
Or povr descripre en briefz motz svr ce liev
Les fondemens de la cité de diev
Qve novs debvons sovstenir et deffendre.
Tovt bon chrestiẽ, doibt scavoir et entẽdre
Qve Iesvs christ à pris les fondement
Svr vive foy, qvi est commencement
D'hvmain salvt et benediction.
Car à parler de sa perfection:
C'est celle la qvi iamais ne chancelle
Et l'homme hvmain qvi bastit svr icelle,
Est assevré d'avoir bon edifice
Tres fort plaisant, imprenable et proprice,
Et d'vne grand fortification.
Prenons y donc nostre fondation
A celle fin qve l'ennemy mortel
Ne pvisse entrer dens nostre fort ostel
Ne renier la cité saincte et mvnde.
Faisons si biẽ qve novs vovldrõs av monde
Ievsnons, plorons, sovspirõs vovs et moy
Si novs n'avons la dessvdite foy:
Tovt nostre faict ne sera qv'insolence.
Car Iesvs dict qvi n'avra la credence
Qv'a la parfin il sera condamné,
Et à iamais av fev denfer damné
Par sa sentence et finitif arrest.
Or vovs povrriez me demander qve c'est
Qve vive foy, c'est croire fermement
DE LA CITE DE DIEV.
Av venerable et digne sacrement
De Iesvs christ nostre dovlx savvevr oingt
Et à son sang, qve nos ne voyons point
Av pain et vin consacré par le prebstre.
Semblablemẽt c'est vn diev recongnoistre
Et tovt cela qve son eglise croid:
Sans contredire à son ivste et bon droict
Et avx statvtz de ses divins conciles.
Les ignorans à croires difficiles,
Qvi ont deffaict le divin sacrifice
Favlte de foy et de bonne ivstice
Ilz ont perdv la pleine congnoissance
De celvy la qvi à tovte pvissance,
Et sont venvz à denier qv'il soit
Av svsdict pain qve le chrestien receoit
Par son pastevr treshonorablement,
Donc pvis qve foy, cest le commancement
Et fondement de tovte oevvre premiere:
Fondons novs tovs d'vne amovr singvliere
Dessvs icelle, à fin qve nostre ovvrage
Soit sovstenv tovt de long et de large.
Et de bon cvevr ie pry le createvr
Qvi de vertv est le vray fondatevr:
De me donner vn grain tant sevlement
D'icelle foy, povr bastir sevrement
En ferme liev et place deffensible,
Car ie congnois qv'a l'hõme n'est possible
T iiii
DESCRIPTION
D'edifier sans sa grace divine
Et sans la foy, qvi noz cvevrs illvmine,
Car c'est le fons qvi sovstient tovt le faix,
C'est celle la qvi condvictz les parfaictz
C'est celle la qvi iamais ne varie
Povrce mon Diev de rechef ie te prie
D'illvminer mon dvr entendement:
A celle fin, qve si bon fondement
Ie pvisse faire à ton honnevr et gloire,
Qve novs pvissons obtenir la victoire.
La porte de la cité de Diev qvi
est le sainct sacrement
de Baptesme.
Povr novs garder dv favlx pevple heretiqve
Qvi à campé, son camp diaboliqve
Contre le fort de la cité de diev:
Fortifier il novs convient le liev
D'vne grand porté, à gros crampõs ancrée
Faicte de l'eav baptismale sacrée.
Car le portail de ladicte cité
C'est le Baptesme ainsi qv'est recité
Par Iesvs christ, qvi dict povr novs monstrer
Qve nvl ne pevt av regne diev entrer
S'il n'est rené, svs les fontz de novveav
Av sainct esprit, par ablvtion de l'eav
Et confirmé en la foy de l'eglise,
Nostre seignevr ce sacrement tant prise,
DE LA CITE DE DIEV.
Qv'incontinent qve l'homme l'a recev:
Son esprit est en sa grace concev,
Et participe en son sang meritoire,
En ce divin et sacré lavatoire
Novs renõceons avx oevvres dv grãd diable,
Et novs rendons av savvevr venerable
Qvi novs receoit d'vne amovr deifiqve.
Dont povr entrer, en la cité celiqve
Pvrger novs favlt de la covlpe ordre et male
Et passer tovs la porte baptismalle.
Ov avtrement il novs est impossible,
De parvenir avdict diev deffensible
Si novs n'entrons, par l'hvys de chrestienté.
L'asnier Calvin de Sathanas tenté,
Dict contre novs par errevr et blaphesme,
Qve les enfans qvi mevrent sans baptesme
Sont baptisez av sang de Iesvs christ,
Qvi est contraire à tovt divin escript,
Et avx arrestz des generavlx conciles.
Car il est dict dedens les evangiles,
Qvi ne sera d'eav pvre baptisé:
D'avecqves diev il sera divisé
Et n'entrera av sainct repositoire.
Dõcq̃s chrestiẽs c'est vn poinct tresnotoire
Qve tovs cevlx la qvi baptisez ne sont,
Par ce deffavlt avx limbes ilz s'en vont
Frvstrez de grace et de pardon royal.
DESCRIPTION.
Il est biẽ vray qv'il ne levr faict point mal
D'estre avdit liev, et qve tovs se contentent
Dv createvr, dont nvl salvt n'attendent.
Et sans sovcy sont ainsi comme toy,
Qvi ne te chavlt d'estre Emperevr ne Roy
Car tv scais bien qve n'es pas descendv
Dv sang royal, dont ce bien ne t'est dev.
Semblablemẽt evx tovs cõgnoissent bien
Qv'indignes sont d'avoir vn si grand bien:
Et qv'ilz n'ont pas envers Diev merite
La vision de sa divinité,
Mais nonobstant qv'ilz descendent la bas:
Si ont ilz plvs de plaisir et sovlas,
Et plvs de ioyé en levr natvre abonde,
Qv'a tovs les Roys et princes de ce monde.
Or tv povrrois demander par dispvte
D'ov vient cela, qve Iesvs novs impvte
Si promptement le crime et vitvpere
Dv vievx Adam, nostre primitif pere
Vev et congnev, qve n'avons nvllement
A son peché donne consentement
Et qve dv temps av monde d'estions point.
Raison te dict et respond svr ce poinct:
Qve si villaine à esté son offence,
Qve tovs cevx la de son orde semence
En ont esté infectz et langovrevx,
Ne plvs ne moins qve tv voys d'vn leprevx,
DE LA CITE DE DIEV.
Tovs les enfans provenans d'icelvy.
Naissent leprevx avssi bien comme lvy:
Et sont infectz ivsqves av fons dv cvevr.
Ov avtrement prens le cas qv'vn seignevr
Ait offencé la maiesté royalle:
Povr son offence infame, et desloyalle,
Frvstré sera de son propre heritage,
Et declaré, lvy et tovt son lignage
A tovt iamais villain et rotvrier,
Si qve cevlx la qvi viendront dv qvartier
De devers lvy povr sa favlte vilaine,
Mille ans apres en porteront la peine,
Cõbien qv'en evx n'y ait point de deffavlt.
A ce propos noter tovs ils novs favlt.
Qve delict av dessvsdict Adam,
Fvt si remply de malhevr et de dam.
Qve tovs cevx la de sa semence impvre
En ont govste le venin et ordvre.
Dont par cela tovte natvre hvmaine
En à esté debilitée et vaine:
Et beavcovp plvs vairbale et fragile.
Les abvsevrs de la saincte evangile,
Comme Calvin, et avtres favlx svppostz,
Iniqvement disent svr ce propos:
Contre la saincte et sacrée escriptvre,
Qve par Adam la svsdicte natvre
Totallement à esté corrvmpve,
DESCRIPTION
Et si tresfort opprimée et rompve,
Qv'elle ne pevt faire avcvn bien lovable
Qvi est vn point heretiqve et damnable
Contraire à tovs les doctevrs catholiqves.
Donc mes amys fvyez ces gens lvbriqves
Violatevrs de nostre sacré liev
Enfermez vovs dens la Cité de Diev
Et y entrez par ce sainct secrement
Vovs ne povvez estre plvs sevrement
Qv'en ce fort fort ov Iesvs christ labevre
Venez y donc, faire vostre demevre.
Et voz enfans faictes oindre de cresme
En les passant la porte de baptesme.
Des fossez de la cité de Diev,
Qvi signifient hvmilite.
POvr nostre bien et grand' vtilité,
Tovt à l'entovr de ladicte cité
Faire novs favlt des fossez si profons
Qve l'ennemy ne pvisse voir les fons
Et qve soyons si bien mvnis de tovt,
Qve des meschans pvissons venir à bovt
A nostre honnevr et provfit salvtaire,
Et povr icevx, bien crevser et parfaire
Il les convient d'hvmilité bastir
Povr d'avec novs chasser et divertir
DE LA CITE DE DIEV.
Le dvc d'orgveil, grand prince de la terre:
Qvi tovs les iovrs novs meine rvde gverre:
Tendant avx fins de gaigner nostre fort.
A ce danger gist et pend nostre mort,
Povr ce gardons qv'il n'entre dessvs novs.
Rendons noz cvevrs amiables et dovx,
Et povr gaigner victoires et combatz,
Tant qve povrrons hvmilions novs bas.
Car rien n'y à en ce monde mortel
Qvi plaise tant, av seignevr immortel
Qv'hvmilité contre presvmption.
Et povr monstrer sa grand'perfection,
L'evangeliste expressement rescript
Qve bien hevrevx sont les paovres desprit:
[IMAGE]
Desqvelz s'entent, les hvmbles gracievx.
L'hvmilité de la Royne des cievx
A Diev le pere à esté plvs plaisante,
DESCRIPTION
Qve chasteté, à la chair repvgnante,
donc pvis qve tant el' lvy est agreable
Renforceons donc, la cité imprenable:
Et remplissons en grande diligence
Les ditz fossez, de l'eav de Sapience.
En ce faisant l'eglise glorievse
Demovrera tovsiovrs victorievse
Des mvrailles de la cité de Diev
qvi signifient chasteté.
RIen n'avons faict se ne faisons plvs fort
Povr renforcer de plvs en plvs le fort
Ov il cõvient qve tovt chresiten travaille:
Lever novs favlt vne grosse mvraille,
Qve novs ferons d'ample virginité
Povr resister à la charnalité
Des malhevrevx et errans Priapistes,
Qvi par ce poinct, sedvisent les Papistes,
Et les font croire à levrs errevrs dãnables
La plvs grãd part des hõmes miserables
Comme Apostatz, et moynes reniez,
Prebstrez, charnelz, gens exommvniez
N'ont delaisse la catholiqve eglise,
Sinon povr vivre en ordre paillardise
Et ensvyvir levr sensvalité.
Tovt homme hvmain, est si precipité
De ce peché qvi sans fin novs faict gverre
DE LA CITE DE DIEV.
Qv'incontinent est renversé par terre
Et pvis avx lacz, de l'ennemy charnel.
Prions donc tovs, nostre pere eternel
Novs preserver de ces assavx lvbriqves
Et ne faisons comme les Heretiqves
Qvi povr svyvir levr liberté charnelle
Ont renoncé nostre loy paternelle
A levr grand honte et malediction.
Gardons novs bien de levr infection
Et à cel' fin qve novs soyons plvs fermes
A resister contre les gros allarmes
De Sathanas qvi novs tente et assavlt,
Nostre cité fortifier il favlt
De continence et pierre virginale:
Povr evincer la vipere infernale
Qvi tend av poinct d'abtre ledit liev.
Retirons novs vers nostre savvevr Diev
Et ceignons d'vne chaste ceintvre.
Par ce moyen avrons bonne clostvre
Et ny avra diable, monde, ne chair.
Ne ennemy qvi en pvisse approcher.
Des bovlevers de la cité de diev,
Figvrez à chasteté.
POvr repovsser les gros covps de canons
De cevx qvi ont dessiré les canons
Et les secretz de la cité chrestienne.
DESCRIPTION
Il favlt encor afin qve bon el' tienne,
Des bovlevers de tressevre deffence
Qve ie figvre à vraye patience
Qvi est confort de tovte adversité,
Ov avtrement, la svsdite cité
Sera tovsiovrs en danger dv delvge,
Car patience est le total refvge
Des indigens et paovvres langovrevx:
Et cevlx la sont devant diev bien hevrevx
Qvi en ce val vivent paisiblement.
Qvand Iesvs feit son dernier testament
Et qv'il porta nostre ponderevx faix,
Povr don exqvis il novs delaissa paix
Qve par son sang feit entre diev et l'homme.
Et ceste paix, donne repoz et somme
Avx gens de bien qvi vivent sans discord.
C'est celle la, qvi dict par tovt accord
Et qvi appaise inhvmaine bataille.
C'est celle la, qvi le moyen novs baille
De parvenir à la gloire eternelle.
C'est celle la qvi evince et expelle
Des cvevrs navrez tovte dissention.
Contre fortvne et tribvlation
Est grandement profitable et propice.
C'est celle la qvi deffend l'edifice
Et qvi recoit tovs les covps qv'on lvy dõne.
C'est celle la qvi de rien ne s'estonne
DE LA CITE DE DIEV.
Et qvi diev love en sa perte et dommage.
C'est celle la, qvi monstre l'homme sage
Qvand lvy svrvient qvelqve gros desplaisir
C'est celle la, ov Iesvs prend plaisir
Povr la raison de sa simplicité
Et s'il novs vient qvelqve perplexité.
C'est celle la, qvi novs donne confort.
Vev donc qv'elle est de si grand reconfort,
Et qv'elle garde et deffend d'approcher
Les ennemys, qvi novs vevllent facher
Corrigeons novs sans estre si divers
En batissant les svsditz bovlevers:
Et les faisons de si bonne deffence,
Qve pvissons vivre en paix et patience.
De la grosse tovr de deffence
Qvi est chasteté.
A Celle fin qve de loing pvissons battre
Noz ennemys, qvi no' vevlẽt cõbatre
Il reste encor povr singvlarité
Vne grand' tovr, de pvre charite:
Qve novs mettrons ivstement av milliev
Dv plvs beav liev de la cité de diev.
Car sans cela, imposible est à tovs
De resister contre les divers lovps
Et d'obtenir trivmphante victoire.
V
DESCRIPTION
Ceste vertv est si tresmeritoire
Et devant diev si plaisante et lovable,
Qv'elle condvict av conspecte honnorable
Tovs cevx qvi sont appviez dessvs elle.
Povrce chrestiens, d'vne amovr natvrelle,
Tant qve povrrez travaillez sans seiovr
A bien bastir la dessvdite tovr
De charité qvi tovte avtre œvvre passe,
Elle est si noble et de si bonne grace,
Qve Iesvs christ, povr l'amovr d'elle à pris
Hvmanité, en la vierge de pris
Et à sovffert grand crvdelité,
Povr redimer nostre fragilité
Et povr novs mettre en repos perdvrable.
Monsievr sainct Pol apostre venerable.
Dict, s'on donnoit avx pavvres tov son biẽ
Sans charité, qv'il ne profite rien.
Car charité, est de si grand' vertv,
Qve tovt peché est par elle abbatv
Et effacé de l'ame pecheresse.
C'est celle la, qvi condvit et radresse
Les sovffrerevx de tovs biens indigens.
C'est celle la qvi novrrit pavvres gens.
C'est celle la, qvi condvict et qvi loge.
Le mendiens en sa petite loge.
C'est celle la, qvi d'vn cvevr amovrevx
Applicqve vngvens dessvs les langovrevx.
DE LA CITE DE DIEV.
C'est celle la, qvi de tovs ses metavlx
Avmosne faict avx pavvres hospitavlx.
Pvis donc qv'elle est si vtile et dvisante
Et avx richars dv tovt contrariante,
A la bastir qv'on travaille et labevre:
Ce tẽps pendant, qv'avons le tẽps et l'hevre,
Et novs gardons des vsvriers avares
Qvi d'esprit sont si actifz et ignares
Qv'ilz laissent diev; tãt sont rẽplis de vice
Povr ensvyvir levr ardante avarice.
Et ont le cvevr si tres fort svs les biens
Qv'ilz n'ont pitié de levrs freres chrestiẽs
Qvi av pres d'evx sont en grosse indigence.
O gens damnez, de favlce conscience
Qvi amassez contre diev et raison
Terre svs terre, et maison svr maison
Sans faire avmosne avx pavvres de Iesvs
Qvand l'eternel descendra de lassvs
Qv'il vovs dira, allez gens malhevrevx
Qvi n'avez ev pitié des dovlovrevx
Allez av fev, de tribvlation.
Ov irez vovs, en vostre affliction?
Ov irez vovs prendre vostre demevre
Av cẽtre ĩfaict plein de bovrbe et d'ordvre
Resideres par sentence de diev.
Biẽ à rescript monseignevr saĩct Matthiev
Ce qve voyons, des riches et potens:
V ii
DESCRIPTION
Qve svs la fin de nostre dernier temps
Iniqvité, si fort abondera,
Qve charité, alors reffoidira.
Or maintenant elle est si reffroidie
Qva tovt le monde à mis son estvdie
A amasser richesses et tresors
Et n'a possible vn iovr de vie av corps.
Dont semble à voir, vev regner tant de mal,
Qve soyons prez dv ivgement final
Et qve Diev soit irrité contre novs.
Povrce chrestiens, d'hevre retirez vovs,
Et travaillez à la tovr charitable.
Car à Iesvs, est si fort agreable
Qve tovs cevx la qvi sont enclos dedens
Vn iovr seront devant lvy residens,
Et le voirront en sa divinité
Par le moyen d'icelle charité.
Des gensdarmes et sovldardz Qvi
sont en fermez en la dite tovr Povr
deffendre la cité de Diev.
OR povr garder la cité dv Seignevr
Mettre il y favt des gẽsdarmes de cœvr
Et des sovldardz, covragevx et hardis,
Povr batailler contre ces chiens mavldictz
Plvs enragez qve Lyons rvgissans.
DE LA CITE DE DIEV.
Si novs n'avons, des chevaliers pvissans
Et bons archiers, qvi entendent le faict:
Nostre dit fort sera pris et deffaict
Et sacagé, des svsditz malhevrevx.
Doncqves affin, de resister contre evx,
Povr capitaine et chef royal de gverre
Dedens mettrõs le glorievx Sainct Pierre
Grant lievtenant et vicaire de diev
Expert il est povr deffendre le liev.
Car il entend tovt ce qvi est de faire:
Nostre Seignevr la chargé de l'affaire
A ceste cavse obeir il lvy favlt.
C'est le commis dv prince de la havlt,
Nostre Cité tresbien govvernera,
Et avec lvy povr compaignie avra
Avx qvattre coings, les qvattre Evãgelistes
Povr repovsser les mavdictz Lvtheristes
Qvi fõt la gverre à no' tovs et avx nostres
En ovltre plvs, il avra les apostres,
Les confessevrs, et avtres familiers
Accompaignez des nobles chevaliers
De Iesvs christ, vrays martyrs glorievx
Ensemble avssi, les doctevrs stvdievx
Qvi n'ont cessé depvis mil cinq centz ans
De batailler contre les favlx errans
Qvi à L'eglise ont faict de grans alarmes.
Voyla chrestiẽs, les sovldardz et gẽsdarmes
V iii
DESCRIPTION
Qvi sont dedens nostre saincte cité,
Povr novs garder de la captivité
Des ennemys, perfvges et bannis
Noz deffensevrs, sont armez et mvnis
De gros canons et plvsievrs avtres livres:
Et grace à diev, ilz ont assez de vivres
Il n'est besoing qve garder la clostvre.
Ilz ont le pain, de la saincte escriptvre:
Et qvi plvs est la chair de Iesvs christ
Avec son sang, qvi svbstance et novrrit
L'hvmain esprit, sacramentellement.
Rendons novs donc, sovbz le govvernemẽt
Des govvernevrs de la cité Rommaine:
Portant honnevr à nostre capitaine,
C'est assavoir, av pastevr de l'eglise.
Et si la gent qvi nostre loy mesprise
Novs vient fascher, par assavlt et al'arme.
Nostre bon droict deffẽdons fort et ferme.
Icy arrivent les Heretiqves
D'orient, d'Occident de Mi-
dy, et de Septentrion, qvi
viennẽt assieger les qva-
tre coings de la Cité
de Diev povr la
rvyner Et
abattre.
DE LA CITE DE DIEV.
DECRIPTION
A L'arme, à l'arme enfans de Iesvs christ
Arrivez sont les svppostz d'Anthecrist
Povr demolir la cité saincte et mvnde,
Assemblez les sont des qvatre coings dv mõde
Affin d'avoir, noz biens et revenvz.
Premierement, d'Orient sont venvs
Simon magvs, des premiers favlx chrestiens
Associé des Valentiniens,
Avec manes, Menander, Nicolas,
Et Arrien prince des apostatz
Qvi avtres foys ont esté combatvs
Devers midy, vn nommé Novatvs
Et donatvs, sont ensemble arrivez
Avec plvsievrs scismatiqves privez:
Chargés d'abvs, et de povldre d'errevr
Povr canonner la cité dv Seignevr.
Et d'Occident, sont venvz d'avtre part,
Pricilien, vigilance, abaylard,
Gens inhvmains, et de mavvais covrage
Taschãs novs faire vn merveillevx dõmaige
En ovltre plvs, de Septentrion vient
Le grand Gerfavlt, qvi à ses gaiges tient,
Pelagien, Iehan vvitclef et Iehan hvs,
Accompaigné dv favlx Zvinglivs,
Pharel, Calvin, Melanton, Colampade,
Bvccere, Abel, et povr l'arriere garde:
Martin Lvther le vaillant capitaine,
DE LA CITE DE DIEV.
Voyla tovs cevlx de l'infernal dommaine,
I'entens les grans et les plvs principavlx
Plvs orgveillevx et enflez qve crapavx:
Qvi par Lvxvre et orde paillardise
Se sont armés par grand' tyrrannise
Contre la saincte et sacrée cité
Et povr monstrer levr immvndicité,
Les malhevrevx hors de la foy distretz,
Sont descendvz avx infernavlx retretz
De lvcifer, grand prince des tenebres:
Et ont cvré les obscvres latebres
Desditz retretz, pleins de fange et poison,
Et av milliev de la saincte maison
Dv filz de Diev, ilz ont l'ordvre mise,
En prophanant sa deifiqve eglise,
Dedans icelle, ont levr vievx pot cassé
Et le fiens de tovt le temps passé
Qv'on avoit mis avx pvantes cisternes
Ont relevé, sans torches et lanternes,
Et sont venvz povr infecter nostre ame
Novs presenter la pvantevr infame
Des gros errevrs, cõdãnez des sainctz peres
Dont ie vovs pry mes vrays amys et freres
De n'approcher de l'orde pvantise,
Retirez vovs sovbz la garde et franchise
De vostre mere, ov Iesvs christ repose:
Et qve chascvn se prepare et dispose
DESRIPTION
A batailler de cvevr et de covrage,
Ce pevple favlx, qvi contre nosv enrage
Sans craindre rien, rvons novs svr levr ost:
Allons avant, et povr Diev marchons tost
N'ayons point pevr, car Diev est d'avec novs
Prions lvy tovs, à main ioincte et genovx
De sovstenir sa cité militante,
Et novs donner victoire trivmphante.
Des fidelles et Catholiqves
appellez, povr deffendre la-
dicte cité, assiegée des
malhevrevx He-
reticqves.
DE LA CITE DE DIEV.
DESCRIPTION
A L'assavlt, à l'assavt, gensdarmes
Prenez voz lances lances et voz armes
Voz Pistoletz et voz Bombardes.
Et vovs tenez tovs svs voz gardes
A cheval, seignevrs, à cheval,
Les ennemys sont à ce val,
Debovt, debovt, enfans covrage
Allons levr rompre le passage
Sans espargner foible ne fort,
Dessvs dessvs, amort, amort,
Compaignons entendez à vovs:
Ce n'est rien d'evx av pris de novs
Tovs de fronc marchons en advant.
Et vovs sainct Pere allez devant
Ainsi qve feit le bon Vrie,
Et debandez l'artillerie
Afin qve novs les estonnons.
Faictes tirer voz droicts canons
Et voz decretz, par gens discretz
Bien armez de bons halecretz
Et vestvs de cotte de maille.
Et vovs cardinavlx en bataille
Manifestez voz grans vertvs
Povr donner à tovs à congnoistre
Qve tovsiovrs prestz vovs debvez estre
Respandre povr Diev vostre sang
DE LA CITE DE DIEV.
Et povrce d'vn cvevr noble et franc
Venez monstrer vostre pvissance
Avtrement la cité de France
Qve vovs voyez environnée
Des meschans sera rvynée
Et bas razée, à flevr de terre.
Svs, svs, à la gverre, à la gverre,
Evesqves, abbez, et prelatz,
Qve faictes vovs, estes vovs las
Qvand il se favlt mettre en deffence
Armez vovs en grand' diligence
De ganteletz, croces, et mittres,
Et de voz covstvmes et tiltres
Deffendez vovs tovs fort et ferme.
Dedens dedens, à l'arme, à l'arme,
Prievrs cvrez, et simples prebstres
Marchez tovs d'ordre apres voz maistres
En bonne ordonnance et bons rengs.
Et vovs messievrs les reverens
Doctevrs Bacheliers de Sorbonne
Qve chascvn de vovs s'abandonne
A confvter ces Antechristz,
Faictes qve novs gaignons le pris,
Mettez vos corps à l'advantvre
En vovs covvrant de l'escriptvre
Et dv conseil des anciens,
Soyez constans et patiens
DESCRIPTION
A recepvoir des covps cent mille,
Deffendez vovs de l'evangile
Et des conciles generavlx.
Svyvez apres moynes moyneavx
Qvi tenez de sainct Benoist l'ordre
Marchez sans faire avcvn desordre
En grand honnevr et reverence:
Et priez l'immortelle essence
Novs sovstenir en noz bons droictz,
Si qve pvissions en tovs endroictz
Combatre l'orde nation
Vovs avez faict profession
Des premiers de tovte l'eglise:
Povrce sovstenez sa franchise
Et exposez voz corps et ames
A debeller ces favx infames
Qvi ont polv son sacré liev.
Av svrplvs, vovs enfans de diev
Nommez chartrevx vivant en chartre.
Vovs estes fors povr bien combatre
Combien qv'on vovs estime mors:
Si estes vovs gens des plvs fors
Et des plvs pvissans de la terre
Povr bien combatre en ceste gverre.
Gverroyez donc, povr la cité
Qve voyez en captivité
Entre ses ennemys assise,
DE LA CITE DE DIEV.
Et faictes tovs comme Moyse
Qvi av mont de devotion
Estoit en contemplation,
Ses devx mains droict avx cievx levées
Qve tovsiovrs tenoit eslevées
En diev, ov son esprit veilloit
Povr Iosvé qvi batailloit
Contre le pevple Amalechite:
Et comme l'histoire recite
Tant qve ses mains en havlt tenoit
Iosvé victoire obtenoit.
Et qvand il rabaissoit ses mains
Force croissoit avx inhvmains,
Dont qvand Moyse n'en pevlt plvs
Aaron et Hvr fevrent eslvs
Povr aller ses mains sovstenir,
Et tant les lvy firent tenir
Qv'en grand honnevr lovange et gloire
Iosvé obtint la victoire.
Povrce entre vovs contemplatifz
Qvi dv monde estes divertis
Et qvi voyez le grand assavlt,
Eslevez tovs les mains si havlt
Qve gverre pvisse estre perie
Plvs qve les avtres ie vovs prie
Comme les plvs devotievx
Et des plvs sainctz religievx
DESCRIPTION
De tovte la cité celiqve,
Dont qve chascvn prenne sa picqve
Et svyvez les avtres amont.
Vovs avssi Moynes de grant Mont,
Et vovs tovs commandevrs de Rodes,
Brisez froissez, lances et cordes,
Et pensez vitement d'aller,
C'est vostre estat qve batailler
Cotnre tovs mescreans mvttins.
Semblablement vovs celestins
Qvi vivez catholiqvement
Marchez apres legiement,
Et portez povr vostre deffence
Foy charité, et patience.
En apres vovs freres minevrs,
Rvez vovs svs ces favx mynevrs,
Qvi minent ovtragevsement
Dv temple sainct le fondement
Pris dessvs l'angvlaire Pierre,
Comme vrays svppostz de sainct Pierre
Monstrez vovs vertvevx sovdardz
Et portez les sainctz estendardz
De la croix saincte, en plevrs et larmes
Ovtre plvs Avgvstins, et Carmes,
Et vovs avssi freres preschevrs,
Contre ces malhevrevx pechevrs
Bataillez vigovrevsement,
DE LA CITE DE DIEV.
Et levr covppez par argvment
Le chemin de sedition,
En faisant amonition
De verité contre levrs scismes.
Et vovs mathvrins et minimes
Et bernardins pareillement
Marchez, religievsement
Svs ces chiens qvi novs vevlent mordre,
Et qve chascvn tienne son ordre
Sans orgveil ne presvmption.
Vovs vierges de religion
Tovtes vovs prie en general
Qve de bon cvevr et liberal
Vovs mettez en devotion:
Et priez Diev d'affection
Qv'il novs maintienne sovbz ses mains
Et vovs Emperevr des Rommains
Eslv povr la Cité deffendre,
Faictes voz gensdarmes descendre
A tovt levrs glaives marciavx
Et vovs rvez svs ces povrceavx
Qvi vivent sans raison ne loy,
O noble et magnanime Roy,
Roy treschrestien par tiltre escript,
Levez les yevlx en Iesvs christ,
Et regardez l'infame vie
De ces meschans, qvi par envie
X
DESCRIPTION
Sont en voz terres descendvs.
Las sans vovs, novs sommes perdvs
Et tovs cevx de vostre province.
Povrce treshonorable prince
Eslev par la grace de Diev:
Pendant qv'avez le temps et liev
Faictes amasser voz gensdarmes,
Et remettez la main avx armes
Cõme ont faict voz deffvnctz amys
Qvi par plvsievrs foys ont remis
Les papes en la cité saincte
Helas si ce n'estoit la crainte
Qv'on à de vostre main pvissante.
Ceste gent favlse et perversante
Mettroit tovt vostre pevple à mort.
Dont seignevr, vertvevx et fort,
Monstrez si bien vostre pvissance
Qve par tovt le pays de France
Ces meschans pvissent prendre fin
En faisant monsievr le Davlphin
Gvydon de la gendarmerie,
Qvi de sa grosse artillerie
Mettra tovt à fev et à sang.
Vovs avltres princes de cvevr franc
Dvcs, Contes, et tovs gentilz gens,
A marcher soyez diligens
Contre ce pevple qvi enrage,
DE LA CITE DE DIEV.
Et apprestez vostre bagage,
Voz harnoys et tovs voz bastons,
Affin qve novs les combatons
Et qv'a levr faict mettons police.
Mesmement seignevrs de ivstice
Ivges des sovveraines covrs,
Povr diev las donnez novs secovrs,
Avtrement ces ovrs ravissans
Deviendront si fors et pvissans.
Qve dessvs vovs et dessvs novs
Si iecteront, comme vievx lovps
Qvi vont assaillir les trovppeavx.
Et vovs messievrs les principavx
Regens, des vniversitez,
A la bataille estes citez
Povr servir la de conseilliers:
Marchez et tovs voz escolliers,
Grameriens, et artiens,
Et svyvez tovs voz anciens
Affin d'occir tovs ces meschans.
D'abondãt, bovrgeoys, et marchãs
Maistres et valletz de bovtiqves
Prenez verdvns, lances, et picqves,
Et à covps d'estoc et de taille
Allez vovs rver en bataille.
Avssi vovs vertvevses dames,
Dames d'honnevr devotes femmes:
X ii
DESCRIPTION
Avec les filles de Sion
En grande deploration
Montez svs les mvrs de la ville,
Et priez Diev qve la gent vile
N'entre dedens nostre heritage.
Dessvs mes amys, bon covrage,
Marchõs tovs en ordre et en poinct
Et ne novs esbaissons point.
Car ilz ont tresmavvaise cavse,
Vovs scavez qve levr loy est favlce,
Et qve Diev n'est point d'avec evx,
Povrce d'vn bon cvevr covragevx
Secovrons nostre povre mere,
Qvi est en grand dovlevr amere
Par ces favlx mvtins heretiqves.
Allons, mes freres catholiqves,
Marchons tovs, pvys qve faire favlt
Svs, svs, à l'assavlt, à l'assavlt,
Qve chascvn povsse fort et ferme
A l'arme, à l'arme, à l'arme, à l'arme
Debovt, debovt, debovt sovldard,
A l'estandard, à l'estandard,
Sovdainement qv'on bride et selle,
Bovtte selle, bovtte selle
Povr covrir dessvs ces larrons.
Sonnez trompettes et clairons,
Et si appons dessvs bas et havlt,
DE LA CITE DE DIEV.
A la mort, à mort, à l'assavlt,
Dessvs, dessvs, droict à ce val,
Dessvs gensdarmes à cheval,
Dedens, dedens, qv'on les enferme.
A l'arme, à l'arme, à l'arme, à l'arme,
Novs les avrons soit tost ov tard.
A l'estandard, à lestandard,
Qve nostre mere soit vangee:
La cite novs est adivgee,
Tovte levr pvissance deffavlt.
A la mort, à la mort, à l'assavlt,
A cheval, à cheval gendarme,
A l'arme, à l'arme, à l'arme, à l'arme,
Dessvs, dessvs, novs les avrons.
Sonnez trompettes et clairons,
Il sont tombez en gros hazard.
A l'estandard, à lestandard,
Qve chacvn povsse fort et ferme,
A l'arme, à l'arme, à l'arme, à l'arme.
La complaincte de l'Eglise, contre
les Heretiqves qvi l'ont assiegée,
La Cité de Diev assigiée des Heretiqves.
Les fideles appellez povr deffẽdre ladicte Cité.
COMPLAINCTE
MOn pevple helas, q̃ t'ay ie dict ne faict
D'ov viẽt cecy? enqvoy t'ay ie meffait
Povr m'amener vne si grosse armée?
Ie t'ay novrry de cvevr hvmble et parfaict
Et t'ay recev, esse povr le bienfaict
Qve ie t'ay faict, qve tv m'as enfermée.
Par vne loy mavldicte et difformée
Encontre moy as levé main armée
Dont c'est pitié des assavlx qve i'endvre:
De tovs qvartiers m'as enclose et fermée
En me livrant gverre d'errevr formée
Qvi à porter m'est chose forte et dvre.
Mõ pevple helas, ne voys tv point l'ordvre
De ton favlx cvevr, et la grande laidvre
De tes cinq cens, à tovt mal depravez?
Ne fais tv pas à ton Diev grand' inivre
Laisser sa Loy comme fol et parivre
Povr obeir avx errans reprovvez.
N'as tv pitié de mes yevx aggravez,
Lesqvelz tv voys de larmes tovs cavez
Remplis de plevrs et d'amere tristesse?
En tes pechez ordz et reagravez
As ramassé mille abvs controvvez
Povr consvmmer et destrvire ma messe.
O vovs hvmains, contemplez la detresse
Et la dovlevr, de moy povvre princesse
Sevlle av meilliev de tovs mes ennemys:
DE L'EGLISE.
Qvi sont venvz en grande ire et rvdesse
Planter levr camp, par folle hardiesse
Povr mettre à mort, mes enfans et amys.
Encontre moy se sont levez et mis,
Et ont ivré l'vn à lavtre, et promis
Qv'a droict ov tort ie seray ransonnée
De favx preschevrs ont svr les chãps cõmis
Dont plvsievrs gens se sont à evx svbmis
Desqvelz ie svis grandement estonnée.
De tovs costez ilz m'ont environnée
Et ma maison ordement prophanée
En plvsievrs lievx par favlx contennement
De tovs qv'artiers m'ont la gverre assignée
Ne reste plvs qv'a bailler la iovrnée
Povr me donner beavcovp d'empeschemẽt.
Mon pevple pense, en ton entendement
A l'amovr grande et av bon traictement
Qve ie t'ay faict dv pain de l'escriptvre
Ie t'ay novrry tresdeliqvatement
Et engendré spiritvellement
Par le baptesme en lavant ta natvre.
Lvther avoys de ma saincte ceinctvre
Ceint et serré en clavstrale clostvre,
Pensant en faire vn baston de vieillesse:
Mais povr complaire à vne povrritvre
S'est iecté hors et mis à l'adventvre
En se mocqvant de ma blanche, foiblesse
COMPLAINCTE
Povr contenter sa lvbriqve ievnesse,
Il à basty par cavtelle et finesse
Novvelle eglise, à sa damnation:
En mesprisant mon antiqve noblesse
Qv'il à blessée, en favlsant sa promesse
Povr accomplir sa fornication.
Mon pevple plain de contradiction
Ov est le temps qv'en grand' devotion
Sovloys aymer mes sainctz predicatevrs
Il est passé à ta confvsion,
Et av peril et grand' destrvction
Des apostatz lvbriqves et mentevrs:
Les anciens venerables doctevrs
As mesprisez, et appellez favtevrs
En contemnant mes precievx vaisseavx:
Et as nié avec tes detractevrs
Les droictz canons des divins oratevrs
Et tovs les sainctz conciles generavlx.
Mes ornemens consacrez sainctz et beavx
As decovppez de tes infaictz covteavx
Toy et les tiens par villes et villaiges:
Et comme tvrcs et tyrans desloyavx,
As derompv à grans covps de marteavx
De tovs mes sainctz les statvtz et Images.
Mes beavx cõventz fort spacievx et larges
As violez et pris mes heritages
Et tovt le bien qve l'on m'avoit donné
DE L'EGLISE.
Leqvel as mis à tes propres vsages,
Et faict movrir mes enfans saĩctz et sages
Par fier despit, dont ie te voy damné.
Damné te voy, et de Diev condamné,
Car ton esprit est si fort adonné
A volvpté et mondaine plaisance:
Qve mon espovx as dv tovt contemné:
Et son vicaire en ce monde ordonné
As blasphemé, denyant sa pvissance.
Tovs les prelatz tãt d'aillevrs q̃ de France
As detractez par damnable arrogance
En mesprisant levr saincte dignité:
Et qvi pis est contre mon ordonnance
Tv contreviens à levr obeissance
Povr ensvyvir orde charnalité.
Dedans mon cvevr plein de svavité
As respandv ton immvndicité
Ivsqve à l'Avtel, ov faisoys sacrifice:
De ta privée et sevle avctorité
As contracté, av filz d'iniqvité,
Non congnoissant de Diev le benefice.
Et ovltre plvs, de ta propre malice
Fais pvllvler ton execrable vice,
Si qve par tovt ma pvissance on denie
Et d'abondant, contre droict et ivstice
As faict cesser mon solennel service,
Dont ma liesse est ce iovrd'hvy finie.
COMPLAINCTE
Helas Lvther, apres m'avoir bannie
Par crvavté et grande vilanie
Avx nobles gens as donne indvlgence:
De mettre à mort, par tovte Germanie
Des bons chrestiẽs, pleins d'amovr infinie,
Qvi n'ont vovlv sovstenir ton offence.
Et av svrplvs par force et violence
As corrompv, le vev d'obedience
Et renoncé à ta profession:
En desprisant la ievsne et abstinence,
Povr donner liev à ta concvpiscence
Et abolir tovte religion.
Cesser as faict en mainte region,
L'honnevr divin, la salvtation,
Qve novs debvons à la vierge benigne:
Et retarder par contradiction
Des benoistz sainctz la veneration
Qvi sont lassvs en la gloire divine.
Chãter sovloys vespre, messe, et matine,
Mottez devotz, respõs, cãtiqve, et hymne,
Mais maintenant ma ioyevse mvsiqve
Se tovrne en plevrs et en dveil qvi me myne
Si asprement, qve par ta loy maligne
Ie pers ma voix, et mon chant catholicqve.
Helas mon pevple à present heretiqve,
Qvi contre moy as privs novvelle picqve
Combien as tv en errevr provfite?
DE L'EGLISE
Depvis le temps qve l'ordre evangeliqve
As meprisé et svivy l'impvdiqve
Martin Lvther, plein de lvbricité?
Povr demonstrer ton incredvlité,
Mon hvmble espovx ta transmis povreté
Gverre, famine, et grosse pestilence,
Et povr cela, n'as congnev verité
Ne recongnev ton infidelité,
Ov gist et pend rigovrevse sentence.
Le temps passé, par grande reverence
Sovloys mãger, le sainct pain d'excellẽce
En corps mvé par consecration.
Et sainctement l'avoys ta conscience
En ma maison, pleine de patience,
Pvys dvdit pain prenoys refection,
Semblablement par ton ambition
As empesché la deprecation
Des gens de bien, de ce bas territoire.
Lesqvelz sovloient faire hvmble oblation
Povr les deffvnctz, qvi sont en passion
En l'avtre monde, av fev de pvrgatoire
Mon liev sacré et divin offertoire
Ov mon espovx prend son repositoire
As violé, et pollv favlcement.
Et en niant tovte œvvre meritoire
As svborné par grand diffamatoire
Les filles Diev, lvxvrievsement.
COMPLAINCTE
L'esprit divin, as laissé proprement
Affin de mievx vivre charnellement
En volvpté et pvblicqve scandale:
Mangeant la chair cõtinvellement
Le sainct karesme, en grand cõtennement
De la pvissance et dignité Papale.
Sans craindre Diev ne ivstice regalle,
Fais marier en ta loy desloyalle
Moynes sacrez evesqves et prelatz,
Rompant, froissant, religion clavstralle,
Et l'onction saincte et sacerdotale,
Qvi svr to' poinctz, est vn merveillevx cas.
Mõ pevple helas, ne voy tv point les lacs
De Sathanas ov tomber tv t'en vas
Avx enfers bas à perpetvité?
Croys tv plvs tost à ces favlx apostatz
Qv'a tovs les sainctz, de l'eternel sovlas
Qvi sont lassvs devant la Trinité?
En ta fvrevr et grand' crvdelité
As abbatv contre tovte eqvité
L'evcharistie, ordre, et confession,
Et mon liev sainct richement herité,
As despovillé, brisé desherité,
Le rendant liev de desolation.
Plorez mes filz et filles de Sion,
Plorez, plorez, l'abomination,
Et la dovlevr qve povr vovs tovs ie porte?
DE L'EGLISE.
De vostre mere ayez compassion
Qvi plore et plainct, vostre perditiõ
Sevllete assise et n'a qvi la conforte.
Merveille n'est si ie me desconforte
Et si ma face est triste, pasle, et morte
Av tovr de moy voy mes persecvtevrs:
Qvi sont campez tovt av prez de ma porte,
Et m'ont livré bataille rvde et forte
Povr metre à mort mes loyavx servitevrs
Les malhevrevx et pervers dispvtevrs
De tovt errevr, et d'heresie avctevrs,
M'ont affligee en sorte et en maniere:
Qve mes amys de mon bien amatevrs
Ont sovffert mort, par gens blasphematevrs
En sovstenant ma maison regvliere.
Mon pevple fol, qvi m'as laissé arriere
Contemple et voy, ta loy favlce et asniere
Ov ton cvevr est grandement endvrcy:
Et moy qvi svys de pardon avsmosniere,
Devant tes yevx ie mettray ma lvmiere
Et ie feray donner grace et mercy.
Mon pevple helas, pense vn pev à cecy
Car i'ay pitié, de te voir vivre ainsi,
Reviens vers moy en devote oraison?
Tv vis en crainte et en vn grand sovcy,
Qvand tv viendras ie te promectz icy,
Qve de bon cvevr t'ovvriray ma maison.
L'arbre des Heretiqves.
Complaincte de L'eglise.
Les cavses et raisons povrqvoy les He-
retiqves ont laissé la cité de Diev. Et
se sont armés contre elle.
MOn pevple eslv catholiqve et fidelle
Qvi vevt movrir, povr ma ivste q̃rel
Et sovstenir mon honnevr loz et fame: (le
A celle fin qve ton immortelle ame,
Pvisse evader les perilz et dangiers
De mes ingratz ennemys estrangiers
Qvi d'heresie ont faict eglise dovble,
Montrer te vevlx d'ov procede ce trovble,
Et d'ov provient ceste dissention,
Ce scisme grand, ceste division,
Entre les gens dv filz d'iniqvité.
Noter tv doibs povr sevre verité
Qve ceste ordvre et mortelle poison
Av monde n'est sans grand cavse et raison
Et qv'av moyen de levrs damnables vices
Diev à pmis qv'evx et tovs levrs complices
Soient trebvchez, avx Sathaniqves lacz
Povr le mepris qv'ilz font de mes prelatz
En contennant levr divine pvissance.
Tombez ilz sont en si grande ignorance
Qv'impossible est, les relever dv liev
Sans la grand' grace et digne amovr de diev
Car si dvrs sont en levrs errevrs iniqves,
Y
COMPLAINCTE
Qv'a la parfin ilz movrront heretiqves,
Et svyviront levr malhevrevse loy.
Totallement ont contemné ma foy,
Mon ordonnance et mes traditions,
Mes sainctz doctevrs mes predications,
Povr donner liev à levr charnel desir
Et povr mievx vivre à levr mõdain plaisir
Selon la chair de fornication.
Ie t'adverty qve levr intention
Ne tend qv'avx fins qve ie soys à bas mise
A fin de vivre en orde paillardise
Ne plvs ne moins, q̃ pavvres gẽs savvages
Povrce chrestiens, si vovs estes bien sages,
Gardez vovs tovs d'aymer trop ceste chair.
Car bien sovvent elle faict trebvcher
L'ame et le corps en peril merveillevx,
Comme voyez des svsditz malhevrevx
Qvi sont tombez en ceste adversité
Povr obeir à levr fragilité
Et à levr sang vil et abominable.
Sainct Avgvstin mon doctevr venerable
Tesmoigne et dict, qv'amovr mal ordõnée
De soymesme est si tresdesordonnée,
Qv'elle bastist de sa natvre immvnde
Vne cité, av prince de ce monde
Povr recvler mon espovx Iesvs christ.
Et mesmemẽt, mõsievr sainct Pol rescript
DE L'EGLISE.
Qv'av dernier tẽps ov maĩtenãt no' sõmes
S'esleveront plvsievrs malhevrevx hommes,
Fort dãgerevx, et amatevrs d'evx mesmes
Pleins de scandale, et infame blasphemes
Havltains, irevx, ingratz malicievx,
Svperbes gens fort avaricievx,
Sans reverence et sans benignité
Grans amatevrs de tovte volvpté
Et en levr dire avront avcvne espece
De charité, mais seront sans promesse
Sans foy, sans œvvre et inobediens
A levrs parens sans paix impatiens,
Si adonnez à levr mondanité
Qve le plaisir de levr iniqvité
Reffroidir a tovtes levrs oraisons,
Voyla les poinctz, les cavses et raisons
Povrqvoy ilz ont laissé mon aliance.
Secondement par vne orde iactance
De fier orgveil et de cvpidité,
Povr avoir brvict et loz de vanité
Ont inventé mille errevrs avx vivans
A celle fin d'estre estimez scavans
Entre les grans, et qv'il soit faict memoire
De levr scavoir, confit en vaine gloire
Av detriment de mon pevple commvn:
Et font ainsi comme feit vn iovr vn,
Qvi enrageoit qv'on ne parloit de lvy.
F ii
COMPLAINCTE
Et qv'il n'estoit estimé et ovy
Comme d'avcvns qvi voyet en honnevr
Estant vn iovr, bien dolent en son cvevr
Qv'il ne povoit faire qvelqves scandales:
Povr estre mis et escript avx Annales
Il prit dv fev, ainsi qve dict l'exemple
Et s'en alla mettre le fev av temple
De Diana, à fin d'acqverir brvict.
Le monde alors, voyant le liev destrvict,
De tovtes pars en grosse diligence
Feit enqverir qvi avoit faict l'offence:
Et ainsi comme on s'enqvestoit dv faict
Le malhevrevx dict c'est moy qvi l'ay faict
A donc chascvn lvy demanda povrqvoy,
Lors respondit et ivra svr sa foy
Qv'expressement, l'avoit ainsi brvslé,
A celle fin, qve de lvy fvt parlé
Et qve son nom fvt escript avx croniqves,
Ne plvs ne moins, font les favlx heretiqves
Qvi tovs les iovrs taschent à me destrvyre
Cerchans moyens faire levrs nõs escripre
Et imprimer av livre de mensonge.
Qvãd à levrs faictz ie considere et songe
Semblables sõt ainsi qve dict sainct Pierre
Avx pvytz profvndz, et fonteines de terre
Qvi sont sãs eav la plvs grand part dv tẽps:
Preschans errevrs et mille abvs patens
DE L'EGLISE.
Avx povres gens, des villes et villages
Et sont ainsi comme ces grans nvages
Qvi sont en l'air empeschant la clarté
Dv clair soleil, par levr fvmosité.
Semblablement ceste gent mal famée
Respand par tovt sa pvante fvmée
Povr obfvsqver la grand' clarté solaire:
En prometant av commvn popvlaire
Le faire vivre en sa liberté rvde.
Povrce rescript, le glorievx sainct Ivde
Qve ce sont gẽs, qvi ne vacqvẽt qv'a boire
Qv'a govrmander, et tovte levr memoire
Est de novrrir levr infame charongne
De povreté, de vermine et de Rongne,
Et sont ainsi qve nvée agitée
Qvi des gros ventz est en l'air regettée
Par vn fort tẽps qvãt il gresle ov qv'il tonne
Et les compare avx arbres de l'antonne
Infrvctvevx mortz et deracinez
Qvi à plaisir sont tant fort adonnez
Qve propremẽt avx vndes ilz ressemblent
De la grand mer ov tovtes eavx s'assemblẽt
Par gros bovillons avx govffres fvrievx:
Et dict encor, l'apostre glorievx
Qv'icelles gens mavldictes et errantes
Sont tovt ainsi comme esto? elles errantes
Et qve tempeste et tenebrosité
Y iii
COMPLAINCTE
Diev levr reserve à perpetvité
Car tovt levr cvevr ne tẽd qv'a gloire vaine
Qv'a volvpté, et plaisance mondaine,
Pretendans tovs levrs noms magnifier.
Donc mes enfans gardez de vovs fier
A levrs sermons et propositions
Et n'escovtez levrs dispvtations:
Car ce sont gens si cavtelevx et fins
Qve bien sovvent parviennẽt à levrs fins
Et font tomber maintz espritz variables
Ne soyez donc, à levrs dictz favorables,
Et vovs garder de hanter avec evx:
Si fiers ilz sont, et si contentievx
Par l'egvillon de ceste vaine gloire,
Qv'ont en horrevr tovt divin oratoire.
Povrce sainct Pol, dict avx Corinthiens
Qv'icevx pervers et malhevrevx chrestiẽs
Ne svyvent point la covstvme ancienne,
Ne les statvtz de l'eglise chrestienne
Comme chascvn est tenv de ce faire.
Et sainct Gregoire avssi dict et profere,
Qv'impossible est de levr donner entendre
Levr grand deffavlt, ne levr faire cõprendre
La verité, de la saincte escriptvre.
Car levr perverse et maligne natvre,
Est si svbiecte à ceste ambition,
Qv'ilz sont confictz en contradition
DE L'EGLISE.
Ne plvs ne moins, qve fvrent Arrivs
Thobvtes, vvitclef, Aecivs,
Et plvsievrs gens svperbes et lvbriqves,
Qvi par orgveil sont tovs mors heretiqves
Et declarez mes mortelz ennemys.
Or regardez mes enfans et amys,
Si ce iovrd'hvy tovs ces Lvtheriens
Ne sont point telz, comme les anciens
Vovs ont p̃dit, et s'ilz n'ont point les vices
Et les errevrs, evx et tovs levrs novices,
Comme ont d'escript les glorievx Apostres
Helas combien de sainctes Patenostres
Et d'oraisons, disent ilz tovs les iovrs
Fvyez fvyez, levrs miserables tovrs
Et levrs maisons pleines de pestilence.
Car ce n'est qv'ire, avarice, insolence,
Lvxvre, orgveil et contrarieté.
Par plvsievrs foys dv sainct pere ont esté
Admonnestez d'abolir levrs errevrs,
Et d'obeir à levrs svperievrs,
Laqvelle chose ont dv tovt refvsée,
Et sa vertv favlcement recvsée,
Povr obeir av prince terrien:
Et comme dict, monsievr sainct Ciprien,
Voyla d'ov vient tovtes les heresies,
Les scismes grans et folles fantasies,
Qvand avcvn vient contre l'obeissance
Y iiiii
COMPLAINCTE
Dv pere sainct, deniant sa pvissance:
Et qv'on ne croit qv'en l'eglise à vn prestre
Qvi est pastevr, svperievr et maistre
G. and lievtenant de nostre Savvevr Diev
Cõme à present sont plvsievrs en maint liev
Qvi d'vn favx zelle ont vovlv condamner
La grand' pvissance et dignité damner
De mes pastevrs et sovverains ministres
Qvi ont povvoir par levrs chartres et tiltres
D'ordonner loix, festes, ievsnes vigiles,
Et de prescher les sainctes Evangiles:
Non pas ainsi comme font ces meschans
Lesqvelz s'en vont par les villes et champs
Secrettement entre gens mecaniqves
Commvniqver livres diaboliqves
Remplis d'errevrs et de favlx argvmens
Dont ilz font tant, qve par levrs preschemẽs
La plvs part d'evx en sont deffectvevx,
N'appert il pas qv'ilz sont biẽ malhevrevx
Et bien remplis de damnable malice?
Qvant sovbz covlevr de reprendre le vice
D'avcvns profetz, mal vivantz en levr ordre
Les favlx mastins par vn tresgrant desordre
Ont denié tovte religion:
Si qv'aviovrd'hvy en mainte region
Ont dessiré les sainctes decretalles
Et abbatv les eglises clavstralles
DE L'EGLISE.
Temples, covventz, priorez et chapeles
Et violé les vierges et pvcelles
Comme i'ay dict svr vn avtre propoz.
O vicievx et svperbes svppostz
Si à voz faictz avec bien regardé
Vovs congnoistrez qv'avez mal procedé
En voz errevrs, qve ne povez nier,
Car vovs debviez premierement crier
Svs les abvs, et les donner entendre
Avx principavlx, advant qve de reprendre
Les bons estatz sainctement ordonnez
Qvi ont esté dv sainct esprit donnez
A voz parens, plvs gens de bien qve vovs,
Et d'abondant à l'exemple de tovs,
Povr colorer voz loix palles et blesmes
Vovs debviez tovs cõmẽcer à voz mesmes
Et vovs monstrer sans reprehention:
Car nvl ne pevlt donner correction
Qve le premier il ne soit corrigé
Dont il s'ensvyt, qv'avez tresmal ivgé
Et mal fondé vostre folle entreprise.
Si vovs vovliez qve de tovs fvst bien prise
Il vovs falloit les premiers reformer
Pvis en apres les abvs reprimer
Povr acqverir bon brvict loz et credit,
Car vovs scavez qve mon espovx vovs dict,
Qve tovs cevlx la qvi tovs les iovrs l'appellẽt
COMPLAINCTE
Seignevr, seignevr, et devx foys le rapellent
N'entreront pas av Royavlme des Cievx
Comme entre vovs iniqves vicievx
Qvi mes statvtz vovlez desavover,
Dont de ma part, ie ne vovs pvis lover
Ne excvser de vostre griefve offence,
Car vostre estat n'est qve concvpiscence
De liberté, plvs orde qve fiens:
Et ressemblez avx vievx Pharisiens
Qvi devant Diev accvserent la femme
Qv'on avoit prise, en advltere infame,
Qvand Iesvs christ levr mõstra levrs pechez
Ilz fvrent tovs si hontevx et faschez,
Qve de despit chascvn d'evx print la fvyte.
Semblablement vovs de favlce condvite,
Vovs scavez bien l'errevr d'avtrvy prescher,
Mais voz meffaictz ne vovlez esplvcher,
Dont il me semble à tovs poinctz regarder
Qve vo' debvez povr vostre hõnevr garder
Y proceder, selon les sainctz Conciles
Admonnestant les Citez et les villes
Secrettement, sans descovvrir la honte
Dv pere sainct, dont vovs ne tenez compte
Non plvs qve Cam, plein dorde genitvre.
Qvi descovvrit la hontevse natvre
De son bon pere, en ce mocqvant de lvy,
Tovt en la force entre vovs ce iovrd'hvy.
DE L'EGLISE.
Vovs mesprisez le spiritvel pere
En descovvrant son vice et impropere,
Dont ie conclvdz, dessvs voz faictz et dictz
Qv'estes de Diev reprovvez et mavldictz
Car celvy la qvi son pere mesprise,
Et qvi medict dv Prince de L'eglise
Offence Diev, et sa digne pvissance?
Et tovs cevlx la, qvi par folle arrogance
Blasment l'honnevr des prestres de la loy
Sont malhevrevx, et vont contre la Foy
Qve mon espovx levr à recommandée,
Parqvoy ie dy, qv'avez tresmal gardée
Son ordonnance, et son commandement
Car à lvy sevl appartient ivgement
Svr ses prelatz, et ministres dv temple
Dessvs cecy, vovs avez vn exemple
De Constantin Emperevr des Rommains
Qvand par fortvne il tomboit en ses mains
Dv sainct Clergé qvelqve diffamatoire:
Secrettement, en son Royal pretoire
Les appelloit, et disoit mes amys:
Nostre seignevr vovs à eslevz et mis
Par dessvs novs, en l'eglise sainct Pierre,
Vovs estes tovs, les sainctz dievx de la terre
Crées de lvy, et plvs nobles qve novs
Povrce donnez ivgement contre vovs,
Et regardez la ponderevse somme
COMPLAINCTE.
De voz deffavlx, qvi n'appartient à homme
De les ivger, ne condamner les dievx:
C'est à vovs mesme et av seignevr des cievx
Qv'en appartient la pleine congnoissance.
Doncqves svyvans de raison l'ordonnance
Ivgez voz faictz à vostre honnevr et gloire
A ce propoz, dict mõsievr sainct Gregoire
Qv'il n'appartient à la main secvliere
De condamner L'eglise regvliere,
Ne tovs cevx la qvi despendent d'icelle,
Vovs avez donc procedé d'vn favx zelle
Et mal gardé l'ordonnance de Diev,
[IMAGE]
Qvi vovs cõmãde en mõsievr saĩct Mathiev
Qv'a voz Pastevrs donnez obeissance
Et qve d'icevx prenez recongnoissance
Sans regarder à cela qv'ilz feront,
Mais observer ce qv'ilz commanderont,
DE L'EGLISE.
De poinct en poinct, en honneste maintien.
Helas chrestiens, combiẽ de gens de bien
Y à il ev depvis qvinze cens ans,
Qvi ont esté en levr temps bien vivans
Et qvi ont vev, cent mille abvs iniqves
Qvi povr cela n'ont esté heretiqves?
Combien de gens, y a il ev av monde
Lesqvelz ont vev faire maint vice immvnde
A levrs prelatz, pleins de mondanité,
Qvi ont tovsiovrs en grant bien persisté
Et servy diev en levrs sainctz tabernacles
Combien Lvther, à il faict de miracles
Depvys qv'il c'est en ces abvs fovrré?
Et vovs avssi depvis qv'avez erré
Ov sont les gens debiles, langovrevx
Qv'avez gvaris par faictz miracvlevx
Et relevez par pvissance divine?
Par vostre foy, qvel œvvre ne qvel signe
Avez vovs faict, qvi donne tesmoignage
De vostre loy libertine et savvaige
Estre de diev, catholiqve et chrestienne
Pavvres lovrdavx, pẽsez vo' q̃ la miẽne
Par tovt le moride ait esté confirmée,
Et qve i'aye ev tel brvict et renommée
Sans grand miracle et signes merveillevx:
Estimez vovs pavvres gens orgveillevx,
Qv'on ne m'ait pas divinement provvée
COMPLAINCTE
Par maint concile et tresbien approvvée
Premierement qv'avoir esté receve:
Penseriez vovs qve Iesvs m'evst deceve
Ivsqve av iovrd'hvy, et qv'il evst endvré
Qve c'est abvs evst si long temps dvré
Et moy qvi svis son espovse et amye:
Evssay ie esté si long temps endormie,
Av detriment de sa foy catholiqve:
Nenny, nenny, sa bonté deifiqve
N'a point esté d'avec moy separée
Povr ce ie svis en tovt temps preparée
De lvy garder ses enfans et amis,
Ne plvs ne moins qve ie lvy ay promis
Povr les grãs biens dont il m'a contentée.
Qvãd ses massons m'ont svr terre plantée
De levrs marteavx se sont monstres si fors
Qv'ilz ont par lvy ressvscité les mors
Et à plvsievrs ont donné gvarison
Par ievsne avmosne et devote oraison
M'edifiant en chascvne province.
Or allez dire à Lvther vostre prince
Et à ses gens, lesqvelz s'estimant tant
Qve ie levr pry qv'ilz en facent avtant,
Et qve Calvin s'en vienne devant tovs,
Povr novs gvarir vn vievx chat de la tovx
Et novs croirons à voz loix mecaniqves.
O detractevrs medisans et lvbriqves
DE L'EGLISE
Qvi meprisez vos peres et les nostres,
N'est il pas dict, avx actes des apostres
Qve mon espovx ma svr sa foy fondée
Par grand miracle, et d'vne amovr sondée
En me dovant de sa grace profonde:
Ie vovs demande à vovs ivges dv monde,
Qvi dessvs tovs vovs estimez scavans,
Si dv depvis dixhvyt ov vingt ans
Qve vo' marchez p les chasteavx et villes
Vovs avez faict les sainctes evangiles:
Par vostre foy, voz vievx peres passez
Sont il dv monde en l'avtre trespassez
Comme pensez en incredvlité,
Sans avoir ev ne congnev verité:
La verité qv'avez tant attendve,
Par voz biens faictz est elle descendve
En voz maisons ov n'abite point diev,
Nenny, nenny, biẽ vient d'vn avtre liev.
Des confessevrs, des apostres et vierges
Et des martyrs qvi à grans covps de verges
Ont respandv levr sainct sang precievx,
Povr destremper le mortier gracievx
Dvqvel ilz m'ont massonnée et bastie
Divinement, sans estre departie,
Dessvs la foy de l'apostre sainct Pierre
Et m'ont plantée en tovs lievx de la terre
Par les Dvchez et estranges Royavmes
COMPLAINCTE
Povr accomplir les catholiqves pseavlmes
Ov il est dict, qve par tovt territoire
Mise seray, en honnevr et memoire
De mon espovx, par predication.
Et donc vovs pleins d'ire et ambition,
Par vostre loy sarrafine et brehaigne
Penseriez vovs en vn coing d'Allemaigne
Me tenir sovbz vostre svbiection?
Non, non, car Diev est ma protection
Et mon gvydõ, dont ie n'ay de vovs crainte
Car il me tient si bien enclose et ceinte:
Qve ie ne crains vostre fol ivgement
Or dictes moy, par la foy et serment
Qve vovs devez av mavdict Antechrist,
Avez vovs tovs le benoist sainct esprit?
Martin Lvther le vovs a il transmis?
Si vovs l'avez novs sommes voz amys
Et concedons qve vovs avez gaigné
Mais sevre svys qv'il est bien eslongné
Et recvlé, de vostre intention.
Car ev vn liev plein de division
Ov il n'y à qve contrarieté
Le paraclet ne pevt estre arresté.
Parqvoy ie dy, qv'il n'est possible av monde
Qve l'esprit sainct gracievx pvr et mvnde
Pvisse descendre en vn temple si ord.
Car vovs vivez en si tresgrand discord
DE L'EGLISE.
Et en tel trovble, et controversité
Qve plvsievrs foys voz doctevrs ont esté
En grand danger de levrs corps vicievx
Ivsqves qvasi, s'entre attacher les yevlx
Et prez qv'adire il n'y a point de diev.
Povrce ie dy, svr ce passage et liev,
Qve vostre loy n'a nvl bon fondement,
Et qve dvrer el' ne pevlt longvement
Et son errevr, mensonger et nvysible
Et av svrplvs, comment est il possible
Qv'en vn vaisseav plein d'immvndicité,
Pvisse sortir avcvne pvrité
De verité? Vev qve l'abominable
Martin Lvther, estoit vaisseav dv diable,
Le plvs meschant, le plvs seditievx,
Et le plvs feint qvi fevst dessovbz les cievx.
Comme cela se povrroit il entendre,
Qve diev evst faict sõ saĩct esprit descẽdre
En ce corps la, tovt comble d'heresie
Qvi n'a semé qv'ordvre et pvnaisie
Et detracté sa divine pvissance.
Impossible est, qv'il ait ev congnoissance
En son orgveil et svperbe covraige
De mon espovx, car comme dict le saige
L'esprit de diev, en l'ame malivole
N'habite point, ne dedens son escolle,
Povrce qv'elle est de peché chambriere.
Z
COMPLAINCTE
Dont il s'ensvit, qve sa doctrine asnierẽ
N'est povr tovt vray de lassvs provenante.
Car à bon droict elle est contrariante
Et medisante, en tovtes compaignies
Des trespassez et fidelles lignees
Qvi sont en paix en la gloire celiqve
Et povrce donc, mon pevple catholicqve,
Garde toy bien de levr prester lavreille.
Car q les svyt, cest grãd covp de merveille
S'il n'est svrpris à levr ordre devise:
Svy moy deprez, ie svis ta mere Eglise,
Et celle la, qve diev à tant prisée,
Qvi ne fvs onc en nvl temps divisee
Cõbiẽ qv'ait ev grand nõbres d'heretiqves
Car comme est dict et rescript avx cãtiqves,
Ie fvis la saincte et parfaicte colvmbe
Qvi sovstiẽt tovt et sovbz moy rien ne tõbe
Sevlle ie svis et celle qvi point n'erre
Avtre qve moy il n'y a svs la terre
Gardant la foy de Iesvs mon espovx,
Qvi ma plantee en vn terroir si dovlx
Qve mes sentiers sont tovs fvlcys de flevrs
Et de vertvs de diverses covlevrs
Pleines d'ondevrs et de svavité.
Donc mes enfans ne prenez verité
De ces dovbtevrs qvi n'ont poĩt d'assevrãce
Plvs sevrement, en avrez congnoissance
DE L'EGLISE.
De mes svppostz, doctevrs de la Sorbonne:
Croyez cevx la, car la foy devx sort bonne
Gens de bien sont et bons à recongnoistre.
Et à cel' fin qve vovs pvissez congnoistre
Les malhevrevx d'avec les gens de bien
Donner vovs vevlx le conseil et moyen
Povr les fvyr, et cõme ilz sont vestvs.
Premierement, ce sont gens revestvs
D'ypocrisie, et dessovbz levrs habitz
Qvi simples sont comme peavlx de brebis
Ilz sont Lyons, Ovrs, et Lovps ravissans,
Et avx gens vievx fort desobeissans,
Grãs gavdissevrs, grãs faisevrs de tovt rien
Mangeans la chair vendredy cõme vn chiẽ
Et beavlx disevrs en sermon et en prosnes
En ovltre plvs ilz sont armez d'avmosne
Ne plvs ne moins qve le traistre Ivdas,
Crians, disans avx gens de bien (helas)
N'avra on point de ces povres pitié:
Et semble à voir qve par vne amytié
D'amovr prochaine, y ayent fantasie:
Mais cela vient dv font d'ypocrisie
Povr colorer levrs errevrs Lvtheristes
Et tiercement ilz ont les faces tristes
Blesmes, creintifz, fort melencolievx,
Entre les gens pensifz et glorievx,
Et de travers regarderont vn homme.
COMPLAINCTE.
Et d'abondant, dv sainct pere de Romme,
Ilz mesdiront, et de ses indvlgences,
De ses statvtz, des bvlles et dispenses,
Et lvy mettront tovs ses pechez svr table.
Sẽblablemẽt d'vn favlx cvevr detestable
Les gens d'eglise en tovs lievx blasmeront,
Et mille mavlx ilz levr reprocheront
En levr absence, à fin de svborner
Les simples gens, et de les destovrner
Dv bon vovloir qv'ilz ont av sacrement.
Et en aprez, consecvtivement,
A tovs propos ne parlent qve de grace
Qve de pardon, qve de manger chair grasse
Qve dv seignevr qve de misericorde
Qve d'vne vie ambitievse et orde,
De verité, de liberté chrestienne
Dv testament de la loy ancienne,
De l'evangile et dv divin esprit,
Et comme avthevrs dv mavdict antechrist,
Disent le christ sans proferer Iesvs,
Et tovs les sainctz dv regne de lassvs
Appellẽt Pol, Iehã, Marc, Lvc, Iacqve, Pierre
Ne plvs ne moins qve s'ilz estoient en terre
Sans levr donner avlcvn tiltre d'honnevr,
Et à levr dam et tresgrand deshonnevr
Les dessvsdictz iniqves odievx
Font Iesvs tant misericordievx,
Qv'en levrs sermons ilz viennẽt par malice
DE L'EGLISE.
A abolir, sa divine ivstice
Et à nyer qv'en y ait de damnez
Voyla l'estat des mavldictz condamnez
Voyla levr train, et levr govvernement,
Donc, mes enfans ie vovs prie hṽblement
De n'adherer à levrs propos infames
Car à Sathan ont engagé levrs ames,
Et contracté avx prince des tenebres,
Qvi levr prepare avx vmbrevses latebres
Vn merveillevx et terrible tovrment
Povr ce pensez av final Ivgement
Et av danger ov ilz sont tresbvchez
Si chargez sont de damnables pechez,
Qve terre et mer ne les pevlt plvs novrrir
Sont arbres secs qvi s'en vont tovs povrrir
Desqvelz la flevr ne pevlt sortir ne croistre
Et à levr frvict vovs povez bien cõgnoistre
Qv'en evlx n'y à qve rancvne et rapine.
Svyvez moy donc, et prenez ma doctrine
En vovs rendãt sovbz ma garde et franchise
I'ay mon espovx, qvi m'a grace promise
Et qvi me tient sovbz sa protection
C'est mon sovlas, ma consolation.
Mon bien aymé qvi me govvernera
Et qvi tovsiovrs avecqves moy sera,
En ce bas val, povr mal salvation
Ivsqv'à la fin et consvmmation.
FIN.
TABLE DV CONTENV
en ce livre. Et pre-
mierement.
Combat des livres en vvlgaire
fveillet 11
Combat svr la pvissance dv Pape
fevillet 23
Combat des indvlgẽces et cõme
le sainct pere a pvissance de par-
donner et remettre les pechez.
fveillet. 33
Combat svr la sentence de excõ-
mvnication 37
Combat svr la pvissance de L'e-
glise 41
Combat svs la pvissance des Cõ-
ciles 45
Combat svr la plvralité des Be-
nefices 50
Combat svr le decimes 57
Combat de la confession Avri-
cvlaire 62
Combat svr avcvns abvs et com
me novs devons tovs obeissance
à noz pastevrs. 68
TABLE.
Combat svr les barbes des gens
d'eglise. 72
Combat svr les chantz de l'eglise.
fveillet 73
Combat svr les ceremonies de no-
stre mere saincte eglise, 79
Combat svs la benediction dv
pain beneit 81
Combat svr le fev de pvrgatoire 89
Combat svr la Ievsne et de l'absti-
nence de la chair 97
Cõbat svr la veneration des yma-
ges des Sainctz. 106
Combat svr la priere et venera-
tion des Sainctz 112
Combat svr les oblatiõs des chã-
delles et avtres offerttes 120
Combat svr le sainct Sacrement
de L'avtel. 125
Combat svr le liberal arbitre de
L'homme. 132
Combat svr les œvvres de la
ivstification de la Foy. 136
Imprimé à Roven, par Iehan Petit.
On les vend à Roven par Robert et Iehan
dvgort freres.